លក្ខណៈល្អ ៤ ចំណុច បង្ហាញពីគុណសម្បត្តិជាច្រើនរបស់ម្ចាស់ តើអ្នកមានដែរឬទេ?
ពិតណាស់ មនុស្សដែលមានលក្ខណៈល្អៗទាំងនេះ គឺពិតជាសញ្ញាបង្ហាញថា ជីវិតរបស់ពួកគេពោរពេញទៅដោយសេចក្ដីសុខ សុភមង្គល ជីវិតរីករាយ សម្បូរសប្បាយ រួមទាំងសំណាងជាច្រើននៅក្នុងជីវិត។
១. កមូល
បើនិយាយពីនរវិទ្យាវិញ រង្វង់មូល គឺជាសញ្ញាដែលបង្ហាញពីសំណាងល្អ និងទ្រព្យរបស់មនុស្សម្នាក់ៗ។ ដូច្នេះ ចំពោះមនុស្សដែលមានករាងមូល ក្រាស់ និងមានរោមច្រើន ជាធម្មតាគឺជាមនុស្សដែលមានលក្ខណៈវៃឆ្លាត មានស្មារតីបត់បែន និងចេះអត់ធ្មត់ក្នុងការងារទាំងពួង។ នៅពេលដែលពួកគេបានធ្វើអ្វីមួយហើយ ពួកគេច្រើនតែប្តេជ្ញាថាត្រូវតែធ្វើវាដល់ទីបញ្ចប់ មិនថាលំបាកយ៉ាងណា ក៏មិនបោះបង់ចោលពាក់កណ្ដាលទីនោះដែរ។
លើសពីនេះ មនុស្សទាំងនេះក៏មានអំណាច និងឆន្ទៈរីកចម្រើន។ ដរាបណាពួកគេទទួលបានឱកាស ពួកគេប្រាកដជាព្យាយាមអស់ពីសមត្ថភាពដើម្បីទទួលបានជោគជ័យ។ អ្នកដែលមានកមូលច្រើនតែមានសំណាងល្អជាបន្តបន្ទាប់។ ជារឿយៗពួកគេតែងតែទទួលបានការគាំទ្រ និងគាំពារ ពីមនុស្សខ្ពង់ខ្ពស់ និងអ្នកមានបុណ្យ ដូច្នេះអាជីពរបស់ពួកគេនឹងទទួលបានជោគជ័យ និងងាយស្រួលជាងអ្នកណាៗទាំងអស់។
បន្ទាប់ពីអាយុ ៤០ ឆ្នាំឡើងទៅ មនុស្សម្នាក់នេះ ក៏នឹងមានឱកាសដ៏ល្អដើម្បីអភិវឌ្ឍអាជីពរបស់គាត់ផងដែរ។ បើនិយាយពីភ័ព្វសំណាងវិញ ពួកគេទទួលបានពរជ័យយ៉ាងជ្រាលជ្រៅ និងរស់នៅជាមួយនឹងជីវភាពធូរធារជាលំដាប់។
២. ចង្អូរមាត់ជ្រៅ ហើយច្បាស់
ស្នូលគឺជាចង្អូរតូចមួយដែលស្ថិតនៅខាងក្រោមចុងច្រមុះ ភ្ជាប់ទៅនឹងបបូរមាត់ខាងលើ។ នៅក្នុងផ្នែកនរវិទ្យាចិត្តសាស្ត្រ គឺបញ្ជាក់ថា ចង្អូរនេះតំណាងឱ្យភាពរឹងមាំសរីរាង្គផ្លូវភេទ និងពូជពង្ស។ មនុស្សដែលត្រូវបានគេចាត់ទុកថាមានបុគ្គលិកលក្ខណៈល្អ អាយុវែង និងស្រស់ស្អាតត្រូវបំពេញតាមលក្ខណៈវិនិច្ឆ័យដូចខាងក្រោម។
- ចង្អូរមាត់ធំទូលាយ ពីលើដល់ក្រោម!
- មានលក្ខណៈជ្រៅ ហើយច្បាស់!
- លើចង្អូរនេះ មិនមានស្លាកស្នាមអ្វីឡើយ!
- ប្រវែងអប្បបរមាគឺ ១,៥ សម!
