កាសែតថៃព្រមានគ្រូបង្វឹក Mano Polking កុំឱ្យមើលស្រាលទេពកោសល្យរបស់គ្រូបង្វឹក Keisuke Honda
កាសែតរបស់ថៃឈ្មោះថា Siamese sport បានសរសេរថា៖ ខ្ញុំក៏ភ្ញាក់ផ្អើលដែរដែលឃើញ U.23 កម្ពុជា ដឹកនាំដោយគ្រូបង្វឹក Keisuke Honda ទោះបីគ្រាន់តែជាកីឡាករវ័យក្មេង ហើយមិនជ្រើសរើសកីឡាករ ៣ នាក់ដែលមានអាយុលើសពី ២៣ ឆ្នាំ ដើម្បីត្រៀមស៊ីហ្គេមនៅទឹកដីខ្លួន ប៉ុន្តែនៅក្នុងការប្រកួតនៅវៀតណាម គឺជាការបង្ហាញដ៏គួរឱ្យទាក់ទាញភ្នែក”។
ក្រុម U.23 កម្ពុជា បានយកឈ្នះក្រុម U.23 ឡាវ យ៉ាងងាយក្នុងលទ្ធផល ៤-១ ដោយខ្សែប្រយុទ្ធ សៀង ចន្ធា ជាអ្នកស៊ុតបញ្ចូលទីនៅនាទី ៤ បើកការនាំមុខយ៉ាងល្អឥតខ្ចោះសម្រាប់ក្រុមគោព្រៃកម្ពុជា។ សំខាន់ជាងនេះទៅទៀតនោះ ជ័យជម្នះរបស់ U.23 កម្ពុជា កាន់តែជឿជាក់ ខណៈ U.23 ឡាវ ស្មើ ២-២ ក្នុងការប្រកួតបើកឆាក បន្ទាប់ពីនាំមុខ ២-០ ទល់នឹង U.23 សិង្ហបុរី។
យោងតាមកាសែត Siamese sport របស់ថៃ ក្រុម Thailand U23 ដែលដឹកនាំដោយគ្រូបង្វឹក លោក Mano Polking នឹងមានការប្រុងប្រយ័ត្នខ្ពស់ជាមួយគ្រូបង្វឹក U.23 កម្ពុជា លោក Keisuke Honda ក្នុងការប្រកួតដែលនឹងធ្វើឡើងនៅថ្ងៃទី ១៤ ខែឧសភា វេលាម៉ោង ១៩:០០ ។
កាសែត Siamese sport របស់ថៃបានបន្ថែមទៀតថា គ្រូបង្វឹក លោក Keisuke Honda បានបង្ហាញទេពកោសល្យរបស់ខ្លួនក្នុងការបង្កើនកម្រិត U.23 កម្ពុជាបន្តិចម្តងៗ ហើយនេះនឹងក្លាយជាគូប្រកួតមិនងាយនឹងសម្លុតឡើយ។ គួរបញ្ជាក់ផងដែរថា កម្ពុជា U.23 បានឡើងដល់វគ្គពាក់កណ្ដាលផ្ដាច់ព្រ័ត្រក្នុងព្រឹត្តិការណ៍កីឡាស៊ីហ្គេមលើកទី៣០ នៅប្រទេសហ្វីលីពីន។ នេះជាការព្រមានដ៏មានប្រយោជន៍សម្រាប់គ្រូក្រុមដ៏ទៃ និងគ្រូបង្វឹកក្រុមថៃគឺ លោក Mano Polking កុំឲ្យមានអំនួតខ្លាំងពេក បន្ទាប់ពីគាត់ទើបតែយកឈ្នះក្រុម U.23 សិង្ហបុរី ៥-០។
ក្នុងការប្រកួតជាមួយ U.23 កម្ពុជា នឹងប្រកួតជាមួយ U.23 ថៃ នឹងមានការត្រលប់មកខ្សែបម្រើ Jonathan Khemdee វិញ ប៉ុន្តែខ្សែបម្រើសំខាន់ William Werderjee មិនទាន់ជាសះស្បើយពីរបួសនៅឡើយ។ ក្រៅពីប្រកួតជាមួយ U.23 កម្ពុជា ថៃ U.23 ក៏ត្រូវប្រកួតជាមួយឡាវ U.23 នៅថ្ងៃទី ១៦ ឧសភា ផងដែរ។ ប្រសិនបើពួកគេឈ្នះ ពួកគេនឹងបន្តដំណើរទៅកាន់វគ្គពាក់កណ្តាលផ្តាច់ព្រ័ត្រ។
ប្រភព៖ https://newsbeezer.com/vietnameng/thai-newspaper-warns-coach-mano-polking-not-to-underestimate-coach-keisuke-hondas-talent/?fbclid=IwAR1cz7RCz7skynx27FTQ7Ezj0T5ReAXgkExt-5iw2RBCiCXmoP3nzP8ikLI
ព័ត៌មានថ្មីៗ
