សប្តាហ៍ថ្មី ២៩-០៥ ធ្នូ ហោរាសាស្រ្តចារថាម្ចាស់ឆ្នាំទាំង ៣ នឹងមានលុយចូលហោប៉ៅឆឹបៗ
នៅសប្តាហ៍ថ្មី ចន្លោះពីថ្ងៃទី ២៩ វិច្ឆិកា ដល់ ៥ ធ្នូ តាមហោរាសាស្រ្តបានគន់គូរឃើញថា ម្ចាស់ឆ្នាំទាំង ៣ ខាងក្រោម នឹងមានរាសីឡើងខ្ពស់ត្រដែត។ ទៅផ្ទៀងផ្ទាត់មើល តើមានឆ្នាំរបស់អ្នកដែរទេ?
អ្នកកើតឆ្នាំជូត – កណ្តុរ
ជាឆ្នាំមានរាសីសំណាងក្នុងសប្តាហ៍នេះ ដោយដំណឹងល្អ លាភធំនឹងចូលមកក្នុងជីវិតពួកគេតាំងពីបើកក្បាលសប្តាហ៍ ហើយប្រភពចំណូលសំខាន់ៗ ក៏នឹងបានផលចំណេញច្រើន។
ប្រសិនជាម្ចាស់ឆ្នាំជូត ដឹងពីរបៀបទាញយកឱកាសនៅពេលវេលានេះ ក៏កាន់តែធ្វើឲ្យពួកគេមានបានឆាប់រហ័សផងដែរ។ ប្រសិនអ្នកជាបុគ្គលិកបម្រើការងារក្នុងស្ថាប័នណាមួយវិញ នោះនឹងទទួលបានការកោតសរសើរពីថ្នាក់លើ ហើយអ្នកដាក់សំណើអ្វី ក៏រមែងទទួលបានការអនុម័តពីអ្នកគ្រប់គ្រងខាងលើផងដែរ។
អ្នកកើតឆ្នាំខាល – ខ្លា
ជោគវាសនារបស់ម្ចាស់ឆ្នាំខាល ដល់ពេលដែលត្រូវផ្លាស់ប្តូរហើយ ក្នុងពេលខាងមុខនេះ។ ប្រសិនអ្នកជាមនុស្សដែលបម្រើការស៊ីប្រាក់ខែ នោះអ្នកនឹងមានឱកាសបង្ហាញសមត្ថភាព ទេពកោសល្យចំៗទៅកាន់ថ្នាក់លើ ឲ្យពួកគាត់បានឃើញ ហើយមានឱកាសឡើងឋានៈ ឡើងតំណែងនៅពេលខាងមុខ។
ការខិតខំរបស់ម្ចាស់ឆ្នាំខាល ពិតជាគួរឲ្យស្ងើចសរសើរណាស់ ព្រោះពួកគេខំមិនងាយបោះបង់ បើទោះបីពេលខ្លះជួបឧបសគ្គ នាំឲ្យឈឺក្បាល ថប់អារម្មណ៍ លែងចង់ទៅមុខម្តងៗក៏ដោយ។ ជាការតបស្នងមកវិញ លាភសំណាងរបស់ពួកគេគឺចូលមកដល់ហើយ។
សម្រាប់អ្នកគ្រងបើកជំនួញ ការរកស៊ីទាំងឡាយ បើម្ចាស់ឬថៅកែជាអ្នកកើតឆ្នាំខាល ពេលវេលានេះបើកទៅគឺត្រូវ បើកទៅគឺមានភ្ញៀវចូលពេញៗ កើបផលចំណេញ នាំឲ្យចម្រុងចម្រើនតាំងពីចំណុចចាប់ផ្តើមដំបូង។
អ្នកកើតឆ្នាំរោង – នាគ
ក្បួនហោរាសាស្រ្ត ចន្លោះថ្ងៃទី ២៩ ដល់ ៥ វិច្ឆិកាខាងមុខនេះ ក៏មានឈ្មោះម្ចាស់ឆ្នាំរោង ក្នុងបញ្ជីដែលត្រូវកើបលុយចូលហោប៉ៅផងដែរ។ សញ្ញារាសីវិជ្ជមាន ឡើងខ្ពស់ត្រដែត អណ្តែតដូចទឹកហូរ ក៏នឹងកើតមានសម្រាប់ម្ចាស់ឆ្នាំរោង។
ទោះជាមានបញ្ហាអ្វីកើតឡើងក៏ដោយ មិនជារឿងរាំងស្ទះដំណើរជីវិតរបស់ម្ចាស់ឆ្នាំរោងនៅពេលនេះបានឡើយ និយាយទៅ ជីវិតពួកគេមានស្ថិរភាពណាស់។ បញ្ហាសម្រាប់អ្នកដទៃ អាចថាជារឿងលំបាក តែសម្រាប់ម្ចាស់ឆ្នាំរោង ជួនខ្លះជាគ្រោះបង្កប់លាភថែមទៀតក៏មាន។
សំណាងនឹងកើតឡើងធំបំផុត នៅពាក់កណ្តាលសប្តាហ៍ ឱកាសនៃការកើបផលចំណេញ ចេញពីការវិនិយោគទាំងឡាយគឺមានខ្ពស់។ យ៉ាងណាក៏ត្រូវចាំថា កុំភ្លេចយកចិត្តទុកដាក់លើការចំណាយផង កុំខ្ជះខ្ជាយពេក៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
