Toni Kroos បំភ្លឺពីការចូលនិវត្តន៍ពីជម្រើសជាតិអាល្លឺម៉ង់៖”ពេលខ្លះការលញបង់របស់ខ្ញុំហាក់គ្មានតម្លៃ”
"ខ្ញុំមិនចង់ចោទប្រកាន់អ្នកគាំទ្រទាំងអស់នៅអាឡឺម៉ង់ទេ ពីព្រោះមានអ្នកគាំទ្រជាច្រើនដែលកោតសរសើរ ប៉ុន្តែពេលខ្លះខ្ញុំមានអារម្មណ៍ថា អ្នកខ្លះមិនពេញចិត្តនឹងអ្វីដែលខ្ញុំបានធ្វើក្នុងរយៈពេល ១១ ឆ្នាំរបស់ខ្ញុំជាមួយក្រុមជម្រើសជាតិ"។ Toni Kroos បានប្រាប់កាសែតអាល្លឺម៉ង់ Sport Bild អំពីការចូលនិវត្តន៍ពីក្រុមបាល់ទាត់ជម្រើសជាតិអាល្លឺម៉ង់។
"នៅអេស្ប៉ាញវាខុសគ្នា។ អ្នករាល់គ្នា(អ្នកគាំទ្រ)បានដឹងគុណ និងរីករាយជាមួយខ្ញុំចាប់តាំងពីការប្រកួតដំបូងរបស់ខ្ញុំនៅ Real Madrid កាលពី ៧ ឆ្នាំមុន"។
វាពិតជាភ្ញាក់ផ្អើលដល់មនុស្សជាច្រើននៅពេលដែល Toni Kroos បានប្រកាសពីការចូលនិវត្តន៍ពីជម្រើសជាតិអាល្លឺម៉ង់ក្រោយធ្លាក់ចេញពីពានរង្វាន់យូរ៉ូ២០២០ ក្នុងអាយុ ៣១ ឆ្នាំ។ ក្នុងរយៈពេល ១១ ឆ្នាំរបស់គាត់ជាមួយក្រុម Die Mannschaft ខ្សែបម្រើរបស់ក្លិប Real Madrid បានលេង ១០៦ ប្រកួត និងស៊ុតបញ្ចូលទីបាន ១៧ គ្រាប់។ គាត់ក៏បានឈ្នះការប្រកួតបាល់ទាត់ពិភពលោកឆ្នាំ ២០១៤នៅប្រេស៊ីលឲផងដែរ។
ប្រហែលជាអ្វីដែលមិននឹកស្មានដល់ទៀតនោះគឺ Toni បានសារភាពថាគាត់អាចចូលនិវត្តន៍ពីបាល់ទាត់អាជីពនៅឆ្នាំ២០២៣ដែលពេលនោះគាត់មានអាយុ៣៣ឆ្នាំ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
ព័ត៌មានថ្មីៗ
