អ្វីដែលគ្រប់គ្នាទន្ទឹងរង់ចាំ ! « សង្សារ ១៤ថ្ងៃ » ជួបគ្នាជាថ្មីនៅពេលដែលខ្ញុំរឹងមាំ នឹងចាក់បញ្ចាំងនៅគ្រប់រោងកុនឆាប់ៗនេះ (មានវីដេអូ)
« សង្សារ ១៤ថ្ងៃ » គឺជាសៀវភៅប្រលោមលោកដ៏ល្បី ពីអ្នកនិពន្ធ លោក សុខ ចាន់ផល បានទទួលការគាំទ្រ ជាខ្លាំងពីសំណាក់យុវវវ័យ និងអ្នកអានប្រលោមលោកជាច្រើន ដោយសារតែអត្ថន័យ និងអត្ថរសនៅក្នុងសៀវភៅនេះ សម្បូរទៅដោយពាក្យពេចន៍ល្អ និងសាច់រឿងចាក់ចំបេះដូងអ្នកអានតែម្តង។
កម្រង ប្រលោមលោក « សង្សារ ១៤ថ្ងៃ » ក៏ធ្លាប់ត្រូវបានបង្ហើបឱ្យដឹងថា បាននឹងកំពុងតែផលិតជាខ្សែភាពយន្តបណ្តើរៗ និងថែមទាំងបានចេញជាវីដេអូសាច់រឿងខ្លីៗផងដែរ ធ្វើឱ្យប្រិយមិត្តអ្នកអានជាច្រើនរំភើបចិត្តខ្លាំងចំពោះសាច់រឿងដ៏គួរឱ្យចាប់អារម្មណ៍មួយនេះ ថែមទាំងទន្ទឹងរង់ចាំថ្ងៃចាក់បញ្ចាំងជាផ្លូវការទៀតផង។
អ្វីដែលកាន់តែពិសេស តាមប្រភពព័ត៌មានច្បាស់ការណ៍បានឱ្យដឹងថា ខ្សែភាពយន្ត « សង្សារ ១៤ថ្ងៃ » នឹងចាក់បញ្ចាំងគ្រប់បណ្តារោងភាពយន្តឆាប់ៗនេះហើយ មិនឱ្យអ្នកគាំទ្ររង់ចាំយូរទៀតទេ ហើយសម្រាប់ថ្ងៃចាក់បញ្ចាំងជាផ្លូវការ ត្រូវបានខាងក្រុមការងារផលិត និងអ្នកនិពន្ធមិនបានបង្ហើបឱ្យដឹងនៅឡើយទេ ដោយគ្រោងនឹងបង្ករការភ្ញាក់ផ្អើលជាពិសេសសម្រាប់អ្នកគាំទ្រតែម្តង។
គួរឱ្យដឹងផងដែរថា សង្សារ ១៤ថ្ងៃ និពន្ធដោយ អ្នកនិពន្ធល្បី លោក សុខ ចាន់ផល ផលិតដោយផលិតកម្ម ឥន្ទ្រិយហ្វីម ដោយចូលរួមសម្តែងដោយ កញ្ញា សឹម ស្រីនិច្ច លោកហូ សារៈ និងតារាសម្តែងល្បីៗជាច្រើនរូបទៀត។
កុំភ្លេចរង់ចាំទស្សនាទាំងអសគ្នា! ជួបគ្នាឆាប់ៗនៅគ្រប់បណ្តារោងភាពយន្ត « ជួបគ្នាជាថ្មីនៅពេលដែលខ្ញុំរឹងមាំ » ពីសង្សារ ១៤ថ្ងៃ ៕
សូមទស្សនាវីដេអូខ្លីៗពីខ្សែភាពយន្ត « សង្សារ ១៤ថ្ងៃ » ៖
ព័ត៌មានថ្មីៗ
