អាហារ ៣ ប្រភេទ ត្រូវតែហាមក្មេងតូចៗកុំឲ្យទទួលទានច្រើន ព្រោះអាចតឿលែងលូតកម្ពស់
អាហារនិងភេសជ្ជៈខាងក្រោមនេះ បើទោះបីជាក្មេងៗនិយមចូលចិត្តទទួលទានក៏ដោយ តែស្រាប់ឪពុកម្តាយទាំងឡាយគួរតែដាក់កំហិតសម្រាប់ពួកគេ កុំឲ្យទទួលទានច្រើនពេក។ បើបន្តយូរទៅនឹងនាំឲ្យកុមារក្រិន ឬតឿលែងលូតកម្ពស់ ដោយសារតែការបាត់បង់ជាតិកាល់ស្យូម៖
៣) អាហារមានជាតិអំបិលច្រើន
ការបរិភោគអាហារដែលមានជាតិអំបិលច្រើន ងាយនឹងបះពាល់ដល់ការលូតកម្ពស់ បំផ្លាញថ្លើម និងតម្រងនោមរបស់ពួកគេ។ នៅពេលដែលរាងកាយផ្ទុកជាតិអំបិលច្រើនពេក នោះនឹងធ្វើឲ្យកាល់ស្យូមត្រូវបានបញ្ចេញច្រើនជាងមុន ដែលនាំឲ្យប៉ះពាល់ដល់ឆ្អឹង និងការលូតលាស់នៃរាងកាយ។
ភាគច្រើនអំបិលមានផ្ទុកនៅក្នុងអាហារសម្រន់ អាហារកែច្នៃដូចជាសាច់ក្រក... ដូច្នេះឪពុកម្តាយគួរតែដាក់កម្រិតទទួលទានសម្រាប់ពួកគេ និងបញ្ចៀសការទទួលទានជាប្រចាំ។
២) អាហារដែលមានជាតិស្ករច្រើន
ជាតិស្ករខ្ពស់ពេកក៏មិនល្អដែរ ក្រៅពីផ្តល់ហានិភ័យនៃការកើតជំងឺទឹកនោមផ្អែម ជាងនេះក៏នាំឲ្យកើតជំងឺធាត់ ខ្សោយតម្រងនោម និងប៉ះពាល់ដល់ការលូតកម្ពស់ថែមទៀតផង។
នោះក៏ដោយសារតែជាតិស្ករក្នុងឈាមកើនឡើង ហើយនាំឲ្យរាងកាយត្រូវតែបញ្ចេញនូវបរិមាណអាំងស៊ុយលីនច្រើន។ ទន្ទឹមនេះក៏នាំឲ្យការផលិតអរម៉ូនលូតលាស់ GH មានការយឺតយ៉ាវជាងមុន ឬត្រូវបានផ្អាក។
១) ភេសជ្ជៈមានជាតិកាបូន
ភេសជ្ជៈដែលមានជាតិកាបូន គឺជាភេសជ្ជៈដែលពេញនិយមសម្រាប់ក្មេងទូទៅ។ តាមការសិក្សាវាប៉ះពាល់សុខភាពខ្លាំងណាស់ ព្រោះនៅក្នុងភេសជ្ជៈទាំងនោះមានសារជាតិដែលនាំឲ្យកាត់បន្ថយដង់ស៊ីតេរ៉ែរបស់ឆ្អឹង។ លើសពីនេះជាតិអាស៊ីតផូស្វ័រក្នុងភេស្ជៈ ក៏វាស្រូបយកជាតិកាល់ស្យូមពីរាងកាយផងដែរ ហើយងាយធ្វើឲ្យឆ្អឹងក្មេងផុយស្រួយ និងលែងលូតលាស់បានល្អដូចមុន។
ផ្ទុយទៅវិញ ដើម្បីឲ្យក្មេងលូតកម្ពស់បានល្អ ម្តាយឪពុកគួរតែទម្លាប់ឲ្យពួកគេទទួលទាននូវអាហារមួយចំនួនដូចជា៖ ទឹកដោះគោ, បន្លែផ្លែឈើ, ស៊ុត, ត្រីសាលម៊ុន, គ្រាប់ធញ្ញជាតិ និងសណ្តែកជាដើម៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
