គ្មានអ្វីត្រូវខ្លាចទៀតទេ! រថក្រោះរបស់កូរ៉េខាងជើងរាប់ពាន់គ្រឿងសុទ្ធតែជារបស់ហួសសម័យនិងប្រើលែងកើតហើយ
ចំណុចសំខាន់៖ រដ្ឋាភិបាលទីក្រុងព្យុងយ៉ាងអាចមានអាវុធនុយក្លេអ៊ែរក្នុងដៃ ប៉ុន្តែកម្លាំងអាវុធធម្មតារបស់ពួកគេចាស់និងហួសសម័យទៅហើយ។ រថក្រោះរបស់កូរ៉េខាងជើងគឺស្ថិតក្នុងស្ថានភាពមិនល្អ បើទោះបីជាមានការព្យាយាមបន្ទាន់សម័យកាល(Update)ក៏ដោយ។
អស់រយៈពេលជាច្រើនទសវត្សរ៍មកហើយដែលកូរ៉េខាងជើងបានរក្សាកងទ័ពពាសដែកជាផ្នែកមួយនៃកងទ័ពប្រជាជនកូរ៉េ (KPA) ដែលមានរថក្រោះរាប់ពាន់គ្រឿងរហូតមកដល់ថ្ងៃនេះ។ រថក្រោះកូរ៉េខាងជើងនិងយានយន្តផ្នែកមេកានិចចម្បាំងមួយចំនួនសុទ្ធតែបន្សល់ទុកពីជំនាន់សង្គ្រាមត្រជាក់ពិសេសក្នុងសង្គ្រាមកូរ៉េហើយពួកគេបានទិញរថក្រោះថ្មីតិចតួច និងព្យាយាមជុសជុលរបស់ចាស់រាប់ពាន់គ្រឿង។
និយាយត្រឡប់ទៅកាន់សង្គ្រាមកូរ៉េ ការប្រើគ្រឿងសឹករបស់កូរ៉េខាងជើង នៅពេលកងពលតូចពាសដែកទី ១០៥ (ក្រោយមកជាកងពលធំលេខ ១០៥ )បានចូលរួមក្នុងការវាយប្រហាលើករដំបូងលើកូរ៉េខាងត្បូង។ កងពលនេះហ្វឹកហាត់និងបំពាក់ដោយសហភាពសូវៀតដេលជារថក្រោះ T-34 និង T-85 ។ កងពលលេខ ១០៥ បានដឹកនាំការវាយប្រហារដល់ពាក់កណ្តាលភាគខាងលិចនៃប្រទេស។ រថក្រោះទាំងនេះមានប្រសិទ្ធិភាព ជាពិសេសមិនត្រឹមតែប្រឆាំងនឹងកងទ័ពកូរ៉េខាងត្បូងប៉ុណ្ណោះទេ រងក្រោះទាំងនេះក៏ប្រឆាំងនឹងកងទ័ពជើងគោករបស់សហរដ្ឋអាមេរិកនៅដំណាក់កាលដំបូងដែរ។ កងពលតូចទី ១០៥ បានយករងក្រោះទាំងនេះប្រយុទ្ធគ្រប់ទិសទាំងប៉ែកខាងត្បូងរហូតដល់Pusan Perimeter ប៉ុន្តែរថក្រោះទាំងនេះភាគច្រើនត្រូវបានបំផ្លាញនៅដើមឆ្នាំ ១៩៥១ ដោយកងទ័ពរបស់អង្គការសហប្រជាជាតិ។
កម្លាំងរថក្រោះរបស់កូរ៉េខាងជើងត្រូវបានកសាងឡើងវិញ បន្ទាប់ពីសង្គ្រាមជាមួយរថក្រោះសូវៀត T-34/85 ។ នៅចន្លោះឆ្នាំ ១៩៧១ និង ១៩៧៧ ប្រទេសនេះបានទទួលរថក្រោះ T-55 ពីសូវៀតចំនួន ១០០០ គ្រឿង និងរថក្រោះ Type 59 របស់ចិន ដែលមានកម្លាំងគ្រប់គ្រាន់សម្រាប់ផ្គត់ផ្គង់ដល់អង្គភាពទី ៨២០ និងកងពលតូចទី ១០៥ ។ រថក្រោះទាំងនេះទំនងជានៅតែមាននៅក្នុងជួរកងទ័ពកូរ៉េខាងជើងដែលមានកងវរសេនាតូចថ្មើរជើង និងអង្គភាពអាវុធរួមបញ្ចូលគ្នា។
