ចិនបង្ហាញបញ្ជីឈ្មោះកីឡាករ២៦នាក់ត្រៀមជម្រុះ World Cup កីឡាករចូលសញ្ជាតិមានដល់ទៅ៥នាក់
សហព័ន្ធកីឡាបាល់ទាត់ចិន បានបង្ហាញបញ្ជីឆ្មោះកីឡាករជម្រើសជាតិចំនួន២៦នាក់ត្រៀមហ្វឹកហាត់ក៏ជាបន្តយុទ្ធនាការការប្រកួតវគ្គជម្រុះពានរង្វាន់ FIFA World Cup 2022 & AFC Asian Cup 2023 ខណៈដែលក្នុងចំណោមកីឡាករទាំងអស់មានកីឡាករចូលសញ្ជាតិដល់ទៅ៥នាក់។
តារាបាល់ទាត់ចិន We Lei នឹងត្រឡប់មកក្រុមជម្រើសជាតិវិញបន្ទាប់ពីគាត់បានជ័យក្លិប Espanyol ឡើងមកលីគកំពូលអេស្ប៉ាញ La Liga កាលពីថ្ងៃសៅរ៍សប្ដាហ៍មុន។ កីឡាករវ័យ២៩ឆ្នាំអវត្តមានពីក្រុមជម្រើសជាតិចិនតាំងពីឆ្នាំ២០១៩ហើយការមានឈ្មោះក្នុងបញ្ជីរបស់សហព័ន្ធបាល់ទាត់ចិន ក្លិប Espanyol បាននិយាយថា We Lei នឹងចាកចេញពីក្លិបមកស្រុកកំណត់ក្រោយពេលលេងជាមួយក្លិប FC Cartagena នៅថ្ងៃសុក្រនេះ។
យោងទៅតាមបញ្ជីឈ្មោះរបស់ CFA មានកីឡាករចូលសញ្ជាតិ៥នាក់គឺ Ai Kesen, Alan, Fei Nanduo, Jiang Guangtai និង Li Keត្រូវបានកោះហៅឱ្យក្រុមជម្រើសជាតិ។ លោក Li Tie គ្រូបង្វឹកនិងកីឡាកររបស់គាត់នឹងប្រមូលផ្តុំគ្នាសម្រាប់ជំរុំហ្វឹកហាត់មួយក្នុងទីក្រុងសៀងហៃដែលចាប់ផ្តើមនៅថ្ងៃសុក្រខាងមុខនេះ។
ក្រុមជម្រើសជាតិចិននឹងត្រូវប្រកួតជាមួយហ្គាម ម៉ាល់ឌីវ ហ្វីលីពីន និងស៊ីរីក្នុងវគ្គជម្រុះពូល A នៃតំបន់អាស៊ីដែលនៅសល់ដែលនឹងត្រូវធ្វើជាម្ចាស់ផ្ទះនៅទីក្រុងស៊ូចូវ ខេត្តជាំងស៊ូចាប់ពីថ្ងៃទី ៣០ ខែឧសភាដល់ថ្ងៃទី ១៥ ខែមិថុនា៕
ប្រភព៖ xinhuanet
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
ព័ត៌មានថ្មីៗ
