យ៉ាងហោចណាស់មានក្រុមបាតុករប្រមាណជាជាង ៧០០០នាក់ បានធ្វើដំណើរតាមដងផ្លូវនៅ Oakland រដ្ឋកាលីហ្វញ៉ា កាលពីយប់មិញ ដោយមានការប៉ះទង្គិចជាមួយក្រុមប៉ូលីស និងបង្កឱ្យមានការវាយប្រហារដុតបំផ្លាញនៅទូទាំងទីក្រុង។
ក្នុងខណៈពេលធ្វើបាតុកម្មនោះ មានមន្រ្តីពីររូប ដែលជាមន្ត្រីសេវាការពារសហព័ន្ធដែលជាផ្នែកមួយនៃសន្តិសុខមាតុភូមិត្រូវបានគេបាញ់សម្លាប់។
ទន្ទឹមនឹងនេះដែរ បាតុករអាយុ ១៩ ឆ្នាំម្នាក់ ត្រូវបានបាញ់សម្លាប់នៅក្រុង Detroit កាលពីយប់មិញ ខណៈពេលដែលទាហាននៅរដ្ឋ North Carolina និងញូវយ៉កត្រូវបានគេបញ្ជាឱ្យត្រៀមខ្លួនដើម្បីផ្លាស់ទីក្នុងរយៈពេល ៤ ម៉ោង និងកងទ័ពនៅរដ្ឋ Colorado និង Kansas ក្នុងរយៈពេល ២៤ ម៉ោង។
យ៉ាងណាមិញ ហេតុការណ៍ដ៏សាហាវមួយនេះបានកើតឡើង បន្ទាប់ពីមានការធ្វើទារុណ និងសម្លាប់ជនជាតិស្បែកខ្មៅ កាលពីប៉ុន្មានថ្ងៃមុនមកនេះ៕
ប្រភព ៖ Daily Mail