ហាងកាហ្វេផ្ទះបុរាណអាយុ ១០០ឆ្នាំ មើលហើយព្រឺព្រួចខ្លាំង! តែទិដ្ឋភាពស្អាតប្លែក ភេសជ្ជៈក៏ឆ្ងាញ់ ទាល់តែសាកម្តងបានដឹង

អ្នកដែលចូលចិត្តនិយមទទួលទានកាហ្វេ ច្បាស់ណាស់ប្រសិនជាមានឱកាស ចង់ធ្វើដំណើរកម្សាន្តភ្លក់កាហ្វេនៅគ្រប់ហាងទូទាំងប្រទេសជាមិនខាន ហើយបើបានហាងមានបរិយាកាសប្លែកទៀតគឺរឹតតែអស្ចារ្យតែម្តង។

ដូច្នេះកុំឱ្យខាតពេលយូរ ថ្ងៃនេះ « ក្នុងស្រុក » សូមណែនាំហាងកាហ្វេមួយកន្លែងទៀតហើយ ធានាថាមានលក្ខណៈប្លែកថ្មី ខុសពីហាងកាហ្វេដទៃដែលធ្លាប់បានណែនាំកន្លងមក នោះគឺ ហាងកាហ្វេ ดู มัน ดี ( Doo Man Dee) ។

108139076_762501494524975_215643651344855427_o

107887085_762501937858264_4621812513993189033_o

ហាងកាហ្វេ ดู มัน ดี ( អានថា Doo Man Dee បកប្រែថា មើលទៅល្អ) ត្រូវបានគេផ្តល់រហ័សនាមថាជាហាងកាហ្វេផ្ទះបុរាណ ដោយសារតែហាងកាហ្វេនេះ បានយកទីតាំងផ្ទះបុរាណមានអាយុដល់ទៅជាង ១០០ឆ្នាំ ធ្វើជាហាងកាហ្វេ តែទទួលបានអតិថិជនមកទទួលទានយ៉ាងច្រើន ដោយសារតែលក្ខណៈប្លែកព្រឺព្រួចខុសគេតែម្តង។

ការតុបតែងហាងមួយនេះ មានលក្ខណៈបែប Classic ហើយវត្ថុតុបតែង និងដាកតាំងសុទ្ធតែជារបស់ចាស់ៗ ដែលម្ចាស់ហាងបានប្រមូលទិញយកមក សុទ្ធតែជារបស់មានអាយុកាល១០០ឆ្នាំ ដែលកម្រនឹងបានឃើញផ្ទាល់ភ្នែកណាស់ ហើយក៏ជាទីតាំងដែលអាចថតរូបបានស្អាតប្លែកមិនគួរមើលរំលងផងដែរ។ បន្ថែមពីសោភណ្ឌភាពហាង កាហ្វេ និងភេសជ្ជៈនៅហាងនេះ ក៏មានរសជាតិឆ្ងាញ់ប្លែកដែរ ដែលស័ក្តសមជាមួយនឹងកន្លែងអង្គុយមានបរិយកាសប្លែកថ្មីគួរជាទីមនោរម្យ៕

107923913_762501954524929_8441963052144502617_o