មិនមែនតែរឿងហូបចុកទេ នេះទម្លាប់ ៥ ដែលនាំឲ្យអ្នកដុះខ្លាញ់ក្បាលពោះ ឡើងគីឡូមិនដឹងខ្លួន
តាមពិតទៅការឡើងទម្ងន់ ដុះខ្លាញ់ក្បាលពោះ វាមិនពាក់ព័ន្ធដោយសាររបបអាហារទាំងស្រុងនោះទេ ដោយវាក៏មានការផ្សារភ្ជាប់ទៅនឹងទម្លាប់ទាំង ៥ ខាងក្រោមផងដែរ៖
៥) ចូលគេងយឺតពេក
ការគេងយឺតពេកធ្វើឲ្យមានអតុល្យភាពអ័រម៉ូនកើតឡើង ព្រោះវាបង្កើន Cortisol ហើយកាត់បន្ថយ Leptin។ មូលហេតុនេះវាធ្វើឲ្យយើងមានចំណង់អាហារចង់ទទួលទានច្រើន ហើយប្រព័ន្ធរំលាយអាហារក៏ដើរមិនសូវល្អដែរ។
អ័រម៉ូន Cortisol វាចាប់ផ្តើមកើនឡើងនៅកំឡុងពេលម៉ោង ២ ដល់ ៤ ព្រឹក និងឡើងដល់ខ្លាំងម៉ោង ៦ ព្រឹក ដូច្នេះយកល្អចូលគេងឲ្យបានមុនម៉ោង ១១ យប់គឺល្អបំផុត។
៤) ផឹកទឹកច្រើនពេកមុនចូលគេង
ការផឹកទឹកមុនចូលគេង កុំទទួលទានច្រើនពេក ព្រោះក្រៅពីវារំខានដល់ដំណេករបស់យើងហើយ វាក៏រំខានដល់សរីរាង្គរបស់យើងផងដែរ។ ប្រសិនណាអ្នកបើកពន្លឺភ្លើងបន្ទប់ទឹក កំឡុងពេលទើបងើបពីគេងភ្លាមៗ នោះវានឹងចាប់ផ្តើមទប់ស្កាត់ការផលិតនូវជាតិមាឡាតូនីន។ ដូច្នេះល្អបំផុត គួរផឹកទឹកត្រឹមមុន ២ ម៉ោង មុនពេលចូលគេ គឺល្អបំផុត។
៣) គេងបើកភ្លើង
ការគេងក្រោមពន្លឺ នឹងរំខានដល់ការផលិតមេឡាតូនីន ហើយអ័រម៉ូន Cortisol នឹងមានការកើនឡើង ពេលអ្នកទទួលរងការប៉ះពាល់ដោយសារពន្លឺនៅពេលចូលគេង។ នេះវានឹងបណ្តាលឲ្យអ្នកឡើងទម្ងន់ឥតឈប់ ដូច្នេះយកល្អគួរបិទនូវឧបករណ៍អេឡិចត្រូនិកទាំងអស់ ហើយគេងនៅទីតាំងងងឹត។
២) ការធ្វើលំហាត់ប្រាណមិនទៀងទាត់
ក្រៅពីរបបអាហារ ការហាត់ប្រាណក៏ជាកត្តាសំខាន់ ជួយដល់ការឡើងឬស្រកទម្ងន់របស់អ្នកផងដែរ។ វេជ្ជបណ្ឌិតមួយរូបនិយាយថា ពេលធ្វើលំហាត់ប្រាណ សាច់ដុំនឹងប្រើប្រាស់ថាមពលបញ្ចេញមកក្រៅ ជាជាងការរក្សាជាតិខ្លាញ់ ហេតុហ្នឹងហើយដំបូងៗអ្នកនឹងចាប់អារម្មណ៍ចង្កេះរបស់អ្នករាងស្រកបន្តិចម្តង ព្រោះជាតិខ្លាញ់បានថយពិតមែន។
មនុស្សពេញវ័យគួរធានាការធ្វើលំហាត់ប្រាណផ្នែកពោះ Aerobic exerciseយ៉ាងហោចណាស់ ១៥០ នាទី/សប្តាហ៍ ដើម្បីធានាពីការមានសុខភាពល្អ។
១) បំពេញនៅពេលមករដូវ
នៅពេលមករដូវ ស្រ្តីនឹងមានការផលិតប្រូសេស្តេរ៉ណ ដែលវាធ្វើឲ្យចំណង់អាហាររបស់ស្រ្តីមានការកើនឡើង។ ដូច្នេះហើយកុំគិតថា មួយខែកើតឡើងការមករដូវតែម្តង ហើយគួរសម្របតាមវានោះ ព្រោះវាអាចធ្វើឲ្យអ្នកឡើងទម្ងន់ដោយមិនដឹងខ្លួន។
យកល្អគួរព្យាយាមប្រកាន់ខ្ជាប់នូវរបបអាហារតាមបែបទម្លាប់របស់អ្នក មិនថាតែមានអ្វីកើតឡើងចំពោះរាងកាយត្រឹមរយៈពេលខ្លីហ្នឹងក៏ដោយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
