នៅកំឡុងថ្ងៃសៅរ៍ចូលឆ្នាំស្អែកនេះ ទី ២១ មករា ដល់ ២៤ មករា តាមហោរាសាស្ត្រទស្សន៍ទាយមកថា មានឆ្នាំសំណាងទាំង ៤ អាចមានរាសីឡើងខ្ពស់ត្រដែត ជាពិសេសចំថ្ងៃសៅរ៍-អាទិត្យ អាចនឹងជួបលាភធំ ត្រជាក់ត្រជំពេញក្រុមគ្រួសារ៖
អ្នកកើតឆ្នាំកុរ - ជ្រូក
ជាមនុស្សដែលមានការអត់ធន់ មានការប្តេជ្ញាចិត្តខ្ពស់ ហើយហ៊ានលះបង់សម្រាប់គោលដៅដែលពួកគេចង់សម្រេច។ យ៉ាងណានៅពេល ៤ ថ្ងៃបន្ទាប់ រាប់ពីថ្ងៃ ២១-២៤ មករា អ្នកកើតឆ្នាំកុរ ត្រៀមលាដៃចាំត្រងលាភធំមកក្នុងជីវិត ហើយនិយាយពីទំនាក់ទំនងស្នេហាក៏សមប្រកបដូចចិត្តថែមទៀត។
មនុស្សនេះរហ័សរហួន ហើយពូកែចាប់យកឱកាស ដែលនាំឲ្យពេលខាងមុខ គេនឹងទទួលបានឱកាសធំ ក្នុងការរកស៊ីឬអាជីពការងារណាមួយ ហើយនាំឲ្យពួកគេទទួលបានលុយហូរចូលច្រើន។
អ្នកកើតឆ្នាំវក - ស្វា
ជាមនុស្សដែលមានភាពរួសរាយរាក់ទាក់ និងពោរពេញដោយចិត្តសប្បុរស ចូលចិត្តជួយអ្នកដទៃ ដោយមិនរំពឹងចង់បានអ្វីត្រលប់មកវិញ។ ពេលវេលារបស់អ្នកបានមកដល់ហើយ អ្នកនឹងទទួលបានការដំឡើងប្រាក់ខែ ឬដំឡើងមុខងារក្នុងអាជីពការងារ ហើយបើការរកស៊ីវិញ គឺបានផលចំណេញខ្ពស់ជាងមុន នៅចន្លោះថ្ងៃចន្ទពេញវង្ស ប្រចាំខែមករា។
អ្នកដែលកើតឆ្នាំវក តែងតែរីកចម្រើនច្រើនជាងស្រុតចុះ ហើយក្នុងសុភមង្គលគ្រួសារ ពួកគេចេះបង្កើតវាដោយខ្លួនឯង ដែលនាំឲ្យសមាជិកគ្រួសារទាំងឡាយមើលគំរូតាម ហើយរមែងទទួលបានភាពរុងរឿងបន្តគ្នានោះដែរ។
អ្នកកើតឆ្នាំច - ឆ្កែ
មនុស្សដែលកើតឆ្នាំច ភាគច្រើនជាមនុស្សឆ្លាតនិងពូកែ ហើយពួកគេចេះបត់បែន និងសម្របខ្លួនបានល្អទៅតាមកាលៈទេសៈ។ រាល់ពេលជួបបញ្ហា មនុស្សនេះមិនងាយបាក់ទឹកចិត្តទេ ពោលរមែងអាចដោះស្រាយបញ្ហាទាំងនោះបានដោយភាពការប្រើអារម្មណ៍ស្ងប់ស្ងាត់។
យ៉ាងណាពេលវេលាហៅទ្រព្យរបស់អ្នកបានចូលមកដល់ហើយ ក្នុងកំឡុងថ្ងៃ ២១ ដល់ ២៤ មករា នោះពេញទំហឹងតែម្តងសម្រាប់អ្នកកើតឆ្នាំច ជីវិតពួកគេនឹងល្អប្រសើរឡើង តែត្រូវចាំចេះគ្រប់គ្រងការចំណាយឲ្យបានច្បាស់លាស់ផង។
អ្នកកើតឆ្នាំម្សាញ់ - ពស់
ជាមនុស្សក្លាហាន និងខិតខំប្រឹងប្រែងណាស់។ ពួកគេក៏ពូកែរកលុយណាស់ដែរ និងជាមនុស្សមានទំនួលខុសត្រូវខ្ពស់ មិនថាស្ថិតក្នុងមុខតំណែងធំតូចក្តី។
ជីវិតអ្នកកើតឆ្នាំម្សាញ់ រមែងតែជួបមនុស្សថ្លៃថ្នូរ មនុស្សដែលនាំលាភមកឲ្យពួកគេ។ ប៉ុន្តែកន្លងមកនេះអ្នកបានជួបបញ្ហាខ្លះៗ ហើយរយៈពេល ៤ ថ្ងៃខាងមុខ វាគឺជាផ្លូវដែលបង្ហាញដំណោះស្រាយមកដល់អ្នក ពោលជាផ្កាយនាំសំណាងមួយក្នុងចំណោមផ្កាយនាំសំណាងធំៗ ដែលអ្នកអាចទទួលបាន។ ហៅអីបានហ្នឹង ប្រាថ្នាអីបានហ្នឹង កុំគិតថាវាជាសំណាងទាំងស្រុង ព្រោះវាជាការតបស្នងមួយផ្នែកទៅការខំប្រឹងរបស់អ្នកកន្លងមកតែប៉ុណ្ណោះ៕
ប្រភព៖ បរទេស | ប្រែសម្រួល៖ ក្នុងស្រុក