សូមបងប្អូនខ្មែរដែលរស់នៅប្រទេសជប៉ុនប្រុងប្រយ័ត្ន ព្រោះមន្ត្រីនាយកដ្ឋាន បានទទួលសារអនាមិកមួយ មានបំណងប៉ុនប៉ងបំផ្ទុះគ្រាប់បែក នៅទីតាំងមួយចំនួន
នៅថ្ងៃទី១២ ខែមិថុនា ឆ្នាំ២០២០ នេះ សម្រាប់បងប្អូននិស្សិតយើងដែលនៅក្នុងតំបន់ កាន់តូ ជាពិសេសក្រុងតូក្យូ។ សូមបងប្អូន កុំចេញទៅតំបន់គោលដៅខាងក្រោមឱ្យសោះ ៖
១ នាយកដ្ឋានអន្តោប្រវេសន៍ 入国管理局
២ ស្ថានីយ៍ប៉ូលីសតំបន់ ស៉ីប៊ូយ៉ា 渋谷警察署
៣ អាចនឹងជាតំបន់ប្រជុំជនធំៗនានាក្នុងក្រុងតូក្យូ
មូលហេតុ ដោយសារតែមានសារអនាមិកមួយ ស្តីអំពីប្រកាសប៉ុនប៉ងបំផ្ទុះគ្រាប់បែក ឬសម្លាប់មនុស្ស បានផ្ញើរចូលទៅនាយកដ្ឋានគោលដៅខាងលើ។ នេះជាសម្ដីដកស្រង់ជាភាសាជប៉ុនរបស់ជនអនាមិក「6月12日の午後3時半に施設内で爆発を起こす。失敗した場合は、職員に刃物で危害を加える」 បើយោងតាមសេចក្តីរាយការណ៍ពីប៉ូលិសបានឱ្យដឹងថា ទង្វើនេះ គេសង្ស័យវាមានជាប់ពាក់ព័ន្ធនឹង បាតុកម្មទាមទារសិទ្ធរបស់ជនជាតិស្បែកខ្មៅ មកលើប៉ូលីសស្បែកស។
ការណ៍នេះ បានបង្ខំឱ្យរដ្ឋបាលនៃនាយកដ្ឋានតំបន់គោលដៅខាងលើបង្ខំចិត្តបិទទ្វាក្នុងថ្ងៃនេះ ដើម្បីទប់ស្តាត់គ្រោះថ្នាក់ដែលអាចនឹងកើតឡើងដោយប្រការណាមួយ។
ហេតុដូច្នេះ សមាគមយើងសូមអំពាវនាវ ឱ្យបងប្អូនប្រជាជនខ្មែរយើងផ្អាកគម្រោង ធ្វើដំណើរទៅកាន់តំបន់គោលដៅខាងលើមួយរយៈសិន។ មិនត្រឹមតែប៉ុណ្ណោះ សូមបង្កើនការប្រុងប្រយ័ត្នឱ្យបានខ្ពស់ទាំងអស់គ្នា។
(បានកែសម្រួលជាភាសាខ្មែរ)
Cambodian Students' Association in Japan - CSAJ
ប្រភព ៖ NHKニュース
ព័ត៌មានថ្មីៗ
