គាំងបាត់! វិទ្យាល័យមួយនៅខេត្តព្រៃវែង បានយកសម្បកគ្រាប់បែកយ៉ាងធំ ទៅធ្វើជាជួងដើម្បីវាយបន្លឺសំឡេង
កាលពីថ្ងៃទី១៥ ខែកក្កដា ឆ្នាំ២០២០នេះ ដោយយោងតាមម្ចាស់គណនីហ្វេសប៊ុគឈ្មោះ Angkor Thom បានផ្តល់ពត៌មានជូនទៅដល់ ឯកឧត្តម ហេង រតនា ប្រតិភូរាជរដ្ឋាភិបាល ទទួលបន្ទុកជាអគ្គនាយកស៊ីម៉ាក់ ដោយបានជម្រាបជូនឯក ឧត្តមថា នៅវិទ្យាល័យមួយនៅខេត្តព្រៃវែង បានយកគ្រាប់បែកយ៉ាងធំ ទៅធ្វើជាជួងដើម្បីវាយបន្លឺសំឡេង។
ភ្លាមៗនោះដែរ ឯក ឧត្តមក៏បានរៀបចំឱ្យមន្ត្រីស៊ីម៉ាក់ប្រចាំខេត្តព្រៃវែង ចាត់ចែងចុះទៅសម្របសម្រួល និងដកហូតយកមករក្សាទុក។
បន្ថែមពីនេះ អគ្គនាយកមជ្ឈមណ្ឌលកម្ចាត់មីនស៊ីម៉ាក់ បានឱ្យដឹងថាក្រោយពីទទួលបានព័ត៌មាននេះ ក្រុមមន្ត្រីជំនាញរបស់ស៊ីម៉ាក់បានចុះទៅដោះជួងគ្រាប់បែកនោះចេញដោយសុវត្ថិភាព ។
គួរបញ្ជាក់ផងដែរថា ជួងគ្រាប់បែកនេះត្រូវបានបំពាក់នៅវិទ្យាល័យ ជា ស៊ីម រក្សជ័យ ស្រុកបាភ្នំ ខេត្តព្រៃវែង៕
ព័ត៌មានថ្មីៗ
