មនុស្សបែបនេះ មួយជីវិតពិបាកជួបណាស់ រកមិនងាយបានទេ ដូច្នេះ បើបានជួបហើយ ត្រូវចេះថែរក្សាពួកគេឱ្យបានល្អផង
មនុស្សដែលអាចទម្លុះរបាំងខែលដ៏រឹងមាំរបស់អ្នក យល់ពីភាពទន់ភ្លន់ និងភាពទន់ជ្រាយរបស់អ្នក ដឹងពីការតស៊ូរបស់អ្នក ស្តាប់ឮពាក្យសម្ដីនៅក្នុងចិត្តរបស់អ្នក ដឹងថាអ្នកជាមនុស្សដែលចូលចិត្តយករឿងលាក់ទុកក្នុងចិត្ត យល់ពីភាពនឿយហត់របស់អ្នកនៅក្នុងជីវិតរស់នៅ ផ្តល់ការឱបដ៏មានភាពកក់ក្តៅបំផុតដល់អ្នក។
មនុស្សប្រភេទនេះ គឺជាមនុស្សដែលកម្ររកបានខ្លាំងណាស់!
ពេលដែលអ្នកមានរឿង ម្នាក់នោះ មិនរត់ចោលអ្នកឡើយ!
ពេលអ្នកបរាជ័យ មិនសើចអ្នកពីក្រោយខ្នង!
ពេលដែលអ្នកធ្លាក់ខ្លួនដុនដាប មិនអាចធ្វើជាមិនស្គាល់អ្នកឡើយ។
ពេលដែលអ្នកជួបទុក្ខលំបាក ជួបព្យុះភ្លៀង មានមនុស្សប្រឹងប្រែងអស់កម្លាំងកាយចិត្តមកជួយអ្នក គេមិនខ្លាចស្លាប់ ការពារដល់អ្នក ស្ម័គ្រចិត្តស្ម័គ្រកាយ មិនចង់បានការតបស្នងអ្វីអ្នកឡើយ មនុស្សប្រភេទនេះ គឺជាបងប្អូនរួមសុខរួមទុក្ខជាមួយអ្នកហើយ ដ្បិតតែពេលខ្លះសម្ដីគេអាក្រក់ស្តាប់បន្តិចមែន តែគេមិនដែលមានចិត្តក្បត់អ្នកឡើយ មិនធ្លាប់ទុកអ្នកចោល មិនធ្លាប់សោះអង្គើយដាក់អ្នក ឱ្យតែមានពេលទំនេរ មកកំដរអ្នកធ្វើកិច្ចការជាមួយគ្នា មិនដែលបោកប្រាស់អ្នក មិនដែលកុហកអ្នក រឿងដែលយល់ព្រមនឹងអ្នកហើយ ដាច់ខាតមិនរុញច្រានចោលនោះទេ ហើយពាក្យសន្យាដែលនិយាយចេញមកហើយ ដាច់ខាតមិនលេបសម្ដីឡើយ។
ទោះជាធុញយ៉ាងណា នៅពេលដែលអ្នកត្រូវការគេ គេនឹងលេចមុខមកលួងលោមអ្នក!
ទោះជារវល់យ៉ាងណា គេនៅតែជាមនុស្សទីមួយដែលកំដរអ្នក!
មនុស្សប្រភេទនេះ ពិតជាមិត្តភក្តិដែលស្មោះត្រង់ចំពោះអ្នកណាស់!
នៅក្នុងមួយឆាកជីវិតនេះ អាចជួបនឹងមនុស្សជាច្រើន មនុស្សដែលស្រលាញ់រាប់អានអ្នកដែលមិនបានសម្លឹងមើលឃើញអ្វីសោះ បែរជាពិបាករកទៅវិញ ។
ពេលដែលអ្នកឈឺ មានមនុស្សសួរនាំយកចិត្តទុកដាក់!
ពេលដែលពិបាកចិត្ត មានមនុស្សស្តាប់អ្នកពន្យល់ដល់អ្នកដោយចិត្តអំណត់!
ពេលដែលអ្នកនឿយហត់ មានមនុស្សដេញអ្នកឱ្យឆាប់សម្រាក!
ពេលដែលអ្នកនៅដល់យប់ជ្រៅ មានមនុស្សតឿនអ្នកឱ្យឆាប់ចូលគេង។
មនុស្សទាំងនេះ គឺជាមនុស្សដែលស្រលាញ់ថ្នាក់ថ្នមអ្នក នៅក្នុងលោកនេះ អ្វីដែលមានសុភមង្គលបំផុតនោះគឺ មិនមែនទ្រព្យសម្បត្តិ មិនមែនសម្ភារនិយម មិនមែនកេរ្តិ៍ឈ្មោះ មិនមែនទ្រព្យសម្បត្តិ ប៉ុន្តែជាការយកចិត្តទុកដាក់ មើលថែទាំទាំងចិត្តទាំងកាយដោយគ្មានចង់បានការតបស្នងឡើយ។
មនុស្សរស់នៅមួយជីវិតនេះ អ្វីដែលរំភើបជាងគេបំផុតនោះគឺ មានមនុស្សល្អចំពោះអ្នក!
រាប់អានមិត្តល្អ អាចដើរជាមួយគ្នាអស់មួយជីវិត!
ជួបមនុស្សដែលស្គាល់ចិត្ត ត្រូវចេះថែរក្សាអស់ជីវិត!
ទទួលបានចិត្តស្មោះហើយ ត្រូវចេះដឹងគុណមួយជីវិត!!!
ប្រភព ៖ https://happiness818.com/ ប្រែសម្រួល ៖ Mythical Bird
ព័ត៌មានថ្មីៗ
