តើយើងអាចបើកអាជីវកម្មដោយគ្មានប្រាក់ក្នុងដៃបានដោយរបៀបណា?
#សិក្សាគម្រោងចំណាយ
តើយើងអាចបើកអាជីវកម្មដោយគ្មានប្រាក់ក្នុងដៃបានដោយរបៀបណា?
សំណួរនេះ មានមនុស្សជាច្រើនបានសួរមកខ្ញុំ ជាចម្លើយខ្ញុំ គឺថា ជាធម្មតា នៅលើលោកនេះ បើគ្មានប្រាក់ទេ យើងមិនអាចធ្វើអ្វីបានទេ ប៉ុន្ដែចំពោះការធ្វើអាជីវកម្ម ពេលខ្លះយើងអាចដំណើរការបានដោយមិនចាំបាច់ប្រើប្រាស់ថវិកាផ្ទាល់ខ្លួនគ្រប់ចំនួន តែប្រើប្រាស់ប្រាក់កម្ចីពីធនាគារបានដោយងាយស្រួល។
ក្នុងបទសម្ភាសមួយកាលពីឆ្នាំ២០១៣ ពិធីការិនីម្នាក់បានសួរមកខ្ញុំថា តើមានកត្ដាអ្វីខ្លះដែលជំរុញឱ្យខ្ញុំបានមកដល់ថ្ងៃនេះ?
ខ្ញុំអាចនិយាយបានថា ធ្វើអ្វីក៏ដោយ បើយើងខ្វះទុន ទោះយើងចង់ស្រមៃ ចង់សុបិនប៉ុនណាក៏ដោយ អ្នកណាក៏មិនអាចទៅរួចដែរ។ ប៉ុន្ដែមានអ្នកខ្លះសុបិនអាចក្លាយទៅជាការពិត ហើយអ្នកខ្លះទៀតគ្រាន់តែមានក្ដីស្រមៃ មិនមែនជាគោលបំណងរបស់គាត់ ព្រោះគាត់ខ្វះខាតដើមទុន។
ទុនជាអ្វី? មានអ្វីខ្លះ?
មានប្រសាសន៍ក្នុងវេទិកា ចែករំលែកបទពិសោធអាជីវកម្ម កាលពីពេលថ្មីៗនេះ លោកឧកញ៉ា វេជ្ជបណ្ឌិត គួច ម៉េងលី ស្ថាបនិក ប្រធានក្រុមប្រឹក្សាភិបាល និងជាអគ្គនាយកប្រតិបត្តិ នៃក្រុមហ៊ុន ម៉េងលី ជេ. គួច អេឌ្យូខេសិន បានលើកឡើងថា ជាធម្មតានៅលើលោកនេះ បើគ្មានប្រាក់ទេ នោះយើងមិនអាចធ្វើអ្វីបានឡើយ ប៉ុន្តែចំពោះការធ្វើអាជីវកម្ម ពេលខ្លះយើងអាចដំណើរការបានដោយមិនចាំបាច់ប្រើប្រាស់ថវិកាផ្ទាល់ខ្លួនគ្រប់ចំនួន តែប្រើប្រាស់ប្រាក់កម្ចីពីធនាគារ បានដោយងាយស្រួល។
លោកឧកញ៉ា វេជ្ជបណ្ឌិត បញ្ជាក់ថា៖ «ដើម្បីអាចយកប្រាក់កម្ចីពីធនាគារមកបើកអាជីវកម្មបាន គេត្រូវតែ
មានទី១ គម្រោងអាជីវកម្ម ( Business Plan) ទៅបង្ហាញគេ ហើយត្រូវបរិយាយលម្អិត Business Plan នេះ ត្រូវចំណាយប៉ុនណា? ឬប៉ុន្មាន? មានទីតាំងនៅតំបន់ណា? មានអតិថិជនពេញនិយមច្រើនទេ? អាជីវកម្មរបស់យើង មានគុណភាពស្តង់ដារកម្រិតណា? អាចរកចំណូលបានតាមស្ដង់ដារឬទេ? មានធ្វើសវនកម្មហើយឬនៅ? មានបញ្ជីត្រឹមត្រូវហើយឬនៅ? មានផែនការច្បាស់លាស់ឬទេ?»
អ្នកជំនាញអាជីវកម្មឆ្នើមដដែលបន្ថែមថា ៖ «ជាបន្តបន្ទាប់មកនោះ យើងត្រូវដាក់គម្រោងអាជីវកម្មឱ្យធនាគារមើល ឱ្យគេវាយតម្លៃ ព្រោះប្រសិនបើគេមើលឃើញថា យើងមានចំណូលសមរម្យអាចទទួលយកបាន មានគម្រោងច្បាស់លាស់ គឺគេឱ្យយើងខ្ចីភ្លាម ទោះបីការផ្តល់កម្ចីនេះ បានត្រឹមតែពី៦០% ទៅ៧០% ក្តី» ។
ស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបត្តិ នៃក្រុមហ៊ុន ម៉េងលី ជេ. គួច អេឌ្យូខេសិន រូបនេះបង្ហាញផ្លូវថា មុនពេលអនុញ្ញាតឱ្យបុគ្គលណាម្នាក់ខ្ចីប្រាក់ ទំាងធនាគារ ឬក៏មីក្រូហិរញ្ញវត្ថុ គេតែងតែសិក្សាអំពីបុគ្គលនោះជាមុនសិន ទោះជាបុគ្គលនះមានប្លង់ឱ្យគេរួចហើយក៏ដោយ ព្រោះគេចង់ដឹងថា តើបុគ្គលនោះយកប្រាក់ទៅធ្វើ ដោយបារម្ភខ្លាចអតិថិជនយកថវិកាទៅប្រើខុសគោលដៅ។
លោកឧកញ៉ា វេជ្ជបណ្ឌិត គួច ម៉េងលី បញ្ជាក់ថា៖ «គេមិនចង់ឱ្យយើងយកប្រាក់លើសតម្រូវការ ឬយកទៅប្រើប្រាស់ខុសតម្រូវការ ខុសទិសដៅទេ។ ជួនកាលគេឱ្យយើងខ្ចីហើយ គេទៅតាមដានយើងទៀតក៏មាន ពេលខ្លះគេជួយបណ្ដុះបណ្តាលយើង ព្រោះជាទូទៅគេមិនចង់ឱ្យយើងយកថវិកាគេទៅប្រើប្រាស់ខុសគោលដៅ និងមិនចង់ឱ្យយើងបរាជ័យ ឬក្ស័យធនទេ ព្រោះពិបាកទារសំណងមកវិញ ជាពិសេស គេក៏មិនចង់រឹបអូសទ្រព្យរបស់យើងដែរ» ៕
ព័ត៌មានថ្មីៗ
