តើអ្នករំពឹងចង់បានអ្វីខ្លះសម្រាប់ជីវិតនៅពាក់កណ្តាលខែខាងមុខនេះ? សល់តែរយៈពេលមួយសប្តាហ៍ទៀតក៏នឹងចូលមកដល់ ហើយរំលងតែ ៣ សប្តាហ៍បន្ទាប់ក៏នឹងឆ្លងចូលទំព័រឆ្នាំថ្មីហើយ។
មកធ្វើការតេស្តបែបវិទ្យាសាស្រ្ត ចូរជ្រើសរើសនូវផ្កាយវេទមន្តមួយ ក្នុងចំណោមផ្កាយទាំង ៤ ដើម្បីដឹងថា តើមានអ្វីកំពុងរង់ចាំអ្នកនៅពេលខាងមុខ នៃពាក់កណ្តាលខែធ្នូនេះ?
ផ្កាយវេទមន្តទី ១
ពាក់កណ្តាលខែធ្នូនេះ នឹងនាំមកនូវថាមពលវិជ្ជមានជួយឲ្យជីវិតអ្នកល្អប្រសើរច្រើន។ ទាំងក្នុងទំនាក់ទំនងស្នេហា មិត្តភក្តិ ឬជាមួយគ្រួសារ គឺមានភាពល្អជាងមុន ហើយបើមានស្នាមរបួសចាស់ ក៏នឹងត្រូវបានព្យាបាលវិលមករកភាពប្រក្រតីវិញ។
ជីវិតនៅផ្នែកហិរញ្ញវត្ថុក៏កាន់តែប្រសើរឡើងដូចគ្នា តែត្រូវចាំអ្នកត្រូវប្រកាន់ខ្ជាប់ការអភិវឌ្ឍខ្លួនឯង ដោយមិនត្រូវបោះបង់នៅពេលនេះឡើយ។ មួយទៀតចូរលុបបំបាត់នូវការគិតបែបទុទ្ទិដ្ឋិនិយមចេញពីខ្លួន ហើយជាពិសេសភាពខ្ជិលច្រអូសក៏ដូច្នោះដែរ។
ផ្កាយវេទមន្តទី ២
ក្នុងពាក់កណ្តាលខែនេះដំណឹងល្អបំផុតដែលអ្នកនឹងទទួលបាន គឺបេះដូងរបស់អ្នកនឹងត្រូវបានជាសះស្បើយពីការឈឺចាប់កន្លងមក ហើយវាក៏ជាដើមចមរារាំងឲ្យអ្នកមិនអាចរីកចម្រើនទៅមុខបាន។
ដោយសារភាពសោកសៅ ការភ័យខ្លាច វាបានគ្របដណ្តប់លើការគិតរបស់អ្នកទាំងឡាយឲ្យរលាយបាត់ទៅ ហើយមិនអាចអនុញ្ញាតឲ្យអ្នកឆ្ពោះទៅការបោះជំហានក្នុងជីវិតថ្មីឡើយ។ ពេលនេះឈប់បារម្ភ គ្រប់យ៉ាងគឺល្អប្រសើរវិញហើយ។
វេលាខាងមុខនេះប្រាជ្ញារបស់អ្នកនឹងកាន់តែវាងវៃជាងមុន ការគិតផ្សេងៗនឹងកាន់តែគិតបានល្អជាងមុន ជួយឲ្យអ្នកកាន់តែរកឃើញភាពល្អបំផុតនៃជីវិត។
ផ្កាយវេទមន្តទី ៣
ដំណឹងល្អដែលនឹងមកដល់សម្រាប់អ្នកនៅពាក់កណ្តាលខែធ្នូ គឺទាក់ទងនឹងការងារ។ កន្លងទៅនេះអ្នកមានការខកចិត្តខ្លាំង ដោយសារតែការអសមត្ថភាពនិងការសម្រេចមិនបាននូវកិច្ចការងារមួយ ហើយក៏ជះឥទ្ធិពលជាខ្លាំងដល់ជីវិត។
យ៉ាងណាគ្រួសារនិងមនុស្សជុំវិញខ្លួនក៏បានលើកទឹកចិត្តអ្នកហើយដែរ តែនៅខែនេះវាជាខែល្អបំផុតនឹងបើកទ្វារផ្តល់ឱកាសថ្មីសម្រាប់អ្នក ហើយបើអ្នកឈរលើគោលជំហរនៃការខិតខំ ឧស្សាហ៍ព្យាយាម នោះអ្នកនឹងសម្រេចវាបាន ហើយទទួលបានការសាទរពីថ្នាក់លើ មានការដំឡើងប្រាក់ខែទៀតក៏មាន។
ផ្កាយវេទមន្តទី ៤
អ្នកត្រូវតែត្រៀមខ្លួនទទួលយកនូវអ្វីដែលមានការផ្លាស់ប្តូរដ៏សំខាន់មួយ ហើយវាក៏នឹងរំខានជីវិតរបស់អ្នក។ រឿងខ្លះអ្នកចេះតែអូសបន្លាយវាពីមួយថ្ងៃទៅមួយថ្ងៃ ហើយយូរទៅក៏ត្រូវតែជួប និងត្រូវធ្វើការសម្រេចចិត្ត។ ចងចាំថាការផ្លាសប្តូរខ្លះគឺជា ភាពវិជ្ជមានសម្រាប់ជីវិតរបស់យើងទៅវិញទេ បែបនេះកុំខ្លាចពួកវាទាំងស្រុងអី៕
ប្រភព៖ បរទេស | ប្រែសម្រួល៖ ក្នុងស្រុក