៤ យ៉ាងនេះលុយប្តូរមិនបានទេ មនុស្សប្រុសធ្វើវាសម្រាប់តែនារីដែលគេស្រលាញ់ស្មោះប៉ុណ្ណោះ
ប្រសិនបុរសនោះ ច្បាស់លាស់ជាមួយនឹងនារីណាម្នាក់ ដោយស្មោះមួយនឹងមួយ ហើយគិតគូរដល់ថ្ងៃអនាគតជាមួយនាង នោះគេប្រាកដជាចេញនៅសកម្មភាពគួរឲ្យចាប់អារម្មណ៍ ៤ ដូចខាងក្រោម៖
៤) គោរពនាង
មិនផ្អែកលើរូបសម្រស់ មិនផ្អែកលើទ្រព្យដែលអ្នកមានឬអត់នោះទេ តែបុរសម្នាក់នោះ គេតែងតែគោរពឲ្យតម្លៃទៅលើនាងជានិច្ច មិនថាតែមុនរៀបការ ឬរៀបការរួច។
ទាំងកាយវិការទាំងពាក្យសម្តី គេមិនបៀតបៀនឲ្យអ្នកទទួលរងសម្ពាធឡើយ ផ្ទុយទៅវិញជាការទុកចន្លោះឲ្យគ្នា យោគយល់ដល់គ្នា ហើយចេះបត់បែនទៅតាមស្ថានការណ៍ដែលនាងត្រូវការ។ គ្រប់យ៉ាងក៏គេមិនបង្ខំឲ្យនាងធ្វើអ្វីតែតាមចិត្តគេនោះដែរ ដោយតែងតែគោរពនៅការសម្រេចចិត្តរបស់គ្នាទាំងសងខាង មិនប្រកាន់ខ្ជាប់តែគំនិតរបស់ខ្លួនឯងឡើយ។
៣) ធ្វើអ្វីដែលធ្វើឲ្យនាងមានអារម្មណ៍ពិសេស
មិនចាំបាច់តែចំណាយលុយទាំងដុលទៅបង្កើតរឿងរ៉ាវអស្ចារ្យណាមួយនោះទេ ត្រឹមតែរបស់តូចៗឲ្យតែបុរសនោះ មានការគិតបានល្អ ជារឿយៗគេតែងតែធ្វើចេញមកឲ្យនាងមានអារម្មណ៍ថា ខ្លួនឯងពិសេសសម្រាប់គេ ដូចជាព្រះនាងដែលគេបានយកចិត្តទុកដាក់បានយ៉ាងដិតដល់។
ក្តីស្រលាញ់មួយនេះ គឺធំជាងអ្វីទាំងអស់ វេហាក៏មិនអាចប្តូរបានឡើយ។ ជាក់ស្តែងទៅដល់ទីណា បុរសនោះតែងតែកាន់ដៃមនុស្សស្រីដែលខ្លួនស្រលាញ់ ពេលទៅដល់កន្លែងអង្គុយក៏រៀបចំកៅអីឲ្យអង្គុយឲ្យស្រួលបួល មើលគ្រប់ច្រកល្ហកបារម្ភពីសុខទុក្ខនាងគ្រប់ពេល ពោលធ្វើឲ្យនាងមានអារម្មណ៍ថាខ្លួនឯងពិសេស ខ្លួនឯងកក់ក្តៅនិងសុវត្ថិភាពខ្លាំងណាស់ពេលបាននៅក្បែរបុរសដូចជាអ្នក។
២) ត្រៀមខ្លួននឹងជាជំនួយគ្រប់ពេល
២៤ ម៉ោង គេតែងតែមិនរុញរានោះទេ ក្នុងការជួយនារីដែលគេស្រលាញ់ មិនថាទុក្ខធុរៈរបស់នាងផ្ទាល់ ឬគ្រួសាររបស់នាង ឲ្យតែជារឿងចាំបាច់ គឺគេនឹងជួយឲ្យអស់ពីលទ្ធភាព។
ដ្បិតបើគេពេលខ្លះត្រូវការពេលវេលាសម្រាកសម្រាប់ខ្លួនឯង តែបើចៃដន្យនាងមានរឿងរវល់អ្វីដែលត្រូវឲ្យជួយ ក៏គេមិនប្រកែកនោះដែរ ហើយទាំងដែលពេលខ្លះ ស៊ូលាក់មិនឲ្យនាងដឹងថាខ្លួនឯងហត់នឿយឡើយ ដោយទៅជាចំណែកជួយនាងទាំងស្នាមញញឹម។ ការគាំទ្រគ្រប់ពេលវេលានេះ រាប់ថាអ្នកជាបុរសដ៏ល្អបំផុតហើយ ក្នុងជីវិតរបស់នារីម្នាក់នោះ។
១) គេគិតពីអ្វីដែលអ្នកចូលចិត្ត និងមិនចូលចិត្ត
ដូចនិយាយពីខាងលើ គេឆាប់ចាប់អារម្មណ៍ពីអ្នកណាស់ យូរទៅគេនឹងដឹងទម្លាប់របស់អ្នកឯង ថាអ្នកចូលចិត្តអ្វី អ្នកមិនចូលចិត្តអ្វី។ អ្នកចង់ទៅកន្លែងណា មិនចង់ទៅកន្លែងណា មិនចាំបាច់តែអ្នកហាមាត់ ក៏គេដឹងមុននោះដែរ។ អារម្មណ៍បែបនេះ ធ្វើឲ្យនាងកាន់តែរីករាយនឹងនៅក្បែរអ្នក ព្រោះមានអារម្មណ៍ថាមិនពិបាក មិនទើសទាល់ចិត្ត ព្រោះដូចជាចខ្លួនពីរចូលតែមួយ អ្វីដែលជាអ្នក ក៏ជាគេដូចគ្នា។ សឹងតែពេលខ្លះទៀត របស់ហ្នឹងអ្នកមិនចូលចិត្តទេ តែបើនារីដែលខ្លួនស្រលាញ់ចូលចិត្តហើយ អ្នកក៏ស៊ូទៅ ស៊ូទទួលទានវារួមគ្នា ដោយមិនរអ៊ូ ឬបង្ហាញពាក្យត្អូញត្អែរមកឡើយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
