Arsene Wenger បញ្ចុះបញ្ចូលគ្រូបង្វឹកជម្រើសជាតិបារាំងកោះហៅ Karim Benzema ឲ្យលេង Euro 2020
Benzema ខកខានបង្ហាញវត្តមានឲ្យក្រុមជម្រើសជាតិបារាំងរយៈពេល៥ឆ្នាំហើយបើគិតមកដល់ពេលនេះហើយអតីតគ្រូបង្វឹក Arsenal លោក Wenger ទទូចថា Karim សក្ដិសមទទួលបានកៅអីក្នុងក្រុមជម្រើសជាតិជាមួយនឹងកំណត់ត្រាដ៏ល្អដែលគាត់បានធ្វើជាមួយ Real Madrid ។
លោក Arsene Wenger បាននិយាយក្នុងបណ្ដាញសារព័ត៌មានបារាំង EFA ថា៖« Benzema មិនជាប់ជម្រើសជាតិគឺមិនអាស្រ័យលើគុណភាពរបស់កីឡាករឡើយ។ សម្រាប់ខ្ញុំ Benzema សមនឹងទទួលបាន ១០០ ភាគរយដែលត្រូវកោះហៅទៅប្រកួតជើងឯកអឺរ៉ុប»។
«គាត់អាចលេងឱ្យក្រុមជម្រើសជាតិណាក៏បានដែរ ហើយដោយសារតែបញ្ហាបន្ថែមតិចតួច និងហេតុផលមិនមែនក្នុងកីឡាមួយចំនួនដែលគាត់មិនបានលេង»។
»គាត់បានលេងឱ្យក្លឹប Real Madrid អស់រយៈពេលជាង ១០ ឆ្នាំក្នុងនាមជាតារាជួរមុខ ហើយកំណត់ត្រារបស់គាត់គឺអស្ចារ្យណាស់»។
ខ្សែប្រយុទ្ធរូបនេះត្រូវបានបញ្ឈប់ពីក្រុមជម្រើសជាតិក្នុងឆ្នាំ ២០១៥ ដោយសាររឿងអាស្រូវ បន្ទាប់ពីបានចោទប្រកាន់ពីបទផ្ញើសារវីដេអូសិចតាមទូរស័ព្ទអំពីសកម្មភាពរបស់មិត្តរយមក្រុមជម្រើសជាតិ Mathieu Valbuena ។
បុរសវ័យ ៣៣ ឆ្នាំរូបនេះនឹងត្រូវបានជំនុំជម្រះនៅតុលាការក្នុងខែតុលាឆ្នាំនេះហើយ ជុំវិញក្ដីក្ដាំដែលគាត់ថតវីដេអូសិចកគម្រាមជំរិតទារប្រាក់ពីមិត្តរួមក្រុមរបស់គាត់។
កាលពីពេលថ្មីៗនេះលោក Didier Deschamps គ្រូបង្វឹកសញ្ជាតិបារាំង បានបង្ហើបឱ្យដឹងថារឿងអាស្រូវសិចមិនមែនជាហេតុផលចំបងសម្រាប់ជំហររបស់គាត់មិនកោះហៅ Benzema នោះទេ។
ប្រភព៖ EFA
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
ព័ត៌មានថ្មីៗ
