វាអាចក្លាយជារឿងភ្ញាក់ផ្អើលទ្វេរដងបើកិច្ចព្រមព្រៀងរវាង Man Utd និង Real Madrid កើតឡើងបែបនេះ
យោងតាមរបាយការណ៍បានឱ្យដឹងថា Raphael Varane អាចធ្វើឱ្យក្រុម Manchester United រង់ចាំមួយឆ្នាំសិន ទើបទទួលបានហត្ថលេខារបស់គាត់ ប៉ុន្តែក៏មានការអះអាងថាគាត់អាចនឹងផ្ទេរទៅកន្លែងផ្សេងទៀតផងដែរពោលគឺ PSG។
Varane ត្រូវបានកោតសរសើរជាយូរមកហើយពីសំណាក់ Man Utd ហើយវាហាក់ដូចជាពួកគេបានត្រៀមខ្លួនរួចជាស្រេចក្នុងការផ្ទេរយក។ ម្ចាស់ជើងឯកពិភពលោកឆ្នាំ ២០១៨ កំពុងឈានចូលឆ្នាំចុងក្រោយនៃកិច្ចសន្យារបស់គាត់ជាមួយ Real Madrid ។ ប្រសិនបើមិនមានការរីកចម្រើនលើការបន្តកុងត្រាទេ ពួកគេប្រហែលជាត្រូវលក់គាត់។ United រីករាយនឹងយកគាត់នៅពេលពួកគេស្វែងរកដៃគូសម្រាប់ Harry Maguire នៅតំបន់ខ្សែការពារកណ្តាល។
ថ្លៃឈ្នួលផ្ទេរអាចជាបញ្ហាតែមួយគត់ព្រោះ Real មិនចង់ឱ្យចាកចេញក្នុងតម្លៃថោក។ ប៉ុន្តែប្រសិនបើគាត់មិនបន្តកិច្ចព្រមព្រៀងរបស់គាត់ទេ ការទទួលបានថ្លៃឈ្នួលផ្ទេរខ្លះនឹងប្រសើរជាងមិនបានអ្វីសោះនៅឆ្នាំក្រោយ។
បើយោងទៅតាមការធ្វើបច្ចុប្បន្នភាពចុងក្រោយ United ប្រហែលជាត្រូវរង់ចាំមួយឆ្នាំទៀត មុនពេលពួកគេអាចចុះហត្ថលេខាលើ Varane ។ Marca បានអះអាងថា Varane នឹងមិនមានបញ្ហាអ្វីទេក្នុងការស្នាក់នៅមួយរដូវកាលចុងក្រោយក្នុងទីក្រុងម៉ាឌ្រីដ ដើម្បីបញ្ចប់កិច្ចសន្យារបស់គាត់នៅទីនោះ។ បន្ទាប់មកគាត់អាចទទួលយកសំណើរបស់ United រយៈពេល ១២ ខែ។
នោះអាចជាដំណឹងល្អ និងដំណឹងអាក្រក់សម្រាប់បិសាចក្រហម ខណៈពេលដែលពួកគេនឹងទទួលបានកីឡាករដែលមានគុណភាពខ្ពស់ដោយឥតគិតថ្លៃ ពួកគេក៏ត្រូវពិចារណាផងដែរថាតើពួកគេត្រូវការដំណោះស្រាយសម្រាប់កន្លែងដែលទំនេរនៅរដូវកាលខាងមុខ។
លើសពីនេះទៅទៀត! វានៅតែមានហានិភ័យមួយដែលថា ប្រសិនបើ United រង់ចាំយូរទៀត Varane អាចបន្តកិច្ចព្រមព្រៀងជាមួយ Madrid ។ ប៉ុន្តែដំបូងគាត់ចង់បានការធានាលើគម្រោងកីឡារបស់ពួកគេ ហើយតំឡើងប្រាក់ឈ្នួល១២ លានអឺរ៉ូក្នុងមួយឆ្នាំ។
យោងតាម Mundo Deportivo ដែលបានដាក់ឈ្មោះបិសាចក្រហម ថាជាអ្នកនាំមុខគេក្នុងការចុះហត្ថលេខាលើខ្សែការពារជម្រើសជាតិបារាំងរូបនេះ United អាចនឹងបំពេញនូវតម្រូវការទាំងនោះ។ ភាពខុសគ្នាមួយនៅតែមាន លើអ្វីដែលតម្លៃផ្ទេររបស់គាត់មិនទាន់ជាក់លាក់។
ប្រសិនបើ Los Blancos មិនអាចបញ្ចុះបញ្ចូលគាត់ឱ្យស្នាក់នៅបានទេ ពួកគេនឹងព្យាយាមលក់ក្នុងតម្លៃចន្លោះពី ៥០ លានទៅ ៦០ លានអឺរ៉ូដែលជាតម្លៃមួយដែល United មិនទាន់ហ៊ានចំណាយ។
PSG អាចផ្ទេរយក Varane?
ហើយ Paris Saint-Germain ក៏មិនមានឆន្ទៈចំណាយប្រាក់ច្រើនដែរ ប៉ុន្តែយោងទៅតាមអ្នកសារព័ត៌មានម្នាក់បានឱ្យដឹងថាពួកគេបានធ្វើការផ្ទេរយកគ្រប់ពេល។ PSG តែងតែដូចជាគូប្រជែងដ៏សំខាន់របស់ United ក្នុងការប្រជែងយក Varane ។ ប៉ុន្តែគំនិតនៃការដេញថ្លៃរបស់ពួកគេបានក្លាយជារឿងមិនប្រាកដប្រជា នៅពេលដែលពួកគេបានចុះហត្ថលេខាលើមិត្តរួមក្រុមរបស់គាត់គឺ Sergio Ramos លើការផ្ទេរគ្មានតម្លៃខ្លួនកាលពីថ្មីៗនេះ។
លើសពីនេះទៅទៀតមានការអះអាងថា Varane ចង់ចូលរួមជាមួយ Man Utd ។ ប៉ុន្តែបើយោងតាមអ្នកសារព័ត៌មាន Calcio In Pillole លោក Ekrem Konur បានឱ្យដឹងថា PSG បានត្រៀមខ្លួនរួចជាស្រេចក្នុងការដាក់សំណើរ ៤០ លានអឺរ៉ូ ដើម្បីនាំយកអតីតយុវជនរបសើក្លិបបារាំង Lens ត្រឡប់ទៅ Ligue 1 វិញ។
PSG មានខ្សែការពារដែលមានគុណភាពពេញអស់ទៅហើយ ប៉ុន្តែវាអាចជាការភ្ញាក់ផ្អើលបន្តិចដែរដែល Man Utd ត្រូវរង់ចាំដល់ទៅមួយឆ្នាំដើម្បីចុះកុងត្រាយក Varane ដោយគ្មានតម្លៃខ្លួន ដូចជា PSG ចុះកុងត្រាយក Sergio Ramos អ៊ីចឹង៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
ព័ត៌មានថ្មីៗ
