អត្ថន័យនៃប្រជ្រុយទាំង ៦ ទីតាំង ដែលបង្ហាញពីលាភសំណាង និងពរជ័យច្រើនរបស់ម្ចាស់

តាម​ហោរាសាស្ត្រ ម្ចាស់​ប្រជ្រុយ​ទាំង ៦ ទីតាំងនេះ មាន​ពរជ័យ​ច្រើន រកស៊ី​មានបាន និង​មាន​អាយុ​វែងថែមទៀតផង។

១. ប្រជ្រុយពហុមុន មានទីតាំងនៅលើ ស្មា

យោងទៅតាមនរវិទ្យា ប្រជ្រុយ "ពហុមុន" គឺជាប្រជ្រុយនៅលើស្មា។ មិន​ថា​ប្រុស​ ឬ​ស្រី​ទេ អ្នកដែលមាន​ប្រជ្រុយ​នេះ​ជា​រឿង​ល្អ មានហុងស៊ុយ ​ទទួល​បាន​លាភ​សំណាង ពី​ដូនតា។

បុគ្គល​នេះ​អាច​រក្សា​ និង​លើក​ស្ទួយ​អាជីវកម្ម​គ្រួសារ​ដោយ​រក​ប្រាក់​បាន​ច្រើន​ឡើងទ្វេដង។ ពួកគេអាចសម្រេចបាននូវមុខតំណែងជាក់លាក់មួយនៅក្នុងសង្គម ហើយមិនចាំបាច់ខ្វល់ខ្វាយអំពីសម្ភារៈសម្រាប់ជីវិតរបស់ពួកគេឡើយ។

១

២. ប្រជ្រុយអ្នកប្រាជ្ញ និងអ្នកក្លាហាន មាន ៣ ជាប់គ្នានៅកណ្ដាលក និងស្មា

ប្រជ្រុយ​បី​ជាប់​គ្នា​នៅ​កណ្តាល​ក និង​ស្មា​ត្រូវ​បាន​គេ​ហៅ​ថា "ទីតាំង អ្នក​ក្លាហាន" ។ ម្ចាស់​ប្រជ្រុយ​នេះ​ជាមនុស្សឆ្លាត ប្រុង​ប្រយ័ត្នខ្ពស់ ចេះ​ដឹង​ និង​មាន​ទេព​កោសល្យ។ បុគ្គល​នេះ​ក៏​ក្លាហាន​ និង​ទៀងត្រង់​ ដូច្នេះ​គាត់​ត្រូវ​បាន​មនុស្ស​គ្រប់​គ្នា​ស្រឡាញ់​គ្រប់​ទីកន្លែង​ដែល​គាត់​ទៅ ហើយ​មិន​ខ្វះ​មនុស្ស​ខ្ពង់ខ្ពស់​តាមជួយ និងថែរក្សាឡើយ។

៣. ប្រជ្រុយគុណធម៌ថ្លៃថ្នូរ មានទីតាំងនៅខាងក្រោមស្មាស្ដាំ

ប្រជ្រុយដែលស្ថិតនៅផ្នែកខាងក្រោមនៃស្មាស្តាំ ដែលវាជួបនឹងឆ្អឹងខ្នង ក៏ជាប្រជ្រុយដ៏ល្អផងដែរ។ មនុស្ស​ដែលមាន​ប្រជ្រុយ​ប្រភេទ​នេះ មិន​ថា​ប្រុស ​ឬ​ស្រី សុទ្ធតែ​ទទួលបាន​នូវ​ពរជ័យ​ពី​ព្រះ សំណាងល្អ ជោគជ័យ និង​កិត្តិនាម​។

២

៤. ប្រជ្រុយរីករាយ និងសម្បូរបែប មានទីតាំងនៅកណ្តាលឆ្អឹងខ្នង

នេះគឺជាប្រជ្រុយដែលមានទីតាំងនៅកណ្តាលឆ្អឹងខ្នង មិនមែនទៅខាងឆ្វេង ឬទៅខាងស្តាំនោះទេ។ អ្នក​ដែល​មាន​ប្រជ្រុយ​នេះ​ច្រើន​តែ​កើត​ក្នុង​គ្រួសារ​ដែល​មាន​លក្ខខណ្ឌ​ល្អ ឪពុកម្តាយ​មាន​សុខភាព​ល្អ និង​សេដ្ឋកិច្ច​ល្អ។ ក្រោយ​ពី​រៀបការ​រួច ពួក​គេ​មាន​ជីវិត​អាពាហ៍ពិពាហ៍​ដែល​មាន​ស្ថិរភាព មាន​កូន​ដែល​ចេះ​ស្តាប់​បង្គាប់ និង​មាន​កូន​កតញ្ញូ។ បុគ្គលនេះអាចទទួលបានឋានៈខ្ពស់ក្នុងសង្គម។

៥. ប្រជ្រុយអាយុវែង សិរីសួស្ដី មានអីតាំងនៅក្រោមផ្ចិត

ប្រជ្រុយដែលស្ថិតនៅខាងក្រោមផ្ចិត ត្រូវបានគេហៅថា ប្រជ្រុយអាយុវែង អាយុ និងកម្រណាស់។ អ្នក​ដែល​មាន​ប្រជ្រុយ​នេះ​ ត្រូវ​បាន​គេ​ទស្សន៍ទាយ​ថា​ នឹង​មាន​អាយុ​យឺនយូរ ​និង​ទទួល​បាន​ពរជ័យ​ជា​ច្រើន​។ បុគ្គល​នេះ​មាន​ចំណេះ​ជ្រៅជ្រះ ធ្វើ​អំពើ​ល្អ និង​ជីវិត​សុខសាន្ត។

3

៦. ប្រជ្រុយ ពហុសមត្ថភាព មានទីតាំងនៅចុងឆ្អឹងខ្នង

ប្រជ្រុយ "អណ្តើក" (កន្ទុយអណ្តើក) មានទីតាំងនៅចុងឆ្អឹងខ្នង។ បុគ្គល​មាន​ប្រជ្រុយ​នេះ​ពូកែ​ក្នុង​ការ​សិក្សា មាន​ពហុ​សមត្ថភាព ដូច្នេះ​ប្រាក់​ភ្លឺ​ថ្លា​។ ពួកគេ​មាន​សុខភាព​ល្អ មាន​ភ្នែក​មុត និងរឹងមាំនៅ​ក្នុង​ជីវិត ដូច្នេះ​ពួកគេ​អាច​ទទួលបាន​ជោគជ័យ​យ៉ាង​ងាយ​ក្នុង​អាជីព​ក៏ដូចជា​ជីវិត​ផងដែរ៕

* អត្ថបទសម្រាប់ជាឯកសារយោងប៉ុណ្ណោះ!