កូរ៉េខាងជើងចាប់ផ្តើមអភិវឌ្ឍរថក្រោះផ្ទាល់ខ្លួននៅទសវត្សឆ្នាំ ១៩៨០ ។ រថក្រោះចម្បាំង(Chonma-ho) ដែលផលិតតាមរថក្រោះសេរី T-62 របស់សូវៀតដែលផលិតកាលពីឆ្នាំ១៩៦០ហើយគេឃើញថារថក្រោះនេះចូលសមរភូមិ Yom Kippur War (ឆ្នាំ១៩៧៣)។ Chonma-ho បំពាក់ដោយកាំភ្លើងធំទំហំ ១១៥ មីល្លីម៉ែត្រ កាំភ្លើងយន្តប្រឆាំងយន្តហោះធុនធ្ងន់ម៉ាក KPV ទំហំ ១៤,៥ មីល្លីម៉ែត្រ និងកាំភ្លើងភ្ជាប់ក្នុងរថក្រោះទំហំ ៧,៦២ មីល្លីម៉ែត្រ។ តួរថក្រោះមានប្រដាប់ការពារពាសដែកចំនួន ២១៤ មីល្លីម៉ែត្រនៅផ្នែកខាងមុខ។
Chonma-ho មិនប្រកួតប្រជែងជាមួយរថក្រោះជួរមុខរបស់សហរដ្ឋអាមេរិក និងរថក្រោះកូរ៉េខាងត្បូងនោះទេ ជាពិសេសរថក្រោះ M1A2 Abrams និង K1-88 និង K2 Black Panther និងមានគុណវិបត្តិច្រើនណាស់។ កាំភ្លើង ១១៥ មីល្លីម៉ែត្ររបស់ Chonma-ho មិនអាចជ្រាបចូលទៅពាសដែកផ្នែកខាងមុខនៃរថក្រោះរបស់សត្រូវដ៏មានសក្តានុពលបានឡើយ លើកលែងតែរថក្រោះ M48A5K របស់កូរ៉េខាងត្បូងដែលកំពុងដាក់ឲ្យចូលនិវត្តន៍។
ផ្ទុយទៅវិញវាអាចត្រូវបានជ្រៀតចូលទៅក្នុងមុំណាមួយក្នុងរថក្រោះអាមេរិក និងកូរ៉េខាងត្បូង។ទោះបីជាមិនអាចប្រៀបធៀបនឹងរថក្រោះដទៃទៀតក៏ដោយ ក៏វានៅតែមានគ្រោះថ្នាក់ដល់រថពាសដែក ដែលមិនមែនរថក្រោះដូចជារថក្រោះ M2A3 Bradley និងរថពាសដែកពាសដែកកូរ៉េខាងត្បូងជាដើម។
រថក្រោះសេរីថ្មីមួយផ្សេងទៀតឈ្មោះ Pokpung-ho ត្រូវបានគេសង្កេតឃើញជាលើកដំបូងដោយពិភពខាងក្រៅក្នុងឆ្នាំ ២០០៩-១០ ថ្មីៗនេះនៅនិទាឃរដូវឆ្នាំ ២០១៧ពួកវាបានចូលរួមក្នុងប្រកួតប្រជែងរថក្រោះ សម្រាប់កងរថក្រោះកងពលសេនាធិការកងទ័ពសេអ៊ូលទី ១០៥ ដែលអង្កេតដោយលោកគីមជុងអ៊ុន។ ដើមឡើយវាត្រូវបានគេគិតថារចនាពឹងផ្អែកលើរថក្រោះសូវៀត T-72 សម័យទសវត្សឆ្នាំ ១៩៧០។ វាជាប៉ុនប៉ងរបស់កូរ៉េខាងជើងក្នុងការបង្កើតជាប្រភេទរថក្រោះប្រភេទ T-72 ជាមួយនឹងបច្ចេកវិទ្យា T-62 ។ យោងតាមអ្នកវិភាគកូរ៉េខាងជើងលោក Joseph Bermudez អ្នកជំនាញខាងប្រទេសកូរ៉េខាងជើងបាននិយាយថាសម្បកនិងគ្រោងឆ្អឹងផលិតតាមរថក្រោះចិន China’s Type 85 tank ហើយពួកគេបំពាក់កំភ្លើងយន្តមួយចំនួនទៀត។
