បើមិនចង់នាំទុក្ខដាក់ខ្លួន ដាច់ខាតកុំសេពគប់មិត្តរួមការងារដែលមានចរិត ៤ ប្រភេទនេះ
ថ្ងៃនេះ ក្នុងស្រុក សូមបង្ហាញពីប្រភេទនៃចរិតមិត្តរួមការងារទាំង ៤ ដូចខាងក្រោម ដែលអ្នកមិនគួររាប់អានជាដាច់ខាត៖
១.មនុស្សមិនចេះទទួលខុសត្រូវ
នេះជាប្រភេទមិត្តរួមការងារដែលអ្នកមិនគួរសេពគប់ជាមួយនៅក្នុងការិយាល័យឡើយ ដោយសារមនុស្សបែបនេះ តែងតែមានចរិតមួយមិនហ៊ានទទួលយកការងារព្រោះខ្លាចក្នុងការទទួលខុសត្រូវ ហើយចូលចិត្តដាក់ទំនួលខុសត្រូវទាំងអស់ទៅលើអ្នកដទៃពេលមានបញ្ហា។ ហេតុដូចនេះ អ្នកមិនគួរធ្វើជាមិត្តនឹងមនុស្សទាំងនេះទេ ព្រោះមិនយូរមិនឆាប់ ពួកគេនឹងដាក់ការទទួលខុសត្រូវទាំងអស់នៅលើស្មារបស់អ្នកជាក់ជាមិនខាន។
២.មនុស្សមានចិត្តច្រណែន
មិត្តរួមការងារប្រភេទនេះជាធម្មតាតែងតែមាននៅកន្លែងធ្វើការ។ ដោយភាគច្រើននៃពួកគេជំនួសឱ្យការផ្តោតលើការងារ និងការអភិវឌ្ឍន៍ខ្លួនឯង គឺគ្រាន់តែមើល និងប្រៀបធៀបជាមួយមិត្តរួមការងារដែលជោគជ័យជាងប៉ុណ្ណោះ។ ម្យ៉ាងវិញទៀត មនុស្សប្រភេទនេះកម្រនឹងសប្បាយចិត្តណាស់ ខណៈពេលដែលឃើញចៅហ្វាយសរសើរបុគ្គលិកដទៃដែលបានសម្រេចសមិទ្ធផលជាក់លាក់នៅកន្លែងធ្វើការ។
៣.មនុស្សមានចរិតខូច
មិត្តរួមការងារប្រភេទនេះ ទោះជាគ្មានគ្រោះថ្នាក់ណាមួយក៏ដោយ ក៏នៅតែមានសារធាតុពិសពុលខ្លាំងខាងផ្លូវចិត្តដែរ។ ដោយជានិច្ចកាលចូលចិត្តត្អូញត្អែរពីការងារជាប្រចាំ រហូតធ្វើឱ្យអ្នកកាន់តែធ្លាក់ទឹកចិត្ត និងមានសម្ពាធធ្ងន់ធ្ងរ។ ជាពិសេស ពួកគេបានជះឥទ្ធិពលដល់ស្មារតីរបស់អ្នក ជាមួយនឹងទិដ្ឋភាពអវិជ្ជមានក្នុងជីវិត ដែលធ្វើឱ្យអ្នកបាត់បង់ជំនឿ ក្នុងការងារបច្ចុប្បន្នរបស់អ្នកបន្តិចម្តងៗផងដែរ។
៤.មនុស្សមិនចេះនិយាយថា "Yes"
នេះគឺជាប្រភេទមិត្តរួមការងារដែលមានគ្រោះថ្នាក់បំផុត ហើយមនុស្សទាំងនេះ តែងតែនិយាយពាក្យបង្កាច់បង្ខូច និងបន្ទោសអ្នកដទៃដើម្បីបង្កជម្លោះគ្រប់ពេល។ អាចដូចជា អ្នកមានកំហុសតិចតួចនៅកន្លែងធ្វើការ ប៉ុន្តែពួកគេបានប្រែក្លាយទៅជារឿងខុសគ្នាទាំងស្រុងជាមួយនឹងការពិតដ៏ធ្ងន់ធ្ងរ។ ហេតុដូច្នោះ បើអ្នកនៅតែការសេពគប់ជាមួយមិត្តរួមការងារប្រភេទនេះ អ្នកនឹងត្រូវបានបោកបញ្ឆោតយ៉ាងងាយស្រួលពីក្រោយខ្នងរបស់អ្នក ហើយនាំមកនូវពាក្យចចាមអារ៉ាមដែលបង្កគ្រោះថ្នាក់ខ្លាំង។
ប្រភព៖ បរទេស
ព័ត៌មានថ្មីៗ
