អ្នកប្រើទូរស័ព្ទតិចអត់ដឹង! លេខតួម៉ាស៊ីន ១៥ ខ្ទង់នេះ កុំចេះតែចែកឲ្យគេឃើញ ប្រយ័ត្នទឹកភ្នែក
IMEI ឬពាក្យពេញ International Mobile Station Equipment Identity គឺជាលេខសម្គាល់ដែលតំណាងឲ្យម៉ាស៊ីនឧបករណ៍ចល័តនីមួយៗ។ ជាទូទៅវារមែងមានចំនួន ១៥ ខ្ទង់ ដែលមានបង្កប់ខាងក្នុងម៉ាស៊ីនឬខ្លះលើខ្នងសំបកនៃទូរសព្ទ។
អ្នកអាចឆែកមើលលេខ IMEI នៃស្មាតហ្វូនរបស់ខ្លួនបានមិនថាតែប្រភេទ iPhone ឬស្មាតហ្វូន Android ដទៃ ដោយចូលទៅកាន់កម្មវិធី Call ហើយវាយលេខ *#06# ភ្លាមនោះវានឹងបង្ហាញផ្ទាំងលេខមួយជួរចេញមក។
+តើ IMEI មានអត្ថប្រយោជន៍អ្វីខ្លះ?
ជាលេខសម្គាល់កំណត់អត្តសញ្ញាណនៃម៉ាស៊ីននីមួយៗដែលមានលក្ខណៈខុសប្លែកពីគ្នាទាំងស្រុង
ផ្តល់ភាពងាយស្រួលសម្រាប់ក្រុមហ៊ុនសេវាទូរសព្ទក្នុងការកំណត់អត្តសញ្ញានិងថតទុកនូវទិន្នន័យនៃឧបករណ៍ណាមួយ
វាអាចប្រើប្រាស់សម្រាប់តាមដានឧបករណ៍ដែលបាត់ថាកំពុងស្ថិតនៅទីតាំងណា
វាអាចប្រើសម្រាប់ចាប់ទីតាំងឧបករណ៍ដែលត្រូវបានគេរាយការណ៍ថាបាត់បង់ឬខូចខាតដើម្បីទទួលយកប័ណ្ណធានារ៉ាប់រង។
+ហេតុអ្វីអ្នកមិនត្រូវចែករំលែកលេខ IMEI ទៅកាន់អ្នកដទៃ?
ជាទូទៅលេខ IMEI អាចត្រូវបានប្រើប្រាស់ក្នុងគោលដៅដើម្បីធ្វើការប្លុកឬបិទចោលឧបករណ៍នោះឲ្យជាប់ឈ្មោះក្នុងបញ្ជីខ្មៅ។ ប្រសិនមានការរាយការណ៍ពីជនខិលខូចនៅករណីពិសេសណាមួយ ទៅកាន់ក្រុមហ៊ុនថាឧបករណ៍របស់អ្នកជួបបញ្ហា នោះទូរសព្ទរបស់អ្នកនឹងប្រើការលែងកើត និយាយឲ្យស្រួលស្តាប់គឺជាប់ Blacklist។
ចំណុចនេះហើយទើបរាល់ការបង្ហោះត្រង់ផ្នែក About Device ឬតួម៉ាស៊ីនខ្នងក្រោយគេរមែងបិទបាំងលើផ្នែកលេខ IMEI ដោយដាក់ជាបែបព្រាលឬគូសឆ្នូតបិទចោលលេខនោះទាំងស្រុងតែម្តង៕
ប្រភព៖ tweaklibrary.com
ព័ត៌មានថ្មីៗ
