កម្រប្រទះណាស់! មនុស្សស្រីមាន ៥ ចំណុចនេះ ច្រើនតែជួបសំណាងល្អ មានព្រះតាមជួយថែរក្សា
មនុស្សស្រីដែលមាន ៥ ចំណុចដូចបង្ហាញខាងក្រោម ត្រូវបានគេជឿថា ទំនងជាមានវត្ថុសក្ដិសិទ្ធិអ្វីមួយតាមជួយថែរក្សា ហើយនាំសំណាងដល់នាងជានិច្ច។
តស់កុំចាំយូរ ចូលទៅសង្កេតមើល តើអ្នកស្ថិតមាននៅចំណុចណាមួយដែរឬទេ?
៥) ស្រ្តីដែលនាំសំណាងដល់អ្នករាល់គ្នា
ប្រសិនអ្នកអាចបង្កើតសំណាងដល់អ្នកដទៃ ហើយវាកើតមានជាញឹកញាប់នោះ គឺប្រាកដណាស់អ្នកកំពុងស្ថិតក្នុងផ្នែកមួយហើយ។ ឧទាហរណ៍ថា ហាងមួយនោះស្ងាត់ណាស់ តែពេលអ្នកចូលទៅទិញទំនិញនៅទីនោះ ក៏ស្រាប់តែមានអតិថិជនដទៃហែរហូរ មកតកន្ទុយគ្នាចាំទិញជាបន្តបន្ទាប់ នោះមានន័យថា អ្នកបាននាំលាភចូលដល់ម្ចាស់ហាង។
៤) ល្អទាំងក្នុងនិងក្រៅ
នេះមានន័យថា ធម្មជាតិបានផ្ដល់ឲ្យនៅរូបសម្បត្តិដ៏ស្រស់ស្អាតពីខាងក្រៅរបស់អ្នក ហើយអ្នកក៏មានការលុតដំខ្លួនឯង ក្នុងការប្រើប្រាស់អត្តចរិតដ៏គួរឲ្យគោរពចេញពីខាងក្នុងមកថែមទៀត។
នេះក៏ជាសញ្ញាមួយ បង្ហាញច្បាស់ថា អ្នករមែងជួបសំណាងក្នុងជីវិតដែរ តែចំណាំមើល ជាញឹកញយ បើជួបរឿងស៊យ ក៏ស៊យមិនយូរ រអ៊ូតែបន្តិច ដូចមានគេចាំជួយ ស្រោចស្រង់ទាញអ្នកចេញពីស្ថានការណ៍លំបាកនោះភ្លាម។
៣) មានគេស្រលាញ់រាប់អានច្រើន
មនុស្សស្រីខ្លះស្អាតក៏ស្អាត ទ្រព្យក៏មាន តែខ្សត់ញាតិ ប៉ុន្តែបើអ្នកមានរូបសម្បត្តិល្អហើយ មានមនុស្សជុំវិញខ្លួនគេរាប់អាន ស្រលាញ់ និងយកចិត្តទុកដាក់ទៀតនោះ វាក៏ជាផ្នែកនៃសំណាងមួយដែរ។
ជួនខ្លះមិនចាំតែមានលុយច្រើន ឬដើរសម្ញែងសម្ភារៈនិយមមុខក្រោយ តែជំពូកមនុស្សដូចជាអ្នក ទៅណាមកណា ហាក់មិនខ្សត់ញាតិ គេរៀបទុកដាក់ចាំទទួលយ៉ាងកក់ក្តៅ ពេលខ្លះហៅអ្វីបានហ្នឹង អត់បាច់ប្រឹងសម្តែង ពោលផៅសណ្តាន រាប់អានអ្នកជាខ្លួនអ្នក មិនដែលរំពឹងចង់បានអ្វីត្រលប់មកវិញ។
២) មានដៃគូជីវិតដ៏ល្អ
លើសពីមនុស្សជុំវិញខ្លួន ចូលមកដល់មនុស្សក្បែរខ្លួន អ្នកអាចរកបានដៃគូដែលយល់ចិត្ត ដៃគូដែលមិនក្បត់អ្នក មិនធ្វើឲ្យអ្នកឈឺចាប់ ហើយគេស្រលាញ់អ្នកអស់ពីចិត្ត។
នេះរាប់ថា អ្នកពិតជាសំណាងថែមមួយកម្រិតទៀតហើយ ដែលបានជួយបុរសប្រភេទហ្នឹង។ អ្វីដែលសំខាន់ បុរសនោះ អាចយកជាទីពឹងពាក់នៅក្នុងជីវិត រឹតតែមិនអាចកាត់ថ្លៃបាន ត្រង់គេសឹងតែហ៊ានលះបង់អ្វីគ្រប់យ៉ាង ដើម្បីតែប្តូរយកស្នាមញញឹម យកសេចក្តីសុខមកជូនអ្នកតែម្នាក់គត់។
១) មានកូនដើរតាមគន្លងធម៌
ពេលដែលមានគ្រួសារហើយ បើអ្នកបង្កើតបានបុត្រធីតា ដែលចេះស្តាប់បង្គាប់ ចេះដើរតាមគន្លងធម៌របស់ឪពុកម្តាយ ចេះខិតខំរៀនសូត្រ មានការប្រឹងប្រែងក្នុងជីវិត នោះក៏មានន័យថា មួយជីវិតអ្នកគឺពោរពេញដោយសំណាងហើយគ្មានទេពាក្យថា ឯកោ ពាក្យថា លំបាក៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
