Kai Havertz ថា៖ លេងប៉ះអង់គ្លេសមិនចាំបាច់ហាត់ប៉េណាល់ទីទេ យើងឈ្នះក្នុងម៉ោង៩០នាទីបានហើយ
ខ្សែបម្រើប្រយុទ្ធជម្រើសជាតិអាល្លឺម៉ង់ Kai Havertz បាននិយាយថាក្រុមឥន្ទ្រីដែកមិនបានឆ្លងកាត់ការហ្វឹកហាត់ការទាត់ប៉េណាល់ទីពិសេស មុនការប្រកួត ទល់នឹងអង់គ្លេសនៅកីឡដ្ឋាន Wembley ក្នុងវគ្គ ១៦ ក្រុមចុងក្រោយនោះទេ ខណៈការប្រកួតអាចបញ្ចប់ការប្រកួតក្នុងរយៈពេល ៩០ នាទី។
ជម្រើសជាតិអាល្លឺម៉ង់បានឈ្នះស្ទើតែទាំងអស់ រាល់ការស៊ុតបាល់ប៉េណាល់ទីក្នុងសកម្មភាពប្រកួតបាល់ទាត់ពិភពលោក World Cup នានា។ ស្រដៀងគ្នានេះដែរ! ក្នុងចំណោមការឈ្នះពាន Euro ៣លើកក្នុងប្រវត្តិសាស្រ្តរបស់ខ្លួន អាល្លឺម៉ង់ឈ្នះ២លើកនិងចាញ់តែឆេកូស្លូវ៉ាគីមួយលើកប៉ុណ្ណោះនៅវគ្គផ្តាច់ព្រ័ត្រ Euro1976 ។
ក្រុមឥន្ទ្រីដែកនេះដែរ ក៏បានផ្តួលអង់គ្លេសដោយបាល់ប៉េណាល់ទីនៅកីឡដ្ឋាន Wembley ក្នុងវគ្គពាក់កណ្តាលផ្ដាច់ព្រ័ត្រនៃព្រឹត្តិការណ៍ Euro ឆ្នាំ ១៩៩៦ មុនពេលឈ្នះពានរង្វាន់អឺរ៉ុបលើកទី ៣ របស់ពួកគេ។ Kai Havertz បាននិយាយថា៖ "យើងនឹងចូលក្នុងការប្រកួតប្រជែង ដោយមានបំណងចង់ឈ្នះការប្រកួតក្នុងរយៈពេល ៩០ នាទី" ។
"ជាការពិតវាអាចឈានដល់ការស៊ុតបាល់ប៉េណាល់ទីនៅដំណាក់កាលចុងក្រោយនៃការប្រកួតនេះ ដូច្នេះយើងត្រូវតែត្រៀមឱ្យបានច្បាស់។ បន្ទាប់ពីការអនុវត្តជាក់ស្តែង! យើងបានធ្វើការទាត់បាល់១១ម៉ែត្រ ដើម្បីមើលថាតើនរណាជាអ្នកទាត់បាល់ប៉េណាល់ទីបានល្អជាងគេក្នុងក្រុម។ ប៉ុន្តែមិនមានការហ្វឹកហាត់ទ្រង់ទ្រាយធំនោះទេ"។
"ប៉ុន្តែនេះមិនមែនជាបញ្ហាធំបំផុតនៅក្នុងការប្រកួតនោះទេ។ ១២០ នាទីមុនពេលវូលវគ្គប៉េណាល់ទី វាប្រហែលជាសំខាន់ជាងការដាក់សម្ពាធលើខ្លួនអ្នកឱ្យគិតអំពីការទាត់បាល់កាត់សេចក្ដី"។
អាឡឺម៉ង់ឈ្នះតែ ១ ប្រកួតប៉ុណ្ណោះក្នុងពូលរបស់ពួកគេ ប៉ុន្តែបានឡើងដល់ចំណាត់ថ្នាក់លេខ ២ បន្ទាប់ពីស្មើ ២-២ ក្នុង ៦ នាទីចុងក្រោយទល់នឹងហុងគ្រី។ ម៉្យាងវិញទៀត! អង់គ្លេសរកបានតែ ២ គ្រាប់ប៉ុណ្ណោះ បើទោះបីជាក្រុមកំពូលតារាងក៏ដោយ។ ប៉ុន្តែ Havertz ចាត់ទុកអង់គ្លេសនៅតែជាក្រុមដ៏គ្រោះថ្នាក់នៅឡើយ។
"វាពិតជាខុស ក្នុងការមើលស្រាលគុណភាពរបស់ពួកគេ។ យើងពិតជាប្រយុទ្ធខ្លាំងជាមួយជម្រើសជាតិអង់គ្លេស។ ពួកគេមានកីឡាករឆ្នើម ៗ មួយចំនួននៅលើពិភពលោក ហើយពួកគេក៏មានកន្លែងជាច្រើនត្រូវបន្តកែលម្អផងដែរ"។
"ប៉ុន្តែអង់គ្លេសមិនទាន់បានរបូតគ្រាប់បាល់ក្នុងការប្រកួតនេះ ហើយពួកគេមានគុណសម្បតិ្តជាច្រើន។ អ្នកត្រូវតែគោរពពួកគេ ប៉ុន្តែយើងក៏ជាក្រុមដែលមានកីឡាករល្អផងដែរ។ សម្រាប់ខ្ញុំនិងក្រុមទាំងមូលវានឹងក្លាយជាការប្រកួតពិសេសមួយ"។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
ព័ត៌មានថ្មីៗ
