អត់ហុងស៊ុយ! សញ្ញាទាំង ៤ កំពុងព្រមាន យីអ៊ុនអ្នកធ្លាក់ចុះ គ្មានទេវតាតាមថែរក្សាទេ
ជីវិតរស់នៅប្រចាំថ្ងៃ បើការរស់នៅដោយដោយគ្មានភាពអធ្យាស្រ័យទេ នោះសំណាងល្អៗ ក៏មិនចូលមកដែរ។ យ៉ាងណាមិញ សញ្ញាទាំង ៤ ខាងក្រោម ជាសញ្ញាព្រមាថា ខ្សែរាសីរបស់អ្នកកំពុងតែធ្លាក់ចុះ បាត់បង់ហុងស៊ុយ ធ្វើអ្វីក៏មិនរីកចម្រើនលូតលាស់ដែរ។
១. ធ្វើការដោយមិនយកចិត្តទុកដាក់ ខ្វះគោលដៅ
បុគ្គលដែលមិនផ្ដោតលើការធ្វើអ្វីមួយ បានន័យថា គេគ្មានគោលបំណង និងទិសដៅច្បាស់លាស់ ដើម្បីរស់នៅសម្រាប់ខ្លួនឯងនោះឡើយ។ មនុស្សបែបនេះច្រើនតែសំណាងមិនល្អ។ ប្រសិនបើអ្នកចង់រក្សាពររបស់អ្នក អ្នកត្រូវតែកែលម្អខ្លួនឯងជារៀងរាល់ថ្ងៃ ធ្វើឱ្យខ្លួនអ្នកកាន់តែប្រសើរឡើងជារៀងរាល់ថ្ងៃ នោះលាភសំណាងនេងវិលមករកអ្នកវិញមិនខាន។
ប្រសិនបើអ្នកមានការរំខាននៅក្នុងអ្វីគ្រប់យ៉ាងដែលអ្នកធ្វើនោះ មិនថាអ្នកមានប៉ុនណាទេ វានឹងពិបាកក្នុងការក្លាយជារឿងធំ។ សំណាងរបស់មនុស្ស គឺថាបើគាត់មិនដឹងពីវិធីបញ្ឆេះសំណាងរបស់ខ្លួនទេ នឹងត្រូវរង់ចាំរហូតដល់វារលត់ទៅមុន ពេលនោះអ្នកនឹងសោកស្ដាយ។
២. ចាប់ផ្តើមក្លាយជាមនុស្សអាត្មានិយម និងព្រងើយកណ្តើយចំពោះអ្នកដទៃ
បើមនុស្សមានចិត្តទូលាយ ក្លាយជាមនុស្សអាត្មានិយម នោះគេនឹងបាត់បង់របស់ជាច្រើន រួមទាំងលុយ និងសំណាងរបស់ខ្លួនផងដែរ។ ព្រោះប្រសិនបើអ្នកជាមនុស្សអាត្មានិយម អ្នកនឹងបាត់បង់ទំនាក់ទំនងរបស់អ្នកជាមួយនឹងមនុស្សជុំវិញខ្លួន ទីពីរពួកគេនឹងរុញសាច់ញាតិទាំងអស់ឱ្យឆ្ងាយពីខ្លួនបន្តិចម្ដងៗ។
បុគ្គលដែលគិតតែពីប្រយោជន៍ខ្លួន សូម្បីតែអាចរកចំណូលបានច្រើនក្នុងរយៈពេលខ្លីក៏ដោយ។ ប៉ុន្តែក្នុងរយៈពេលវែង ពួកគេប្រៀបដូចជាកាត់ផ្លូវជីវិតរបស់ខ្លួនឯងអ៊ីចឹង។ ដូច្នេះបើអ្នកចង់ឱ្យខ្លួនឯងមានសំណាងច្រើន អ្នកត្រូវរៀនយកចិត្តទុកដាក់ចំពោះអ្នករាល់គ្នាជុំវិញខ្លួន។ មិនត្រឹមតែសាច់ញាតិប៉ុណ្ណោះទេ ប៉ុន្តែក៏មានមិត្តភ័ក្ដិ និងមនុស្សផ្សេងទៀតដែលគួរជួយ។
៣. ចាប់ផ្តើមខ្ជិល រស់នៅដោយគ្មានទំនួលខុសត្រូវ
ខណៈពេលដែលអ្នកកំពុងត្អូញត្អែរអំពីជីវិតរបស់អ្នក មនុស្សផ្សេងទៀតកំពុងកែលម្អជីវិតរបស់ពួកគេឥតឈប់ឈរ។ ត្រូវចាំថា បើអ្នកនៅស្ងៀម នោះអ្នកប្រាកដជាត្រូវបានសង្គមកម្ចាត់ចោលនៅថ្ងៃណាមួយ។
មនុស្សជោគជ័យ គឺជាអ្នកដែលអាចស៊ូទ្រាំនឹងការលំបាក។ ឱ្យតែមនុស្សមានឆន្ទៈក្នុងការខិតខំប្រឹងប្រែង នឹងសម្រេចបាននូវសមិទ្ធផលដ៏អស្ចារ្យ។ ដូច្នេះហើយ បើចង់បានទ្រព្យសម្បត្តិ បើចង់ជោគជ័យត្រូវតែប្រឹងប្រែងកុំខ្ជិលច្រអូស។
៤. ចាប់ផ្តើមចាយលុយដោយឥតប្រយោជន៍ គ្មានការគ្រប់គ្រងលុយច្បាស់លាស់
មនុស្សជាច្រើនកំពុងគិតថា ខ្លួនជាអ្នកមាន ដូច្នេះគ្រាន់តែចំណាយ ចាយវាយលុយកាក់ដោយសេរី។ ទោះជាយ៉ាងណាក៏ដោយ ប្រសិនបើអ្នកមិនដឹងពីរបៀបឱ្យតម្លៃទ្រព្យសម្បត្តិនោះទេ វាពិតជាពិបាកក្នុងការរក្សាទ្រព្យសម្បត្តិនេះណាស់។
អ្នកខ្លះស្រាប់តែក្លាយជាអ្នកមានត្រឹមតែមួយប៉ប្រិចភ្នែក រកលុយបានស្រួលពេក ដូច្នេះហើយ ពួកគេមានចំណង់ចង់ចាយវាយមិនចេះចប់មិនចេះហើយ។ ក៏មានអ្នកខ្លះពឹងលើការប្រឹងប្រែងរបស់ខ្លួន ដើម្បីប្រមូលទ្រព្យសម្បត្តិច្រើន ប៉ុន្តែដោយសារតែមិនអាចទ្រាំទ្រនឹងការល្បួងមួយពេល ក៏បានធ្លាក់ចូលក្នុងល្បែងស៊ីសង ថែមទាំងបង្កើតទម្លាប់អាក្រក់ផ្សេងៗ រហូតដល់បែកបាក់គ្រួសារ ឬក្ស័យធន។ បើចង់បានលាភត្រូវចេះគ្រប់គ្រងចំណង់ខ្លួនឯង កុំបណ្តោយឱ្យហួសហេតុ នាំគ្រោះ បាត់បង់លាភ៕
ប្រភព ៖ បរទេស / Knongsrok
ព័ត៌មានថ្មីៗ
