ជម្រើសជាតិកូរ៉េខាងជើងដកខ្លួនពីការប្រកួតជម្រុះ FIFA World Cupហើយ តែ AFC ឲ្យគិតសារឡើងវិញ
កាលពីថ្ងៃសុក្រ សមាគមកីឡាបាល់ទាត់កូរ៉េខាងជើងបានផ្ញើលិខិតមួយទៅកាន់សហព័ន្ធកីឡាបាល់ទាត់ទ្វីបអាស៊ី (AFC) ដើម្បីដកខ្លួនចេញពីការប្រកួតវគ្គជម្រុះ2022 World Cup Qualifiers ដែលនឹងលេងឡើងវិញនៅខែមិថុនាខាងមុខ។
អ្នកនាំពាក្យសមាគមបាល់ទាត់កូរ៉េខាងត្បូង (KFA) លោក Lee Jae-chul បានបញ្ជាក់ពីដំណឹងនេះ និងបានពន្យល់ថាប្រទេសកូរ៉េខាងជើងបានធ្វើការសម្រេចចិត្តដកខ្លួនដោយភ័យខ្លាចថាកីឡាករ និងមន្រ្តីក្រុមនឹងឆ្លងកូវីដ១៩។
ទោះយ៉ាងណាបច្ចុប្បន្ននេះ AFC កំពុងពិភាក្សាជាមួយកូរ៉េខាងជើង ដើម្បីពិចារណាឡើងវិញនូវសេចក្តីសម្រេចនេះ។ ពួកគេកំពុងព្យាយាមបញ្ចុះបញ្ចូលប្រទេសកូរ៉េខាងជើងអំពីសុវត្ថិភាពរបស់ក្រុមនេះមុនពេលធ្វើការប្រកាសជាផ្លូវការ។
បច្ចុប្បន្នក្នុងពូលHនេះ ជម្រើសជាតិទួកមេនីស្ថានកំពុងឈរកំពូលតារាង បន្ទាប់ពីលេង៥ប្រកួតឈ្នះ៣ និងចាញ់២ ខណៈលេខ២គឺកូរ៉េខាងត្បូងលេងបាន៤ប្រកួតឈ្នះ២និងស្មើ២។ លីបង់ឈ្នះលេងបាន៥ប្រកួតឈ្នះ២ស្មើ២និងចាញ់១ហើយលេខ៤ជម្រើសជាតិកូរ៉េខាងជើងដែលដកខ្លួននេះលេងបាន៥ប្រកួតដែរឈ្នះ២ស្មើ២និងចាញ់១ ខណៈជម្រើសជាតិស្រីលង្កានៅបាត់តារាងមាន០ពិន្ទុ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
ព័ត៌មានថ្មីៗ
