ភ្លេងច័ន្ទ ហាងកាហ្វេតុបតែងដោយរុក្ខជាតិពណ៌បៃតង ឯគ្រឿងសង្ហារឹមបែប Vintage ដែលធ្វើឱ្យក្លាយជាកន្លែងមានភាពទាក់ទាញខ្លាំង
ភ្នំពេញ៖ សព្វថ្ងៃហាងកាហ្វេបើកដំណើរច្រើនស្អេកស្កេះស្ទើរគ្រប់ទីកន្លែង តែប្រសិនជាលោកអ្នកចង់ស្វែងរកហាងកាហ្វេដែលមានការតុបតែងបែបប្លែក និងមានលក្ខណៈធម្មជាតិស្រស់បំព្រង ធ្វើឱ្យអារម្មណ៍ស្រស់ស្រាយ ថ្ងៃនេះ « ក្នុងស្រុក » សូមណែនាំហាងកាហ្វេមួយកន្លែងមានឈ្មោះថា « Pleng Chan - ភ្លេងច័ន្ទ »។
Pleng Chan - ភ្លេងច័ន្ទ គឺជាហាងកាហ្វេមួយដែលមានប្រជាប្រិយភាពយូរណាស់ហើយ តែទើបតែបានផ្លាស់ប្តូរទីតាំងមកកន្លែងថ្មី ដែលមានការរៀបចំកាន់តែឡូយជាងមុនទៅទៀត។ ហាង Pleng Chan បានរចនាឡើងមានលក្ខណះជាធម្មជាតិ ដោយគ្រប់ទីកន្លែងនៅហាងមួយនេះ បានតុបតែងដោយដាក់ជារុក្ខជាតិពណ៌បៃតង មានដើមឈឺតូចធំ ក៍ដូចជាគ្រឿងសង្ហារឹមបែប Vintage ដែលធ្វើឱ្យទីកន្លែងទាំងមូលមានភាពទាក់ទាញយ៉ាងខ្លាំង ។
ហាងកាហ្វេនេះ ក៏បានរៀបចំការដាក់តាំងសៀវភៅឱ្យអានដោយសេរី ដែលធ្វើឱ្យយើងមានអារម្មណ៏ថាដូចបណ្ណាល័យសិក្សាតូចមួយអញ្ចឹង ពិតជាពិសេសសម្រាប់អ្នក ដែលចូលចិត្តអានសៀវភៅ។
បន្ថែមពីការតុបតែងហាងដ៏ទាក់ទាញ Pleng Chan មានបម្រើអាហារ និងភេសជ្ជៈឆ្ងាញ់ៗដូចជា កាហ្វេ និង អាហារ ដែលមានទាំងអាហារខ្មែរ និង អាហារបរទេស។ ជាពិសេសក្នុងហាងនេះផងដែរ ក៏មានបន្ទប់ប្រជុំដែលអាចដាក់បានមនុស្សជិត ១០នាក់ ផងដែរ ដោយលោកអ្នកអាចធ្វើការ call កក់ទុកជាមុនសិន។
គួរឱ្យដឹងផងដែរថា ហាងកាហ្វេ Pleng Chan - ភ្លេងច័ន្ទ មានទីតាំងនៅផ្ទះលេខ 232 ផ្លូវ 63 សង្កាត់បឹងកេងកង1 ខណ្ឌបឹងកេងកង រាជធានីភ្នំពេញ ឬអាចទំនាក់ទំនងតាមរយៈលេខទូរស័ព្ទ 093 70 25 25 ដោយហាងមួយនេះបើកដំណើរការជារៀងរាល់ថ្ងៃ ចាប់ពីម៉ោង 06:30 ព្រឹក ដល់ម៉ោង 09 យប់៕
ប្រភពអត្ថបទ និងរូបភាព៖ Martin & Shulee
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ Writers
ព័ត៌មានថ្មីៗ
