តើជាឆ្នាំរបស់នរណាខ្លះ? អ្នកកើតឆ្នាំ ៣ នេះ ត្រៀមស្វាគមន៍ទ្រព្យធំចូលផ្ទះ កំឡុងពេល ៣ ខែបន្ទាប់
សម្រាប់អ្នកកើតឆ្នាំទាំង ៣ នេះ ទន្ទឹមនឹងការខិតខំប្រឹងប្រែងរបស់ពួកគេហើយ ទៀតសោតក៏ដល់ពេលវេលាដែលពួកគេត្រូវទទួលយកលាភសំណាង និងទ្រព្យដ៏ធំផងដែរនារយៈពេល ៣ ខែបន្ទាប់ ពោលចាប់ពីខែ សីហា កញ្ញា និងតុលា។ តើស្ថិតក្នុងឆ្នាំរបស់អ្នកដែរឬទេ?
អ្នកកើតឆ្នាំមមី (សេះ)
ចាប់ពីខែសីហានេះតទៅ សម្រាប់អ្នកកើតឆ្នាំមមី ចូរត្រៀមខ្លួនទៅ ពេលវេលានាំលាភរបស់អ្នកបានចូលមកដល់ហើយ។ ឱកាសក្នុងជីវិតរបស់ពួកគេមានច្រើន សម្រាប់ការអភិវឌ្ឍអាជីពការងារ និងការរកស៊ី ហើយរាប់ឧបសគ្គទាំងអំបាលម៉ានដែលមានតាំងពីដើមឆ្នាំ គឺបានបញ្ចប់ហើយ។
ទោះជាយ៉ាងណាសម្រាប់អ្នកកើតឆ្នាំមមី ត្រូវបែងចែកឲ្យដាច់នៅអារម្មណ៍ស្នេហា និងអារម្មណ៍ការងារ ព្រោះបើដាក់រឿងទាំងពីរច្របូកច្របល់ចូលគ្នា នោះអ្នកនឹងមិនទទួលបានលាភធំខាងមុខនេះឡើយ។
អ្នកកើតឆ្នាំឆ្លូវ (គោ)
តាមពិតទៅខែសីហានេះ ជាខែដែលជោគជតារាសីរបស់ពួកគេ កើនឡើងខ្ពស់មួយកម្រិតហើយ តែចូលដល់ខែកញ្ញា និងខែបន្តបន្ទាប់ខាងមុខទៀត នឹងកាន់តែខ្ពស់ត្រដែត បើធៀបនឹងអ្នកកើតឆ្នាំដទៃ។
អ្នកនឹងមានឱកាសក្លាយជាអ្នកមាន ប្រសិនជាអ្នកចេះចាប់យកឱកាសនៅពេលខាងមុខ។ អ្នកអាចទទួលបានការរីកចម្រើនយ៉ាងរហ័ស ត្រឹមតែមួយពព្រិចភ្នែក ដូច្នេះកុំរុញរានឹងបង្ហាញពីទេពកោសល្យក៏ដូចជាសមត្ថភាពពិតរបស់អ្នកនៅពេលខាងមុខ។
ចំណុចមួយដែលអ្នកកើតឆ្នាំឆ្លូវ ត្រូវតែប្រយ័ត្នបន្តិច គឺការរក្សាទំនាក់ទំនង ដែលវាត្រូវដើរទន្ទឹមគ្នានឹងលាភសំណាងដែលអ្នកមាន។ បើអ្នកខុសអ្វីមួយនៅពេលខាងមុខ ចូរកុំលាក់បាំងនឹងដៃគូឲ្យសោះ ហើយត្រូវចេះសារភាព និងមិនចចេសរឹងរូសឡើយ ពោលត្រូវកែតម្រូវឲ្យបានល្អ នោះទើបអាចឲ្យអ្នករីកចម្រើនទៅមុខបានយូរ។
អ្នកកើតឆ្នាំម្សាញ់ (ពស់)
អ្នកកើតឆ្នាំម្សាញ់ជាទូទៅ ជីវិតរមែងជួបរឿងលំបាកច្រើន ហើយក៏ជោគជ័យច្រើនណាស់ដែរ បើពួកគេមិនខ្ជិលច្រអូស ហើយមានការឧស្សាហ៍ព្យាយាមខ្ពស់។ យ៉ាងណាមនុស្សនេះ ក៏ដល់ពេលទទួលពរជ័យហើយ ដោយដំណឹងល្អនៅខាងមុខនេះ នឹងចូលមកក្នុងជីវិតអ្នកច្រើន។
អ្នកជាមនុស្សដែលមានទំនួលខុសត្រូវខ្ពស់ និងរមែងមានការកោតសរសើរពីមនុស្សជុំវិញខ្លួន តែទោះយ៉ាងណាក៏កុំមានមោទនភាពលើខ្លួនឯងខ្លាំងពេក។ ប្រសិនអ្នកអនុវត្តចំណុចនេះបាន ឱកាសខាងមុខ នឹងអាចក្លាយជារបស់អ្នកច្រើន ហើយត្រូវប្រកាន់ជានិច្ចនៅចិត្តសប្បុរស និងការបន្ទាបខ្លួន។
នៅរយៈពេល ២-៣ ខែខាងមុខនេះ អ្នកនឹងសមប្រកបច្រើន ហើយក៏មានពេលវេលាអាចសម្រាកច្រើនដូចគ្នា។ ទន្ទឹមនឹងសំណាងដែលទទួលបានហើយ ក៏កុំភ្លេចឆ្លៀតមើលថែទាំសុខភាពរបស់អ្នកឲ្យបានល្អផង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
