ត្រូវកែជាបន្ទាន់! ទម្លាប់មិនល្អ ៥ នេះ អាចបណ្តាលឲ្យអ្នកកើតជំងឺបេះដូង និងដាច់សរសៃឈាមខួរក្បាល
ដើម្បីការពារកុំឲ្យកើតមានជំងឺបេះដូង ឬហានិភ័យនៃការកើតជំងឺដាច់សរសៃឈាមខួរក្បាល មិនថាតែបុរសឬស្រ្តី ប្រសិនណាកំពុងមានទម្លាប់មិនល្អ ៥ យ៉ាងនេះចាំបាច់ត្រូវកែជាបន្ទាន់ ព្រោះអាចប្រឈមខ្ពស់ដល់អាយុជីវិតទៅថ្ងៃខាងមុខ៖
៥) អង្គុយកន្លែងតែមួយរយៈពេលយូរ
អ្នកបម្រើការងារក្នុងការិយាល័យខ្លះ អង្គុយ ៥-៨ ម៉ោងជាប់មិនចង់ដកខ្លួនចេញពីកៅអីនោះទេ ដោយទម្លាប់មិនបន្លាស់ទីខ្លះនេះហើយ អាចបង្កើនហានិភ័យនៃជំងឺគាំងបេះដូង។ តាមការណែនាំពីអ្នកជំនាញនៅសហរដ្ឋអាមេរិកបាននិយាយថា ការអង្គុយយូរច្រើនម៉ោងបែបហ្នឹង វាធ្វើឲ្យឈាមរត់មិនល្អ ដែលបណ្តាលឲ្យឈឺចាប់ក្នុងសន្លាក់ ហើយឆាប់ខ្សោយបេះដូង។
ដើម្បីបង្ការជំងឺខាងលើបាន អ្នកគួរផ្លាស់ប្តូរទម្លាប់ដោយរៀងរាល់មួយម៉ោងម្តង គួរតែងើបពុតខ្លួនពុតប្រាណ ឬដើរទៅនេះទៅនោះប៉ុន្មាននាទីឲ្យសរសៃឈាមដើរស្រួលបន្តិចហើយ សឹមមកអង្គុយវិញ។
៤) គេងច្រើនពេក ឬតិចពេក
គេងច្រើនពេកក៏មិនល្អ តិចពេកក៏មិនល្ងដែរ ចូរគេងនៅស្តង់ដារដ៏ត្រឹមត្រូវមួយដែលចន្លោះពី ៦ ទៅ ៨ ម៉ោងគឺល្អបំផុត។
អ្នកដែលគេងតិចជាង ៦ ម៉ោង ឆាប់នឹងទទួលបានអរម៉ូនស្រ្តេស និងសារធាតុរលាកខ្ពស់នៅក្នុងឈាម ហើយគ្រោះថ្នាក់ខ្លាំងណាស់ដល់បេះដូង។ សម្រាប់អ្នកគេងលើសពី ៩ ម៉ោងក្នុងមួយថ្ងៃវិញ គឺនាំឲ្យលំហូរឈាមទៅកាន់បេះដូងដំណើរការមិនបានល្អ។
៣) ខឹងច្រើន
អ្នកដែលមានទម្លាប់ខឹងច្រើន គឺត្រូវតែទទួលស្គាល់ថា ចង្វាក់បេះដូងរមែងលោតលឿនជាងធម្មតា នៅពេលដែលអ្នកទទួលអារម្មណ៍ខឹងសម្បាអ្វីមួយ។
នៅពេលខឹងឬអារម្មណ៍ឆេវឆាវខ្លាំងនេះ វានាំឲ្យសារធាតុរាវក្នុងបេះដូងបញ្ជូនចេញទៅខាងខួរក្បាល និងផ្ទៃមុខរបស់អ្នកច្រើនលើសលប់ យូរៗទៅនាំឲ្យកើតមានជំងឺបេះដូង និងដាច់សរសៃឈាមដោយឯកឯង។
២) ទទួលទានប្រៃច្រើន
ទទួលទានប្រៃច្រើនធ្វើឲ្យខូចតម្រង់នោម ហើយវាអាចមានគ្រោះថ្នាក់លើសពីហ្នឹងទៅទៀត។ នៅពេលយើងទទួលទានប្រៃច្រើន វានាំឲ្យយើងស្រេកទឹកនិងផឹកទឹកច្រើន បែបនេះវាធ្វើឲ្យបរិមាណឈាមរត់កើនឡើង ហើយធ្វើឲ្យបេះដូងត្រូវធ្វើការធ្ងន់ជាងមុន។
ទម្លាប់បែបហ្នឹងយូរទៅនាំឲ្យបំពង់ខ្យល់ខាងឆ្វេងរីកធំ ហើយឈានទៅដល់ការខ្សោយបេះដូង។ តាមការណែនាំពីអង្គការសុខភាពពិភពលោក មនុស្សពេញវ័យត្រូវការអំបិលតែ ១,៥-២ ក្រាមប៉ុណ្ណោះក្នុងមួយថ្ងៃ គឺវាល្អគ្រប់គ្រាន់ហើយ។
១) បរិភោគសាច់ក្រហម
សាច់ក្រហមគឺសំដៅទៅដល់សាច់ឆៅ ដែលមិនទាន់ចម្អិនបានល្អ ហើយតាមការណែនាំពីអ្នកជំនាញអន្តរជាតិបាននិយាយថា វាអាចបណ្តាលឲ្យអ្នកកើតជំងឺបេះដូងដោយងាយ ប្រសិនអ្នកទម្លាប់ទទួលទានវាដោយមិនលាយឡំជាមួយអាហារផ្សេងទៀតនោះជារៀងរាល់ថ្ងៃ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
