នៅកំឡុងពេល ២ ឆ្នាំទៅមុខ អ្នកកើតឆ្នាំទាំង ៥ នឹងរសាត់បាត់អស់នៅបញ្ហាទាំងឡាយ ហើយសាយត្រលប់មកវិញនៅសំណាងល្អ និងលាភធំៗ ជាច្រើនមកក្នុងជីវិត៖
អ្នកកើតឆ្នាំឆ្លូវ - គោ
តាមហោរាសាស្ត្របានបង្ហាញថា រយៈពេល ២ ឆ្នាំទៅមុខ រាប់ពី ២០២៤ ដល់បញ្ចប់ ២០២៦ អ្នកកើតឆ្នាំឆ្លូវនឹងទទួលបានថាមពលអំណាចលុយកាក់ និងភាពជាអ្នកដឹកនាំ ហើយជម្នះអស់នៅរាល់មហន្តរាយទាំងអំបាលម៉ានដែលធ្លាប់បានកើតឡើងពីមុនមក។
បន្ថែមពីនេះ ពួកគេនឹងទទួលបានការកោតសរសើរពីមនុស្សជុំវិញខ្លួន ហើយផែនការណ៍ដែលពួកគេបានគិត បានគូរ នឹងអាចទទួលបានជោគជ័យដូចបំណងប្រាថ្នា បើអ្នកកើតឆ្នាំគោ នៅបន្តខិតខំព្យាយាមថែមទៀត។
អ្នកកើតឆ្នាំច - ឆ្កែ
ជោគជតារាសីអ្នកកើតឆ្នាំច នឹងឡើងខ្ពស់ ហើយមានអារម្មណ៍ដូចគេបើកឱកាស ឲ្យមានផ្លូវដើរនៅពេលខាងមុខ។ តាមពិតទៅអ្នកកើតឆ្នាំច បើជាអ្នកបម្រើការ គឺជាបុគ្គលិកឆ្នើម បើជាអ្នករកស៊ី គឺជាអ្នកជំនួញដ៏ល្អឥតខ្ចោះ តែភាគច្រើនពួកគេគ្មានឱកាស គ្មានសំណាង ឥឡូវឈប់បារម្ភទៅ ព្រោះពេលវេលាអ្នកបានត្រៀមចូលមកដល់ហើយ។
អ្នកអាចនឹងទទួលបានការដំឡើងឋានៈពីក្រុមហ៊ុន ឬទទួលបានប្រាក់ចំណេញហូរចូលច្រើនពីកន្លែងប្រកបមុខរបររកស៊ី។ បន្ថែមទៅរឿងស្នេហាបន្តិច អ្នកកើតឆ្នាំរកា ក៏នឹងមានភាពពេញលេញខ្លាំងផងដែរ ដោយល្មមឲ្យគូស្នេហ៍ដទៃគេច្រណែននឹងគូអ្នកថែមទៀតផងដែរ។
អ្នកកើតឆ្នាំខាល - ខ្លា
រយៈពេល ២ ឆ្នាំទៅមុខ គឺជាពេលវេលាល្អឥតខ្ចោះហើយសម្រាប់អ្នកកើតឆ្នាំខាល ក្នុងការកើបប្រាក់ចំណេញ ការចំណូលចូលផ្ទះ ប៉ុន្តែត្រូវចាំថា មានការសន្សំសំចៃ និងចេះចាប់រក្សាទុកឱកាសឲ្យបានល្អផង។
ក្នុងកំឡុងពេលនេះ បើនិយាយពីស្នេហា អ្នកនៅលាវ ក៏នឹងមានឱកាសបានជួបគូពិត រីឯអ្នកមានគ្រួសារហើយក៏កាន់តែមានសុភមង្គល ហើយតាមដឹងត្រៀមនឹងទទួលសមាជិកថ្មីទៀតផងក៏ថាបាន។
អ្នកកើតឆ្នាំមមែ - ពពែ
ហោរាសាស្ត្របានទស្សន៍ទាយមកថា អ្នកកើតឆ្នាំមមែ នៅរយៈពេលចន្លោះ ២០២៤ ដល់ ២០២៦ ពួកគេនឹងជៀសអស់បញ្ហា ជៀសអស់គ្រោះ ហើយចូលមកវិញតែលាភ តែសំណាង ជាពេលវេលារាសីចក្ររុញឲ្យឡើងខ្ពស់ត្រដែត។
បើមនុស្សនៅលីវ នឹងជោគជ័យខ្លាំង ហើយថែមទាំងរកបានគូគាប់ក្នុងជីវិត រីឯអ្នកមានគូ មានគ្រួសារ ក៏នឹងផ្តុំទៅដោយសុភមង្គល ភាពកក់ក្ដៅ ហើយមានពេលវេលាសម្រាកជួបជុំគ្នា ដោយមិនខ្វល់រឿងរ៉ាវអាក្រក់ទាំងឡាយ។
អ្នកកើតឆ្នាំកុរ - ជ្រូក
នៅរយៈពេល ២ ឆ្នាំទៅមុខ អ្នកកើតឆ្នាំកុរ នឹងមានលាភសំណាងល្អ មានឱកាសបង្កើនទ្រព្យរីកធំ ក្នុងអាជីពការងារ និងការរកស៊ីទាំងឡាយ។ តែយ៉ាងណា បើអ្នកជាមនុស្សត្រៀមនឹងចាប់អាជីពថ្មី ក៏សុំប្រុងប្រយ័ត្នបន្តិចផង ព្រោះមុនជួបលាភធំ គឺត្រូវឆ្លងកាត់គ្រោះបន្តិច។
មិនត្រឹមតែសំណាងផ្នែកទ្រព្យប៉ុណ្ណោះទេ ទៀតសោតទាំងកេរឈ្មោះ ក៏រីកសាយខ្លាំងដែរ ដូចគ្នាទៅនឹងរឿងរ៉ាវស្នេហា ដែលជួបការលំបាក ជួបឧបសគ្គពេលកន្លងមក ឥឡូវប្រែមកស្រស់ស្រាយ ប្រៀបដូចជាមេឃទើបស្រឡះ ក្រោយភ្លៀងមួយមេធំ៕
ប្រភព៖ បរទេស | ប្រែសម្រួល៖ ក្នុងស្រុក