ចង់ទៅលេងទេ? ផ្ទះដ៏ល្បីថាលងសាហាវទាំងក្នុងរឿង និងក្រៅរឿង The Conjuring គ្រោងនឹងបើកឱ្យទស្សនាជាសាធារណៈនៅឆ្នាំក្រោយហើយ
អ្នកណាដែលថាមិនស្គាល់ខ្សែភាពយន្តរន្ធត់ដ៏ល្បី The Conjuring នោះ ដោយខ្សែស្រឡាយសាច់រឿងនេះពីមួយវគ្គទៅមួយវគ្គគឺកាន់តែញាក់សាច់ និងរន្ធត់ ធ្វើឱ្យអ្នកទស្សនាចង់តាមដានជាបន្តបន្ទាប់។
ជាក់ស្តែងផ្ទះដ៏រន្ធត់ ដែលបានរំលេចនៅក្នុងខ្សែភាពយន្ត The Conjuring មួយនេះ ត្រូវបានគេដឹងថា មិនត្រឹមតែមានភាពរន្ធត់នៅក្នុងសាច់រឿងប៉ុណ្ណោះទេ តែសូម្បីតែស្ថានភាពពិតៗនៅខាងក្រៅក៏ញាក់សាច់ និងមានរឿងរ៉ាវលងបន្លាចមិនស្ទើរដែរ។
ផ្ទះដែលមានទេសភាពស្រស់ស្អាតម៉ូត Harrisville house អមដោយបឹង និងដើមឈើធំមួយ បង្កប់ដោយភាពរន្ធត់មួយនេះ គឺជាកម្មសិទ្ធរបស់ប្តីប្រពន្ធមួយគូ (ម្ចាស់ថ្មី) គឺលោក Cory Heinzen និងអ្នកស្រី Jennifer Heinzen ដោយផ្ទះនេះត្រូវបានរកឃើញ និងស្នើសុំថតដោយអ្នកដឹកនាំរឿងផ្ទាល់លោក James Wan តែម្តង។
តាមរយៈម្ចាស់ផ្ទះបានឱ្យដឹងថា ផ្ទះនេះមានរឿងចម្លែកៗកើតឡើងតាំងពីមករស់នៅ ដោយជួនកាលទ្វារបិទដោយខ្លួនឯង ពេលខ្លះមានសម្រិបជើង សំលេងគោះទ្វារ និងសំឡេងប្លែកៗជាដើម ដោយអាចនិយាយថាបានសូម្បីតែលោកជាម្ចាស់ផ្ទះក៏មិនចង់នៅក្នុងផ្ទះនេះតែម្នាក់ឯងដែរ។ តែទោះជាយ៉ាងណា លោកនេះតែស្រលាញ់ពេញចិត្តផ្ទះមួយខ្នងនេះដោយសារតែសម្រស់ និងទេសភាពរបស់វា អាចនិយាយបានថាជារឿងមួយដ៏ស្រស់ស្អាតអស្ចារ្យក្នុងពិភពអាថ៌កំបាំង និងរន្ធត់ ហើយរឿងរ៉ាវដ៏គួរឱ្យខ្លាចដែលកើតឡើងនៅក្នុងផ្ទះនេះគឺកើតឡើងតាំងពីរឿង Conjuring បានចាប់ផ្តើមថតទៅទៀត។
គួរឱ្យដឹងផងដែរ បើតាមគម្រោងរបស់ម្ចាស់ផ្ទះរន្ធត់មួយនេះ គឺលោក Cory Heinzen និងអ្នកស្រី Jennifer Heinzen អ្នកទាំង២មានគម្រោង រុះរើកែលំអផ្ទះនេះឱ្យល្អ និងស្រស់ស្អាតជាងមុន ដើម្បីបើកឱ្យភ្ញៀវទេសចរណ៍ចូលទស្សនា និងសិក្សាស្រាវជ្រាវជាសាធារណៈនៅឆ្នាំក្រោយ តែមិនទាន់បញ្ជាក់ពីកាលបរិច្ឆេទច្បាស់លាស់នៅឡើយនោះទេ៕
បកប្រែ និងរក្សាសិទ្ធដោយ៖ ក្នុងស្រុក
ព័ត៌មានថ្មីៗ
