តារាសម្តែងស្រីស្អាត ហង្ស ស្រីរ័ត្ន សម្រេចចិត្តផ្អាកថតភាពយន្តមួយរយៈ ដោយសារតែស្ថានភាពកូ.វីដ មិនទាន់បានប្រសើរឡើងវិញ
តារាសម្តែងស្រីស្រស់ស្អាតនិងមានឈ្មោះបោះសម្លេងគួរសមនៅក្នុងប្រទេសកម្ពុជា កញ្ញា ហង្ស ស្រីរ័ត្ន ផ្អាកទទួលការថតភាពយន្តអស់មួយរយៈពេលធំមកហើយ ហើយបច្ចុប្បន្ននេះ កញ្ញាក៏មិនទាន់ទទួលថតភាពយន្តវិញដែរ។
ការដែលសម្រេចចិត្តផ្អាកថតភាពយន្តមួយរយៈបែបនេះ មិនមែន តារាសម្តែង ហង្ស ស្រីរ័ត្ន មានលុយចាយមិនអស់នោះទេ គឺដោយសារកញ្ញាត្រូវការពារសុវត្ថិភាពខ្លួនឯង និង ក្រុមគ្រួសារ ដើម្បីជៀសឆ្ងាយពីជំងឺកូ.វីដនេះ។
ទោះបីជាជួបវិបត្តិសេដ្ឋកិច្ចបន្តិចបន្តួចដោយសារតែគ្មានចំណូលសោះក៏ដោយ កញ្ញា ហង្ស ស្រីរ័ត្ន ក៏នៅអាចគ្រប់គ្រងស្ថានភាពបាន ពីព្រោះតែកញ្ញាមិនមានជំពាកលុយខាងណា ហើយពីមុនមកកញ្ញាក៏មិនបានចាយលុយខ្ជះខ្ជាយដែលត្រូវឲ្យកញ្ញាជួបវិបត្តិសេដ្ឋកិច្ចធ្ងន់ធ្ងរក្នុងស្ថានភាពបែបនេះឡើយ។
កញ្ញា ហង្ស ស្រីរ័ត្ន ព្យាយាមសម្របជីវិតនៃការរស់នៅរបស់ខ្លួន ទៅតាមស្ថានការបច្ចុប្បន្ន ដូចទៅនឹងប្រជាជនទូទៅដោយខុសឆ្ងាយពីមុនច្រើន។
កំឡុងពេលសម្រាកនៅផ្ទះមិនទទួលការងារថតភាពយន្ត កញ្ញា ហង្ស ស្រីរ័ត្ន ក៏បានប្តូរខ្លួនឯង ដោយបានចូលសិក្សារហក់ចូលប្រឡូកក្នុងវិស្ស័យOnlineតាមរយៈការលក់ផលិតផលវិញម្តង ហើយក៏មិនខុសពីតារាដទៃទៀតដែរ ដោយពេលនេះតារាមួយចំនួនធំបានឈានជើងវិស័យលក់Online មកដល់ពេលនេះអាជីវកម្មOnline របស់កញ្ញា ហង្ស ស្រីរ័ត្ននៅមិនទាន់ចេញជារូបរាងនៅឡោះយទេ ដូច្នេះហើយទើបកញ្ញាមិនទាន់បានបង្ហាញពីផលិតផលដែលកញ្ញានឹងលក់។
អត្ថបទ៖ Mr. Fun
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ Writers
ព័ត៌មានថ្មីៗ
