មេធំ Apple៖ “Android ប្រឈមមេរោគឆ្លងចូលច្រើនជាង ៤៧ ដងធៀបនឹង iOS”
ប្រព័ន្ធដំណើរការរបស់ Android ងាយនឹងមានមេរោគ (Malware) ឆ្លងចូលឧបករណ៍ច្រើនជាង ៤៧ ដង បើធៀបនឹង iOS។ នេះបើតាមការលើកឡើងរបស់នាយកប្រតិបត្តិក្រុមហ៊ុន Apple គឺលោក Tim Cook ថ្លែងនៅសន្និសីទ VivaTech តាមប្រព័ន្ធ Online។
Cook ទម្លាយថា រវាងប្រព័ន្ធ Android និង iOS គឺ iOS រចនាឡើងដោយប្រើប្រាស់ App Store តែមួយប៉ុណ្ណោះ ហើយគ្រប់កម្មវិធីទាំងអស់មុនអាចដំឡើងចូលមកក្នុងម៉ាស៊ីនបាន គឺទាមទារការទាញយកចេញពី Store មួយនេះ។ ខណៈដែល Android គឺប្រឈមខ្ពស់ជាង ៤៧ ដងក្នុងការឆ្លងមេរោគជាងប្រព័ន្ធ iOS។
លោកបន្តថា Apple បានផ្តោតលើការពង្រឹងប្រព័ន្ធសុវត្ថិភាពរបស់ខ្លួនរយៈពេលជាង ១០ ឆ្នាំមកហើយ រីឯមុនចុះឈ្មោះឬប្រើប្រាស់កម្មវិធីណាមួយ ប្រព័ន្ធ iOS នឹងរមែងលោតពាក្យ Ask for permission ម្តងហើយម្តងទៀត ដើម្បីជាការដាស់តឿនបន្ថែមដល់អតិថិជន។
ក្រោយមានការសួរនាំបន្ថែមថា រយៈពេល ២០ ឆ្នាំទៅមុខ iPhone នឹងទៅជាបែបណា? Cook បានឆ្លើយថា ខ្លួនពុំមែនជាអ្នកដែលអាចទស្សន៍ទាយទុកជាមុនរយៈពេល ២០-៣០ ឆ្នាំបន្ទាប់ឡើយ តែលោកជឿថាបច្ចេកវិទ្យា AR និង AI គឺប្រាកដជាពេញនិយមខ្លាំងនៅកំឡុងពេលនោះ៕
ទស្សនាវីដេអូខាងក្រោម៖
https://youtu.be/hWUWZ2K8p3Y
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
