គ្រូបង្វឹកម៉ាឡេស៊ីបង្ហាញថាក្រុមកីឡាកររបស់លោកមានតុល្យភាពទាំងកីឡាករវ័យចាស់និងយុវជនត្រៀម Suzuki Cup 2020
លោក Tan Cheng Hoe គ្រូបង្វឹកសញ្ជាតិម៉ាឡេស៊ីបានបង្ហាញឈ្មោះក្រុមកីឡាករដែលមានតុល្យភាពមុនការប្រកួត AFF Suzuki Cup 2020 នៅខែក្រោយ។
លោក Cheng Hoe បាននិយាយក្នុងវេបសាយរបស់ ASEAN Football ថា៖ “ប្រសិនបើយើងក្រឡេកមើលវាទាំងមូល ខ្ញុំជឿថាយើងមានកីឡាករវ័យចំណាស់ជាច្រើនដូចជា Aidil Zafuan (Abdul Radzak), Khairul Fahmi (Che Mat) និង Baddrol (Bakhtiar) ដែលអាចណែនាំកីឡាករវ័យក្មេងឱ្យមានឈ្មោះល្បីបាន"។
"ខ្ញុំមានសុទិដ្ឋិនិយមថា យើងអាចរៀបចំយុទ្ធនាការដ៏ល្អមួយក្នុងព្រឹត្តិការណ៍ AFF Suzuki Cup»។
ដោយមានកីឡាករមួយចំនួនផ្សេងទៀតបានរងរបួស ក្រុមជើងឯកម៉ាឡេស៊ី Johor Darul Ta’zim មានកីឡាករចំនួន 7 នាក់ត្រូវបានកោះហៅទៅកាន់ក្រុមជម្រើសជាតិ ហើយពួកគេរួមមាន Guilherme de Paula, Shahrul Saad, Syafiq Ahmad, Mohamadou Sumareh, Safawi Rasid, Aidil Zafuan Radzak និង Akhyar Rashid ។
បញ្ជីឈ្មោះកីឡាករចំនួន 28 នាក់ នឹងត្រូវកាត់មកត្រឹម 24 នាក់ មុនពេលក្រុមចេញដំណើរទៅកាន់ប្រទេសសិង្ហបុរី នៅថ្ងៃទី 3 ខែធ្នូ ឆ្នាំ 2021៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
ព័ត៌មានថ្មីៗ
