ធូរថ្លៃទេរបស់ ៥ នេះ ទទួលទានកាន់តែច្រើន កាន់តែជួយបញ្ចៀសជំងឺ នាំឲ្យអាយុវែង
ប្រភេទអាហារនិងភេសជ្ជៈដែលអាចទទួលទានបានទាំង ៥ ដូចបង្ហាញខាងក្រោម គឺមានសារធាតុប្រឆាំងអុកស៊ីតកម្មខ្ពស់ និងមានឥទ្ធិពលអាចបន្សាបជាតិពុលនៅក្នុងរាងកាយ ជួយឲ្យអ្នកមិនងាយមានជំងឺមកបៀតបៀន ហើយអាចមានអាយុវែង៖
៥) តែបៃតង
នៅក្នុងសារធាតុចិញ្ចឹមនៃតែបៃតង គឺមានផ្ទុកជាតិរ៉ែ វីតាមីនជាច្រើន លាយឡំនឹងសារធាតុប្រឆាំងអុកស៊ីតកម្ម ដែលល្អខ្លាំងចំពោះសុខភាព។ លើសពីនេះទម្លាប់ទទួលទានតែបៃតងក្តៅៗរាល់ថ្ងៃ ក៏ជួយពង្រឹងផ្នែកបេះដូងរបស់អ្នក ឲ្យមានដំណើរការឈាមរត់ស្រួលផងដែរ។
ជាងនេះការផឹកតែបៃតងទៀងទាត់ជារៀងរាល់ថ្ងៃ ក៏អាចជួយឲ្យអ្នកស្រកទម្ងន់ កាត់បន្ថយហានិភ័យនៃជំងឺជាច្រើន ដូចជាជំងឺទឹកនោមផ្អែម បេះដូង មហារីក បែបនេះចន្លោះ ៣ ទៅ ៥ ពែងក្នុងមួយថ្ងៃ រាប់ថាសក្តិសមនឹងផ្តល់ប្រយោជន៍សុខភាពច្រើនបំផុត។
៤) ខ្ទឹមស
នៅក្នុងសមាសធាតុខ្ទឹមស មានផ្ទុកនូវសារធាតុ Allici ដែលវាមានប្រសិទ្ធភាពក្នុងការព្យាបាលជំងឺផ្តាសាយ ហើយទន្ទឹមនេះក៏វាជួយបន្ធូរអារម្មណ៍តានតឹង និងជួយឲ្យអ្នកដកដង្ហើមបានស្រួល មិនងាយមានការក្អក ឬហៀរសំបោរថែមទៀតផង។
លើសពីនេះខ្ទឹមសមានគុណសម្បត្តិក្នុងការកម្ចាត់ជាតិសំណើមមិនល្អក្នុងរាងកាយ ហើយជួយពង្រឹងកោសិកាឈាមសឲ្យមានសុខភាពល្អជាងមុន និងជួយឲ្យរាងកាយកម្ចាត់ជាតិនីកូទីនដើម្បីបន្សុទ្ធឈាមនិងសំអាតប្រព័ន្ធដកដង្ហើម។
៣) វ៉ាន់ស៊ុយ
ជីវ៉ាន់ស៊ុយ ជួយរាងកាយបញ្ចេញជាតិបារត និងជាតិពុលមិនល្អមួយចំនួន ហើយបើអាចគួរក្រឡុកវាទទួលទាន ១/៤ នៃកែវ ដើម្បីទទួលបានប្រសិទ្ធភាពកាន់តែល្អប្រសើរ។ វាល្អខ្លាំងចំពោះប្រព័ន្ធតម្រងនោមរបស់អ្នក។
២) សារាយសមុទ្រ
សារាយសមុទ្រមានផ្ទុកនូវសារធាតុចិញ្ចឹមល្អៗ ហើយវាក៏ជួយបន្សាបជាតិពុល ដូចជាបារត អាសេនិច និងស៊ីដ្យូម ចេញពីរាងកាយរបស់យើងផងដែរ។
១) ផ្សិត
នៅក្នុងសមាសធាតុអាហារូបត្ថម្ភរបស់ផ្សិត មានផ្ទុកនូវវីតាមីន កាល់ស្យូម ជាតិដែក រ៉ែ ដែលល្អចំពោះសុខភាពរបស់មនុស្ស។ ជាងនេះវាក៏ផ្តល់ទាំងថាមពលសម្រាប់រាងកាយ ហើយក៏ជួយពង្រឹងប្រព័ន្ធភាពសាំក្នុងរាងកាយទៀតផង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
