តារាចម្រៀងសិ.ចស៊ី កញ្ញា រតនៈពិសី វិលត្រលប់មកចូលសិល្បៈវិញ ច្រៀងដៀលHATERកប់ៗមាត់(មានវីឌីអូ)

• 2021-07-07
• Share

តារាចម្រៀងសិ.ចស៊ីសាច់សខ្ចី កញ្ញា រតនៈពិសី វិលចូលមកសិល្បៈវិញក្រោយបាត់មុខអស់មួយរយៈធំ ដោយនាំមកជាមួយនឹងចម្រៀងមួយបទដែលមានចំណងជើងថា Hater។

តារាចម្រៀងប្រចាំផលិតកម្ម Top Music កញ្ញា រតនៈពិសី តែងតែនាំមកនូវជាមួយបទចម្រៀងដែលប្លែកមកជូនដល់អ្នកគាំទ្ររបស់កញ្ញាជានិច្ច។

ជាក់ស្តែងដូចមុនពេលដែលកញ្ញាផ្អាកពីសិល្បៈ កញ្ញាបានចេញនូវចម្រៀងមួយបទដែលមានចំណងជើងថា អត់កំណើត ។ ហើយបទ អត់កំណើត នោះផងដែរ ក៏ត្រូវបានមហាជនចែករំលែកភ្លូកទឹកភ្លូកដី ធ្វើឲ្យបទនោះផ្ទុះមធ្យមក្នុងពេលមួយប៉ព្រិចភ្នែក។

បទ Hater ដែលកញ្ញា រតនៈពិសី នាំមកបង្ហាញក្នុងពេលចូលសិល្បៈវិញ គឺជាស្នាដៃនិពន្ធទំនុកច្រៀងរបស់លោក យឹម ជីមហ៊ុយ និងត្រូវបានដឹកនាំសម្តែងដោយ លោក ចាន់ សុវណ្ណរ័ត្ន ដែលជាអ្នកដឹកនាំសម្តែងវ័យក្មេងមានសមត្ថភាពនិង Creative ខ្លាំងក្នុងផលិតកម្មTop Music។

យឹម​ ជីមហ៊ុយ

ចាន់ សុវណ្ណរ័ត្ន (Chan Sovannrath)

កុំឲ្យខាតពេលវេលាយូរ ខ្ញុំសូមនាំអារម្មណ៍ប្រិយមិត្តអ្នកអានទាំងអស់គ្នាទៅស្តាប់បទ Hater ដែលទើបតែចេញទាំងអស់គ្នា។

សូមទស្សនាវីឌីអូខាងក្រោម៖

អត្ថបទដោយ៖ Mr. Fun

រក្សា​សិទ្ធិ​ដោយ​៖ ក្នុងស្រុក