Solskjaerថា៖ Cavani តែងចេញពីហ្វឹកហាត់ក្រោយគេហើយជាគំរូដល់កីឡាករក្មេងៗ
អូលបានទទួលស្គាល់ថាថាបុគ្គលិកលក្ខណៈនិងចិត្តគំនិតនៃការឈ្នះរបស់ Cavani មានឥទ្ធិពលវិជ្ជមានទៅលើក្រុម ហើយបិសាចក្រហមមានមោទនភាពដែលគាត់បន្តកុងត្រាមួយឆ្នាំទៀតហើយ ណាមួយគាត់ជាកីឡាករម្នាក់ដែលធ្វើឲ្យមនុស្សរាល់គ្នាគិតខុសពីដំបូង។
ថ្លែងលើការសម្រេចចិត្តរបស់ Edinson Cavani ក្នុងការបន្តកុងត្រារបស់ Man United លោក Ole Gunnar Solskjaer បាននិយាយថា៖“ ខ្ញុំបាននិយាយនៅពេលដែល Edinson បានចុះហត្ថលេខាថា គាត់នឹងនាំមកនូវថាមពល អំណាច និងភាពជាអ្នកដឹកនាំដល់ក្រុមនេះ ហើយខ្ញុំមិនមិនចង់ឲ្យគេគិតខុសទេ គាត់គឺជាអ្វីគ្រប់យ៉ាងដែលខ្ញុំ គិតថាគាត់នឹងមានច្រើនរួចមកហើយ"។
"ក្នុងនាមជាគ្រូបង្វឹក! យើងបានដឹងអំពីកំណត់ត្រារបស់គាត់។ ទោះយ៉ាងណាក៏ដោយ! វាជាបុគ្គលិកលក្ខណៈរបស់គាត់ ដែលបាននាំមកឲ្យយ៉ាងច្រើនដល់ក្រុមនេះ គាត់មានស្មារតីក្នុងការឈ្នះ ហើយមានអាកប្បកិរិយា គាត់ឃើញតាមរយៈអ្វីគ្រប់យ៉ាងដែលគាត់ធ្វើ"។
គ្រូបង្វឹកសញ្ជាតិន័រវេសបន្តទៀតថា៖ " Edinson គឺជាមនុស្សម្នាក់ក្នុងចំណោមមនុស្សចុងក្រោយដែលបានចាកចេញពីកន្លែងហ្វឹកហាត់ក្រោយគេបំផុត ហើយគាត់ជាគំរូដល់យុវជននាពេលខាងមុខជាមួយ នឹងវិធីសាស្រ្តនៃអាជីពរបស់គាត់ជារៀងរាល់ថ្ងៃ"។
"ខ្ញុំតែងតែចង់ឲ្យគាត់នៅ និងទទួលបទពិសោធន៍ពីរបៀបដែលអ្នកគាំទ្ររបស់យើង ឆ្លើយតបនឹងគាត់ក្នុងនាមជាកីឡាករម្នាក់ ហើយនេះមានន័យថាគាត់នឹងទទួលបានឱកាសនោះ"។
Cavani នឹងបន្តស្នាក់នៅ Old Trafford រហូតដល់យ៉ាងហោចណាស់ ខែមិថុនាឆ្នាំ ២០២២។ រដូវកាលនេះ El Matador មានយុទ្ធនាការដ៏ល្អមួយនក្រុមបិសាចក្រហមដោយស៊ុតបញ្ចូលទីបាន ១៥ គ្រាប់និងបញ្ជូនបាល់៥លើកនៅក្នុងការប្រកួតទាំងអស់៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
ព័ត៌មានថ្មីៗ
