Ronaldo នឹងយល់ព្រមកាត់ប្រាក់ឈ្នួលរបស់ខ្លួនទៅចូលរួមជាមួយ Sporting Lisbon
តាមប្រភពព័ត៌មាន Cuatro បានឱ្យដឹងថាតារាឆ្នើមរបស់ក្លឹបសេះបង្កង់ Juventus គឺកីឡាករ Cristiano Ronaldo បានត្រៀមខ្លួនរួចជាស្រេចក្នុងការកាត់បន្ថយប្រាក់ឈ្នួលយ៉ាងច្រើនដើម្បីចូលរួមជាមួយក្លិប Sporting ដែលជាក្លិបរបស់ខ្លួនកាលពីនៅក្មេង។
ការចរចាបានចាប់ផ្តើមរួចហើយអំពីការត្រលប់មកវិញ ដែលអាចធ្វើទៅបាន ហើយម្ដាយរបស់ខ្សែប្រយុទ្ធរូបនេះបានសន្យាអ្នកគាំទ្រកាលពីថ្ងៃពុធថានាងនឹងធ្វើឱ្យអស់ពីសមត្ថភាពដើម្បីបញ្ចុះបញ្ចូល Cristiano ឱ្យមកលេងនៅ Lisbon វិញ។
បច្ចុប្បន្ន! ក្លិបមានមូលដ្ឋានក្នុងទីក្រុង Lisbon បានក្លាយជាជើងឯកលីគកំពូលព័រទុយហ្គាល់ក្នុងរដូវកាល២០២០/២០២១នេះបន្ទាប់ពីប្រកួតសឹងមួយរដូវកាលមុនទាន់ចាញ់ផងនោះ។ ចំណែក Juventus វិញក្នុងរដូវកាលនេះឈរលេខ៥ក្នុងតារាង Serie A អស់ឱកាសក្នុងការលេង Champions League រដូវកាលក្រោយទៀតផង។
ចង់មិនចង់! នេះគឺជាករណីមួយដែល CR7 ត្រូវគិតហើយចង់ចាកចេញពីអ៊ីតាលីមកអេស្ប៉ាញវិញ។ ការវិលត្រឡប់ទៅអេស្ប៉ាញ ឬទៅ Man Utd អាចនឹងមិនកើតឡើងនោះទេ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
ព័ត៌មានថ្មីៗ
