ត្រូវចាំថា មនុស្សខឹង គឺល្ងង់ ប្រចណ្ឌ គឺភ្លើ
មនុស្សពីរនាក់ស្រឡាញ់គ្នា ទាមទារឱ្យមានការជឿជាក់ទុកចិត្តលើគ្នា កុំប្រចណ្ឌខ្លាំងពេក កុំចេះតែខឹង រករឿងគ្នាខ្លាំងពេក យើងមិនដឹងទេថា ការយើងមានឱកាសបាននៅក្បែរគ្នាច្រើនប៉ុនណានោះឡើយ ដូច្នេះ កុំចេះតែធ្វើឱ្យមានបញ្ហា ថ្នាំងថ្នាក់ចិត្តដាក់គ្នាអី។
ពាក្យចាស់តែងពោលថា " ខឹងគឺល្ងង់ ប្រចណ្ឌគឺភ្លើ " វាជាការពិត មនុស្សកាលណាខឹងច្រើន គឺប្រាប់ជាល្ងង់ លែងដឹងខុសត្រូវអីហើយ ហើយបើគិតតែពីប្រចណ្ឌដៃគូពេកនោះ ប្រាកដជាភ្លើ ធ្វើតែរឿងអកុសល គិតតែរឿងអវិជ្ជមានតែប៉ុណ្ណោះ។
សម័យនេះហើយ គ្មានអ្នកណាគេ គិតតែពីខឹង ប្រចណ្ឌគ្នានោះទេ គេយកពេលទៅគិតរឿងធ្វើការរកស៊ី រកលុយ សន្សំលុយ និងរកពេលដើម្បីកំដរគ្នាដើរកម្សាន្ត Shopping វិញ ដើម្បីកសាងអនុស្សាជាមួយគ្នាឱ្យបានច្រើន។ ត្រូវចាំថា ដៃគូណា គិតតែខឹង ប្រចណ្ឌ ឈ្លោះ រករឿងគ្នា គឺមិនមានអ្វីបានរីកចម្រើនឡើយ ការងារក៏មិនល្អ ការរកស៊ីក៏មិនល្អ ព្រោះរវល់តែឈ្លោះគ្នា រវល់តែតាមដាន ប្រចណ្ឌ ហួងហែងដៃគូ អ៊ីចឹងមិនមានពេលណាដើម្បី ធ្វើការរកស៊ីឡើយ៕
អត្ថបទ ៖ ភី អេច
ក្នុងស្រុករក្សាសិទ្ធ
ព័ត៌មានថ្មីៗ
