ហេតុអ្វីបានជា Robin van Persie បង្ហាញខ្លួនកំឡុងសន្និសីទសារព័ត៌មានរបស់ Ten Hag?
Robin van Persie បានបង្ហាញខ្លួនដ៏គួរឱ្យភ្ញាក់ផ្អើលនៅឯ Carrington កាលពីថ្ងៃពុធនេះ ហើយជាផ្នែកមួយនៃសន្និសីទសារព័ត៌មានមុនការប្រកួតរបស់ Erik ten Hag ។
Ten Hag បានអញ្ជើញអតីតកីឡាករ Manchester United រូបនេះ តាមគេហទំព័រផ្លូវការ ដើម្បីមើលវគ្គហ្វឹកហាត់ចុងក្រោយរបស់ក្លឹប ខណៈដែលគាត់គំពុងធ្វើការលើការទទួលបានអាជ្ញាប័ណ្ឌគ្រូបង្វឹករបស់គាត់។ Van Persie ក៏នឹងសម្ភាសន៍មិត្តរួមជាតិលោក Ten Hag សម្រាប់ការងារមិនគួរឱ្យជឿរបស់គាត់នៅ Old Trafford នៅរដូវកាលនេះ។
ដោយទទួលស្គាល់ការផ្លាស់ប្តូរបរិយាកាស លោក Van Persie បានប្រាប់ MUTV ថា៖ «ភាពរស់រវើកនៅ Carrington និង Old Trafford បានផ្លាស់ប្តូរយ៉ាងខ្លាំង។ វាកាន់តែមានភាពវិជ្ជមាន បរិយាកាសនៅកន្លែងនោះ។ អាហារដ្ឋានក៏ផ្លាស់ប្តូរដែរ។ វាដូចជាអ្វីៗបានផ្លាស់ប្តូរ។ មើលទៅខុសគ្នា មានអារម្មណ៍ខុសគ្នា អាហារក៏ខុសគ្នាដែរ"។
“ខ្ញុំនៅម្នាក់ឯង ដើរត្រលប់មកវិញតាមទីលានហ្វឹកហាត់ កាត់តាមច្រករបៀង ហើយខ្ញុំឈរនៅទីនោះ ហើយញញឹម ខ្ញុំអាចដឹងថាមានអ្វីមួយកើតឡើងនៅទីនេះ។ ខ្ញុំមិនដឹងថាវាជាអ្វី ឬកន្លែងដែលនឹងទៅនោះទេ ប៉ុន្តែបរិយាកាសគឺខុសគ្នាខ្លាំងណាស់។ មានទំនុកចិត្តនៅកន្លែងនោះ»។
ទន្ទឹមនឹងនេះ សារព័ត៌មាន Manchester Evening News បានដកស្រង់ប្រភពនៅក្នុងក្លឹបដែលបានបញ្ជាក់ថា Van Persie មិននៅទីនោះ ដើម្បីចូលរួមជាមួយបុគ្គលិកគ្រូបង្វឹករបស់ Ten Hag ។ ហើយក៏គ្មានអ្វីលើសពីនេះទេ។
ប្រភព៖ ManUtd.com |
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
ព័ត៌មានថ្មីៗ