Pokpung-ho ប្រដាប់ដោយកាំភ្លើងធំ ១១៥ មីល្លីម៉ែត្រឬ ១២៥ មីល្លីម៉ែត្រ កាំភ្លើងម៉ាស៊ីន ១៤.៥ មីល្លីម៉ែត្រ និងកាំភ្លើងយន្ត ៧.៦២ ។ ប្រសិនបើកាំភ្លើងមានលក្ខណៈដូចគ្នានឹង Chonma-ho រថក្រោះមួយនេះនៅតែមិនមានគ្រោះថ្នាក់ និងមានឥទ្ធិពលដល់រងក្រោះអាមេរិកនោះទេ។ កាំភ្លើង ១២៥ មីល្លីម៉ែត្រ ទោះយ៉ាងណាក៏មិនអាចបាញ់ធ្លុះរថក្រោះទំនើបដូចជា M1A2 និង K2 នោះដែរ។ មីស៊ីលផ្លោងរយៈចម្ងាយមធ្យម Pukkuksong-2 ថ្មី របស់ Pokpung-ho ដែលបំពាក់ជាមូលដ្ឋានគ្រឹះនៃឧបករណ៍ចាប់កាំជ្រួចអេឡិចត្រូនិចដឹកជញ្ជូន (TEL) អាចជាអវុធដេលគេខ្លាចរអាបន្តិច។
ទោះបីជាហួសសម័យក៏ដោយក៏ Chonma-ho នៅតែដើរតួជាកម្លាំងសំខាន់របស់កងទ័ពពាសដែកកូរ៉េខាងជើង។ Bermudez បានប៉ាន់ប្រមាណក្នុងឆ្នាំ ២០១០ ថារថក្រោះ Pokpung-ho បម្រើបានតែនៅក្នុងផ្នែករថពាសដែកសេអ៊ូលទី ១០៥ ប៉ុណ្ណោះ។ សេដ្ឋកិច្ចដ៏អន់របស់កូរ៉េខាងជើងជារឿងមួយសំខាន់ ខណៈរអាទិភាពផលិតអាវុធនុយក្លេអ៊ែរតែមួយប៉ុនណោះ។ ឥឡូវនេះរោងចក្រផលិតរថក្រោះរីយូ - គុងស៊ូបានអភិវឌ្ឍទៅជាកន្លែងផលិតមីស៊ីលនឹងត្រូវកាត់បន្ថយរថក្រោះធម្មតា។ អង្គភាពថ្មើរជើង ៨២២ ទំនងជាត្រូវបានបំពាក់រងក្រោះPokpung-ho។
កូរ៉េខាងជើងហាក់ដូចជាដឹងអំពីកង្វះខាតនៃកម្លាំងរថក្រោះរបស់ខ្លួន។ រថក្រោះដែលគេមើលឃើញនៅក្នុងការប្រកួតកាលពីប៉ុន្មានមុននេះ លេចចេញជារូបរាងជាមួយនឹងកាំភ្លើងយន្តភ្លោះ ដែលបានតំឡើងនៅខាងក្រៅ,គ្រឿងកាំជ្រួចមីស៊ីលការពារដោយកាំរស្មីភ្លោះ និងមីស៊ីលបាញ់ពីលើអាកាស។ ខណៈពេលដែលមីស៊ីលអាចមានប្រយោជន៍ប្រឆាំងនឹងរថក្រោះសត្រូវ តែការកែលំអផ្សេងទៀតលេចឡើងបន្តិចបន្តួចប៉ុណ្ណោះ។ វាច្បាស់ណាស់ថា ការផលិតរថក្រោះថ្មីៗកាន់តែតិច ហើយរថក្រោះចាស់ៗមានច្រើនលើសលប់នោះ កូរ៉េខាងជើងចង់ធ្វើ់ជាស្ដេចត្រាញ់យោធាក្នុងពិភពលោកហាក់មិនអាចទៅរួចនោះទេ៕
ប្រភព៖ nationalinterest
ព័ត៌មានថ្មីៗ
