ឆ្នេរនេសាទ ត្រូវបានអ្នកធ្លាប់ឃើញទស្សនីយភាពនេះដាក់ងារជាកោះហាវៃ ទី២ ទៀតផង ដោយសារតែដើមដូងក្បែរមាត់ទឹកនេះឯង
កោះកុង៖ ដូងជ្រំរាប់សិបដើម ដែលឈរត្រង់ និងទ្រេតទេរអែនអនជាជួរហាក់ចង់ស្វាគមន៍ការនែបនិត្យរបស់មនុស្សម្នាស្លៀកពាក់ស្អាតបាតដែលនាំគ្នាមកថតកម្សាន្ដក្រោមជំនោរខ្យល់ត្រសៀក បានបន្ថែមសម្រស់ឆ្នេរសមុទ្រឲ្យកាន់តែមានភាពទាក់ទាញភ្នែកទេសចរមួយកម្រិតទៀត។
ទិដ្ឋភាពដើមដូងដុះជ្រំដែលភ្ញៀវទេសចរមិនភ្លេចក្នុងការទាញកាមេរ៉ាទូរស័ព្ទ និងឌីជីថលមកផ្ដិតយករូបដ៏ស្រស់ត្រកាលនេះ ត្រូវបានអ្នកធ្លាប់ឃើញទស្សនីយភាពនេះដាក់ងារជាកោះហាវៃ ទី២ ទៀតផង ដោយសារតែដើមដូងក្បែរមាត់ទឹកនេះឯង។
ប៉ុន្ដែអ្វីដែលគួរឲ្យសោកស្ដាយបំផុតទីកម្សាន្ដដ៏ទាក់ទាញដែលរំលេចរូបភាពដើមដូងក្បែរឆ្នេរខ្សាច់សក្យុសនេះបែរជារងនូវការបំផ្លិចបំផ្លាញរបស់មនុស្សទៅវិញ។
យ៉ាងណាមិញ នៅពេលលោកអ្នកធ្វើដំណើរចុះពីផ្លូវក្រាលកៅស៊ូកាត់ផ្លូវលំក្រួសក្រហមឆ្លងកាត់ភូមិនេសាទ សូមមានការប្រុងប្រយ័ត្នចំពោះសត្វពាហនៈដែលប្រជាជនក្នុងភូមិចិញ្ចឹមដោយការលែងរត់ពេញថ្នល់ ជាពិសេសរាជិនីភូមិ [សត្វជ្រូក] ត្រូវបានប្រទះឃើញរត់តាំងពីដើមភូមិរហូតទៅដល់ចុងភូមិឯណោះ៕
ប្រភពរូបភាពពី៖ ឆ្នេរនេសាទ Nesat Beach
ព័ត៌មានថ្មីៗ
