លោក ដួង វីរៈសិទ្ធ ធ្វើឲ្យអ្នកគាំទ្រស្រក់ទឹកភ្នែកដោយសារតែMVមួយនេះ(មានវីឌីអូ)
ក្រោយពេលចូលច្រកក្រោមទ្រនំផលិតកម្មរាម អស់មួយរយៈមក ពេលនេះតារាចម្រៀង ដួង វីរៈសិទ្ធ ចេញMusic Video ទីមួយរបស់ខ្លួនក្នុងផលិតកម្មរាម ជាផ្លូវការហើយ ដោយបទនោះមានចំណងជើងថា សន្យា។
បទ សន្យា ដែលរៀបរាប់រឿងរ៉ាវស្នេហាខកចិត្តត្បិតអ្វីស្នេហាមិនសមតាមបំណង ជាហេតុធ្វើឲ្យចំណងស្នេហាត្រូវដាច់ដោយមិនបានត្រៀមទុកជាមុន ហើយរឿងរ៉ាវនិងអត្ថន័យក្នុងបទនេះ ពិតជាចាក់ដោតក្នុងរឿងស្នេហាយុវវ័យនាពេលបច្ចុប្បន្នខ្លាំងណាស់ ទើបធ្វើឲ្យAudioបទ សន្យា មានសន្ទុះនៃការគាំទ្រខ្លាំងរហូតដល់មានការស្តាប់ជាង មួយលានប្រាំសែនដង (1.5M Views) ក្នុងchannel YouTube ផ្លូវការរបស់ផលិតកម្មរាមផងដែរ។
បើនិយាយពី Music Video ដែលទើបតែចេញផ្សាយនាពេលថ្មីៗនេះវិញ ក៏កំពុងតែស្រូបទាញយកទឹកភ្នែករបស់អ្នកគាំទ្រឲ្យស្រក់ហូរចុះដោយមិនដឹងខ្លួន ព្រោះតែត្រូវសាច់រឿងរបស់ខ្លួនខ្លាំងពេក។
បញ្ជាក់ផងដែរថា បទ សន្យា ដែលកំពុងតែទទួលបានការគាំទ្រខ្លាំងមួយនេះ គឺជាស្នាដៃ និពន្ធទំនុកច្រៀង និង បទភ្លេងថ្មី ដោយតារាចម្រៀង ដួង វីរៈសិទ្ធ ផ្ទាល់តែម្តង។
កុំឲ្យខាតពេលវេលាយូរ ចង់ដឹងថាMusic Video ទីមួយរបស់តារាចម្រៀង ដួង វីរៈសិទ្ធ ប្លែកនិងកំសត់យ៉ាងណានោះ
សូមទស្សនាវីឌីអូខាងក្រោម៖
អត្ថបទដោយ៖ Mr. Fun
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ Writers
ព័ត៌មានថ្មីៗ
