អ្នកមានទម្រង់មេដៃប្រភេទនេះ ចាស់ទៅច្រើនតែរស់ស្រួល តែប្រភេទទី ៣ មិនសូវល្អទេ
តាមទំនោរចាស់ពីបុរាណដំណាលតគ្នា មើលត្រឹមទម្រង់មេដៃ ក៏អាចទាយបានដែរ ថាមនុស្សនោះជាមនុស្សប្រភេទណា ហើយអាចមានជោគវាសនាបែបណាខ្លះ?
១) មេដៃរាងមូលធំ
អ្នកដែលមានមេដៃរាងមូលធំ ច្រើនតែឆ្លាតនិងរហ័សរហួន។ ការគិតរបស់ពួកគេច្រើនតែបែប Logic ហើយរាល់ការបំពេញកិច្ចការងារអ្វីគឺដាក់ចិត្តខិតខំធ្វើខ្លាំងណាស់។
ទោះជាយ៉ាងណាមនុស្សប្រភេទទី ១ នេះ ឆាប់ប៉ះទង្គិចផ្លូវចិត្ត ឆាប់រងឥទ្ធិពលផ្លូវអារម្មណ៍ ពីមជ្ឈដ្ឋានជុំវិញខ្លួនបន្តិច។ និយាយស្រួលស្តាប់ទៅ គេឆាប់ខឹង ឆាប់ក្តៅក្រហាយដោយសារនឹងសម្តី ឬទង្វើរបស់អ្នកដទៃ។
និយាយដល់ផ្លូវទ្រព្យ ពួកគេរមែងជោគជ័យក្នុងអាជីពកិច្ចការងារ និងការរកស៊ីជំនួញធំតូចនានា ហើយទ្រព្យសម្បត្តិរមែងមានច្រើនហូរហៀរ ពេលឈានដល់វ័យរាងចំណាស់ទៅ។
២) មេដៃរាងវែង
អ្នកដែលមានមេដៃវែង ច្រើនតែដឹងពីរបៀបគ្រប់គ្រងផ្លូវអារម្មណ៍របស់ពួកគេបានល្អ ហើយអាចដោះស្រាយអ្វីដោយស្ងប់ស្ងាត់រាល់គ្រប់ស្ថានការណ៍ទាំងអស់។
យ៉ាងណាគេមានទំនោរមួយគឺឯករាជ្យ រាល់ការបំពេញកិច្ចការងារអ្វី គេច្រើនតែធ្វើដោយឯកឯង ហើយមិនសូវចង់មានគ្នាមកចូលរួមច្រើនឡើយ។ បែបនេះនាំឲ្យឱកាសទទួលលាភធំពីអ្នកខាងក្រៅខ្លះ គេច្រើនតែធ្វើឲ្យរបូតដោយខ្លួនឯង តែហានិភ័យនៃការជួបទុក្ខពីខាងក្រៅ ក៏មានទាបទៅតាមនោះដែរ។
១) មេដៃធំហើយខ្លី
គេជាមនុស្សឧស្សាហ៍ព្យាយាម តែមិនសូវចេះគ្រប់គ្រងអារម្មណ៍ខ្លួនឯងទេ។ មនុស្សនេះក្លាហាន ពូកែនិយាយ ពូកែស្រមៃ តែធ្វើមិនសូវចេញជាផល។ ជីវិតរបស់ពួកគេមិនសូវជួបរឿងល្អប៉ុន្មានឡើយ ហើយនិយាយពីបរាជ័យក៏រមែងជួបច្រើនជាងជោគជ័យ។
បន្ថែមពីផ្កាក្រចក៖ សម្រាប់មនុស្សដែលមានផ្កាក្រចកនៅមេដៃខាងឆ្វេង គឺគេសម្គាល់ថាជោគជ័យលើភាពជាអ្នកដឹកនាំ ហើយនៅខាងស្តាំគឺជោគជ័យលើរឿងស្នេហា៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
