Man Utd ត្រូវញញួរដំបែកហើយ ខណៈ City/Liverpool/Chelsea ត្រូវជួបក្រុមទាំងនេះ នៅជុំទី ៤
ក្លឹប Manchester United កាលពីយប់មិញ គឺជាក្រុមខ្លាំងមួយដែលបានធ្លាក់ចេញពីការប្រកួតពានរង្វាន់ Carabao Cup ឬ EFL Cup ត្រឹមជុំទី ៣។ ជាលទ្ធផលពួកគេបាន រងបរាជ័យក្រោមថ្វីជើង West Ham United ១-០ ដែលទើបប៉ះគ្នាមួយសារកាលពីចុងសប្តាហ៍។
ដោយឡែក Spurs ឯណោះ ក៏ប៊ិះតែនឹងធ្លាក់ តែចុងក្រោយយកឈ្នះបាល់កាត់សេចក្តី ៣-២ ប៉េណាល់ទីទៅលើ Wolves។ ចំណែកឯ Chelsea ក៏ដូចគ្នាលេងចប់ ៩០ នាទីស្មើ ១-១ ហើយទៅឈ្នះបាល់ ១១ ម៉ែត្រ ៤-៣ ទល់ Aston Villa។
សម្រាប់ក្រុមដែលត្រូវឆ្លងទៅកាន់វគ្គបន្ទាប់ ក៏បានផ្គូផ្គងត្រូវតតាំងគ្នាដូចខាងក្រោម៖
Chelsea vs. Southampton
Arsenal vs. Leeds United
Stoke City vs. Brentford
West Ham vs. Manchester City
Leicester City vs. Brighton
Burnley vs. Tottenham
QPR vs. Sunderland
Preston vs. Liverpool
រំឭកថាជុំទី ៤ ពាន Carabao Cup នឹងត្រូវប្រកួតចាប់ពីថ្ងៃទី ២៥ តុលាតទៅ។ កាលពីឆ្នាំទៅក្រុមឈ្នះជើងឯកពានរង្វាន់នេះ បានទៅលើ Man City ក្រោយយកឈ្នះ Aston Villa ២-១ មុនពេល Aguero ចាកចេញ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
