ក្លិបធំមួយនៅអឺរ៉ុបសុខចិត្តទទួលរងការរិះគន់ ឱ្យតែបាន Mason Greenwood លេងឱ្យខ្លួន
Fenerbahce កំពុងសម្លឹងមើលការចុះហត្ថលេខាលើកីឡាករវ័យក្មេងរបស់ Manchester United Mason Greenwood ដែលប្រហែលជាមិនអាចនឹងលេងឱ្យក្លឹបម្តងទៀត។
Greenwood ត្រូវបាន Manchester United ព្យួរការប្រកួត កាលពីឆ្នាំមុនបន្ទាប់ពីរងការចោទប្រកាន់រឿងក្ដីប្រើអំពើ ហិង្សា បង្ខំ។ Manchester United ថ្មីៗនេះបានចេញសេចក្តីថ្លែងការណ៍មួយលើ Greenwood បន្ទាប់ពីបទចោទប្រកាន់ប្រឆាំងនឹងគាត់ត្រូវបានទម្លាក់ចេញ ដោយព្រះរាជអាជ្ញារបស់ទីក្រុង Manchester។
ទោះបីជាយ៉ាងណាក៏ដោយ Manchester United បានបញ្ជាក់ថាពួកគេនឹងដំណើរការដោយខ្លួនឯងមុនពេលអនុញ្ញាតឱ្យ Greenwood ត្រលប់ទៅក្លឹបវិញ។ វាពិបាកណាស់ក្នុងការឃើញ Greenwood នឹងលេងឱ្យ Manchester United ម្តងទៀត ហើយការចាកចេញពីប្រទេសអង់គ្លេស ហាក់ដូចជាឱកាសតែមួយគត់។
យោងតាម FutoSpor ក្លឹប Fenerbahce ចាប់អារម្មណ៍ក្នុងការចុះហត្ថលេខាលើ Greenwood ហើយសុខចិត្តប្រឈមមុខនឹងការរិះគន់ដែលពួកគេនឹងទទួលបានសម្រាប់ការចុះហត្ថលេខាលើ Greenwood ។
ថាតើ Greenwood ចាប់អារម្មណ៍លើការផ្លាស់ប្តូរទៅកាន់ប្រទេសទួរគីដែរឬទេ ខណៈដែលគេមើលឃើញថា នេះជម្រើសតិចតួច ប្រសិនបើគាត់ចង់បន្តលេងបាល់ទាត់ជាអាជីព។
ទោះបីជាមានការចោទប្រកាន់ត្រូវបានទម្លាក់ក៏ដោយ ក្លឹបណាមួយក្នុងប្រទេសអង់គ្លេសដែលចង់ចុះហត្ថលេខាលើ Greenwood ប្រាកដជានឹងទទួលបាននូវការរិះគន់យ៉ាងខ្លាំងចំពោះការធ្វើដូច្នេះ ហើយ Greenwood ខ្លួនគាត់អាចទទួលបានការរំលោភបំពានជាប្រចាំនៅពេលធ្វើដំណើរទៅកាន់ទីលានប្រកួតរាល់សប្តាហ៍។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
ព័ត៌មានថ្មីៗ
