ចាបព្រៃវែង(Yellow-breasted Bunting Enberiza aueola)ជាប្រភេទជិតផុតពូជបំផុតលើលោកបម្លាស់ទីមកកាន់ប្រទេសកម្ពុជា

ចាបព្រៃវែង ដែលមានឈ្មោះបច្ចេកទេសជាភាសាអង់គ្លេសថា (Yellow-breasted Bunting Enberiza aueola)គឺជាប្រភេទជិតផុតពូជបំផុតលើលោក ដែលកំណត់ក្នុងបញ្ជីក្រហម ក្នុងឆ្នាំ២០១៧ ។

បើតាមការផ្សាយព័ត៌មានផ្លូវការរបស់ អង្គការជីវិតសត្វស្លាបអន្តរជាតិ Birdlife នៅរសៀលថ្ងៃព្រហស្បតិ៍ ទី០៥ ខែកញ្ញា ឆ្នាំ២០១៩ ថាបក្សីប្រភេទនេះបង្កកំណើតនៅអឺរ៉ុប និង ទ្វីបអាស៊ីខាងជើង ហើយពួកវាតែងតែ បំលាស់ទីមកកាន់តំបន់អាស៊ី ប្រទេសឥណ្ឌា និង ប្រទេសចិន ភាគខាងត្បូងនៅរដូវត្រជាក់ និង ហោះហើរត្រទ្បប់ទៅប៉ែកអឺរ៉ុបវិញ ។ នៅកម្ពុជាសត្វចាបព្រៃវែង ត្រូវបានប្រទេះឃើញជាក្រុមក្នុងរដូវវស្សានៅតាមទីជម្រកដែលជាដីចម្ការ វាលស្រែ និងវាលស្មៅ។ ពួកវាក៏អាចតាំងលំនៅបណ្តោះអាសន្នក្នុងវាលស្រែទាំងនោះផងដែរ។

គេអាចកំណត់សត្វចាបញី ឈ្មោលបានដោយសារសត្វចាបឈ្មោលមានបំពង់ក និង ផ្នែកពោះពណ៌លឿងទុំ និង មានវ័ណ្ឌទ្រូងពណ៌ត្នោតមានឆ្នូតស្លាបស ដោយឡែកសត្វចាបញីគ្មានវ័ណ្ឌទ្រូងត្នោត ផ្នែកពោះពណ៌លឿងខ្ចី និង ផ្នែកខ្នងពណ៌ត្នោតខ្ចី។

ពួកវាមានវត្តមាននៅកន្លែងមួយចំនួនដូចជា ផ្នែកខាងត្បូងខេត្តក្រចេះខេត្តពោធិ៍សាត់ និង ខេត្តកំពង់ធំ ។ តាមរបាយណ៍របស់ពួកវាមានការថយចុះ យ៉ាងគំហុកដោយសារតែការដាក់អន្ទាក់ មង សារធាតុពុល និង មធ្យោបាយផ្សេងទៀត សម្រាប់ធ្វើជាអាហារ និង លក់នៅលើទីផ្សារជាដើម។

អង្គការជីវិតសត្វស្លាបអន្តរជាតិ Birdlife បានជូនដំណឹងថា នៅថ្ងៃទី១១ ខែកញ្ញា ឆ្នាំ២០១៩ នៅសណ្ឋាគារភ្នំពេញអ៊ីរ៉ា ក្រុមអ្នកអភិរក្សមកពី ហុងកុង ជប៉ុន និង កម្ពុជានឹងជួបជុំដើម្បីរៀបចំសិក្ខាសាលាស្តីពីការអភិរក្សសត្វចាបព្រៃវែងនៅកម្ពុជាដែលសត្វនេះជិតផុតពូជលើពិភពលោក ៕