ក្បួនហោរាសាស្រ្តសម្រាប់រយៈពេល ៧ ថ្ងៃពេញ ជាសប្តាហ៍ចុងក្រោយនៃខែមករា គឺចំថ្ងៃទី ២៥ ដល់ ៣១ មានអ្នកកើតឆ្នាំទាំង ៤ ដែលអាចមានរាសីខ្ពស់ត្រដែត ហើយត្រៀមហោប៉ៅដាក់លុយ ព្រោះចំណូលជាច្រើនប្រៀបដូចរង្វាន់ធ្លាក់ចូលមក៖
អ្នកកើតឆ្នាំជូត - កណ្តុរ
អបអរសាទរសម្រាប់អ្នកកើតឆ្នាំជូត ពីថ្ងៃទី ២៥ ដល់ ៣១ មករា ហៀរចូលសប្តាហ៍ថ្មីនេះ នឹងទទួលបានសំណាងមិនឲ្យខកចិត្តនោះទេ តែក៏ត្រូវចេះក្តោបក្តាប់ឱកាសពេលខាងមុខឲ្យបានល្អផង ជារួមឱកាសមានច្រើន តែបើអ្នកមិនចេះចាប់ក៏នៅតែអត់ដូចគ្នា។
យ៉ាងណាក៏ការខិតខំគួរមានដែនកំណត់ ហើយត្រូវឆ្លៀតមើលថែសុខភាពផង។ ផ្លូវទ្រព្យបើកសម្រាប់អ្នកហើយ តែស្រវាចាប់មើលតាមលទ្ធភាពរបស់យើង កុំស្រវាដល់ខ្ពស់ពេក។
អ្នកកើតឆ្នាំរកា - មាន់
ក្នុងចំណោមឆ្នាំទាំង ១២ អ្នកកើតឆ្នាំរកា ក៏ឡើងរាសីខ្ពស់ត្រដែតដែរ នៅរយៈពេលដូចកំណត់ពីខាងលើ។ អ្នកនឹងទទួលបានជោគជ័យខ្លាំង ដូចទេវតាទ្រព្យកំពុងបើកផ្លូវឲ្យដើរ ហើយសម្រាប់អ្នកធ្វើកិច្ចការងារធំំ នឹងទទួលបានកុងត្រា ឬទទួលគម្រោងធំ អាចបង្កើតចំណូលច្រើនដល់អ្នក។
ប្រសិនអ្នកបន្តបែបនេះ មិនយូរប៉ុន្មានទេ ទៅប៉ុន្មានខែបន្ទាប់អ្នកនឹងអាចទិញរបស់ធំមួយសម្រាប់ខ្លួនឯង ក៏ដូចជាក្រុមគ្រួសារ។ យ៉ាងណាត្រូវចាំថា ឈានដល់ចំណុចណាក៏ដោយ ត្រូវពាំនាំភាពស្មោះត្រង់ទៅជាមួយជានិច្ច។
អ្នកកើតឆ្នាំមមែ - ពពែ
ពេលវេលាធ្លាក់លុយចូលហោប៉ៅច្រើន បានចូលមកដល់ហើយសម្រាប់ ៧ ថ្ងៃខាងមុខនេះ។ ដូច្នេះប្រសិនអ្នកជាអ្នករកស៊ី ក៏ត្រៀមចិត្តកើបបានចំណូលក្រែលទៅ ហើយបើអ្នកធ្វើការ ជាពិសេសបុគ្គលិកផ្នែកលក់ សប្តាហ៍ថ្មីនឹងរកបានអតិថិជនច្រើន ដែលជាឱកាសបង្កើនប្រាក់ចំណូលច្រើនជាងពេលណាទាំងអស់សម្រាប់ពួកគេ។
អ្នកកើតឆ្នាំមមី - សេះ
ពីថ្ងៃទី ២៥ ដល់ ៣១ មករា សម្រាប់អ្នកកើតឆ្នាំមមី នឹងទទួលបានលាភច្រើន ដោយមានគេជួយគាំទ្រ ជួយលើកអ្នកឲ្យឈានដល់ចំណុចខ្ពស់មួយក្នុងជីវិត។ សញ្ញាវិជ្ជមានជាច្រើនបានរុញឲ្យអ្នកធ្វើអ្វីក៏រលូន ហើយទទួលផលឆាប់រហ័ស។
ជាមួយគ្នានេះ វាគួបផ្សំនឹងទេពកោសល្យ ក៏ដូចជាភាពស្មោះត្រង់តាំងពីដើមរបស់អ្នកផង នាំឲ្យអ្នកខ្ពស់អ្នកធំជាងអ្នកគេមើលឃើញ គេឲ្យតម្លៃនិងមិនខ្លាចក្នុងការសហការកិច្ចការងារផ្សេងៗជាបន្តបន្ទាប់ជាមួយអ្នក។ ចូរខិតខំបន្តទៀតណា អ្នកកើតឆ្នាំសេះ៕
ប្រភព៖ បរទេស | ប្រែសម្រួល៖ ក្នុងស្រុក