មនុស្សដែលមានលក្ខណៈសញ្ញាបែបនេះ គឺជាមនុស្សដែលមានភាពស្មោះត្រង់ ឆ្លាតវៃ ចេះប្រយ័ត្នប្រយែង មានឆន្ទៈខ្ពស់ និងថាមពលចាប់ផ្តើមអាជីវកម្មដោយដៃទទេរ ក៏អាចទទួលបានជោគជ័យ មានសុខភាពល្អ អាយុវែងថែមទៀតផង។
៣. ទងត្រចៀកធំ ហើយក្រាស់
ដើម្បីដឹងថាតើមនុស្សម្នាក់មានសំណាងល្អ ឬអត់ មនុស្សតែងតែយកចិត្តទុកដាក់លើទងត្រចៀករបស់គាត់។ អ្នកដែលមានទងត្រចៀកក្រាស់ ជាធម្មតាមានសុខភាពល្អ ពោរពេញដោយថាមពល និងភាពរីករាយ។ ជាទូទៅ នេះក៏ជាសញ្ញាបង្ហាញពីភាពឆ្លាតជាងមនុស្សដទៃផងដែរ។ តាំងពីវ័យក្មេង ពួកគេតែងតែបង្ហាញពីទេពកោសល្យ និងមហិច្ឆតារបស់ពួកគេឱ្យអ្នកដទៃឃើញយ៉ាងច្បាស់។
មនុស្សដែលមានទងត្រចៀកធំ ក៏មានន័យថាពួកគេមានថាមពល និងនិស្ស័យពេញលេញ ធ្វើអ្វីគ្រប់យ៉ាងមានប្រសិទ្ធភាពខ្ពស់។ ជាលទ្ធផលនៅកន្លែងធ្វើការ គេច្រើនតែគោរព និងកោតសរសើរពីថ្នាក់លើផងដែរ។
អ្នកដែលមានសញ្ញាត្រចៀកនេះ ច្រើនតែទទួលបានពរជាច្រើនក្នុងជីវិតពួកគេ ទោះបីពួកគេជួបការលំបាកក៏ដោយ ពួកគេនឹងចៀសផុតពីគ្រោះថ្នាក់ទាំងឡាយបានជានិច្ច។ ក្នុងវ័យចំណាស់ ពួកគេនៅតែរក្សាបាននូវសុខភាពល្អ ភាពរីករាយនឹងជីវិត និងគ្រួសារពោរពេញដោយក្ដីសុខ និងសុភមង្គលផងដែរ។
៤. រោមចិញ្ចើមវែងៗ ហើយកោងស្អាត
រោមចិញ្ចើម ត្រូវបានគេស្គាល់ថាជាសញ្ញារាសីចក្រ ពីព្រោះវាសនារបស់មនុស្សម្នាក់ៗ ក៏អាចបញ្ជាក់បានតាមរយៈរោមចិញ្ចើមនេះដែរ។ លើសពីនេះ យោងតាមសៀវភៅតម្រានៃជោគជតារាសី ក៏បង្ហាញថា រោមចិញ្ចើម ក៏អាចមើលដឹងអំពីសុខភាព និងអាយុរបស់ម្ចាស់ផងដែរ។
មនុស្សដែលមានរោមចិញ្ចើមវែង ហួសពីជ្រុងនៃភ្នែករបស់ពួកគេ រមែងមានស្មារតីរឹងមាំ មានអារម្មណ៍ធូរស្បើយ និងមានសុខភាពល្អ ដែលជាមូលដ្ឋានគ្រឹះសម្រាប់ជីវិតដ៏វែងឆ្ងាយ។ ប្រសិនបើមានអាយុចន្លោះពី ៤៣ ទៅ ៥២ ឆ្នាំ ចិញ្ចើមដុះរោមវែងៗថែមទៀតនោះ វាគឺជារោមចិញ្ចើមដែលមានអាយុកាលវែង ដែលបង្ហាញពីថាមពលច្រើនហើយរស់នៅបានលើស ១០០ ឆ្នាំទៅទៀត។
ហោរាសាស្ដ្រតែងតែលើកឡើងថា រោមចិញ្ចើមវែង និងកោងស្អាត ក៏មានន័យថាអ្នកមានអាយុវែងផងដែរ ។ តាមទស្សនៈវេជ្ជសាស្ត្រ រោមចិញ្ចើមខ្មៅស្រអាប់រលោងដែលវែង និងក្រាស់បង្ហាញពីប្រព័ន្ធសរសៃឈាម។ ប្រតិបត្តិការល្អ រាងកាយមានសុខភាពល្អ អាយុវែង។ មនុស្សវ័យចំណាស់ភាគច្រើនដែលរស់នៅយូរ ក៏សុទ្ធសឹងតែមាន ចិញ្ចើមវែងនេះឯង៕
ប្រភព ៖ Phunutoday/Knongsrok
ព័ត៌មានថ្មីៗ
