មនុស្សប្រុស ៤ ប្រភេទនេះ មិនស្មើសំរាមផង ស្រីៗកុំទឹកភ្នែកនៅស្តាយស្រណោះពួកគេទៀតអី
ក្នុងទំនាក់ទំនងស្នេហារវាងមនុស្ស ២ នាក់ ជឿថាមិនសុទ្ធតែមានចំណុចល្អគ្រប់ដប់នោះទេ ក៏មានលាយឡំចំណុចមិនល្អខ្លះ វាជារឿងធម្មតា។ ប៉ុន្តែត្រូវសួរដែរថា អ្វីដែលគេធ្វើចេញមកវាសមនឹងអាចប៉ះប៉ូវមិនប្រកាន់ទោសដែរឬទេ ព្រោះទង្វើខ្លះអាចរាប់បានថាពួកគេមិនស្មើនឹងសំរាមផង ហើយយើងគ្មានអ្វីត្រូវទៅសោកសៅ ឬសោកស្តាយនឹងដើរចេញពីទំនាក់ទំនងមួយនោះទេ។
Knongsrok បង្ហាញបុរស ៤ ប្រភេទ ដែលអ្នកគួរតែកុំយកខ្លួនបៀត ហើយបើបានជួបហើយ ក៏រៀនកាត់ចិត្តទៅ គេមិនសមនឹងយើងឡើយ៖
៤) មានទំនោរទៅលើការប្រើហិង្សា
សម័យនេះហើយ ក៏សមល្មមទទួលបានការអប់រំ មានឱកាសក្រេបយកចំណេះដឹងគ្រប់ទិសទី ហើយបើនៅប្រើអំពើហិង្សាកើតទៀត មិនដឹងហៅថា អ្វីនោះទេ។
ពាក្យហាឡើងថា ស្រលាញ់អ្នក តែពេលខឹង ទប់អារម្មណ៍មិនបាន ក៏ហ៊ានលើកដៃវាយអ្នក មនុស្សប្រុសបែបហ្នឹងបើដឹងថាគេអ៊ីចឹងហើយ ជូតទឹកភ្នែកដើរចេញទៅ គេគ្មានតម្លៃអ្វីសម្រាប់អ្នកទេ។
៣) មិនគោរពឪពុកម្តាយ
ចង់វាយតម្លៃបុរសម្នាក់ គឺមើលតែការគោរព ការឲ្យតម្លៃ ក៏ដូចជាអាកប្បកិរិយាដែលគេធ្វើឡើងចំពោះសាច់ញាតិម្តាយឪពុកគេទៅគឺដឹងហើយ។ បើជាមួយម្តាយឪពុកគេ មុខមិនចង់មើល មិនដឹងពួកគេជាអ្នកមានគុណអ្វីផងនោះ អ៊ីចឹងកុំសង្ឃឹមថាគេនឹងល្អជាមួយម្តាយឪពុកអ្នកដែលជាសាច់ថ្លៃអី ហើយបើធ្វើបានក៏ត្រឹមរយៈពេលខ្លីដែរ។
២) ខ្ចីលុយពីស្រ្តីជាគូស្នេហ៍
បើម្តងពីរមិនញឹកញាប់ទេនោះ រាប់ថា វាជាបញ្ហាទាល់ច្រកដែលគេបង្ខំមករកយើងជាមនុស្សជិតដិតជួយ តែបើក្លាយទៅជាទម្លាប់ ហើយខ្ចីមិនសងទៀត យើងកុំរំពឹងទៅមុខអី ថាគេអាចជាខ្នងបង្អែកមើលថែយើងបានល្អនោះ។
ធម្មជាតិរបស់បុរសមិនមែនថាឲ្យចិញ្ចឹមមនុស្សស្រីពេលការហើយនោះទេ តែបើអាយុ ២០-៣០ ហើយ នៅលាដៃខ្ចីប្រាក់ពីសង្សារ វាមើលទៅដូចជាមិនទំនងទាល់តែសោះ។
១) រត់ចោលពេលមានបញ្ហា
ចង់ដឹងគេស្មោះត្រង់នឹងយើងឬអត់ មើលពេលមានទុក្ខដឹងហើយ។ បុរសខ្លះល្អតែពេលយើងមានបាន សប្បាយសាទរតែពេលយើងឡើងខ្ពស់ ដល់ពេលយើងធ្លាក់ចុះមកដល់ចំណុចសូន្យគេប្រើគ្រប់ហេតុផលដើម្បីចាកចេញ។
ផ្ទុយទៅវិញបើជួបបុរសដែលគេនៅបន្តចាំជួយដោះស្រាយបញ្ហាជាមួយអ្នក មិនបោះបង់ និងចាំលើកទឹកចិត្តអ្នក បុរសម្នាក់ហ្នឹងហើយដែលអ្នកមិនគួររំលងមើលនោះទេសម្រាប់គូជីវិតទៅថ្ងៃមុខ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
