តាមហោរាសាស្រ្តបានដំណាលមកថា សម្រាប់អ្នកកើតចំថ្ងៃកំណើតទាំង ៨ ខាងក្រោម សម្រាប់យីអ៊ុននាពាក់កណ្តាលឆ្នាំ ២០២៣ ពួកគេនឹងទទួលបានផ្កាយសំណាងដ៏ធំមួយ ដែលជាលាភចារចេញពីទេវតាទ្រព្យ៖ (បញ្ជាក់ និយាយពីថ្ងៃកំណើត មិនសំដៅខែណាមួយឡើយ)
អ្នកកើតនៅថ្ងៃទី ៣ និងទី ៥
មនុស្សដែលកើតចំថ្ងៃទី ៣ ឬទី ៥ មិនថាខែណាក៏ដោយ (ឧទាហរណ៍៖ អ្នកបានកើតនៅថ្ងៃទី ០៣ មករា ឬ ០៥ កញ្ញា) តាមក្បួនដំណាលមក នៅឆ្នាំនេះ ពួកគេបានព្យាយាម ហត់នឿយច្រើនខ្លាំងណាស់ ដូច្នេះសម្រាប់ផលដែលបម្រុងនឹងបាន ដ្បិតបើកើតឡើងកន្លងមកជារឿយៗ តែវាមិនទាន់អស់នោះទេ ព្រោះនៅសល់លាភធំមួយកំពុងរង់ចាំអ្នកនៅពាក់កណ្តាលឆ្នាំ ២០២៣ នេះតែម្តង។
នៅល្បាក់ដើមខែមិថុនាតទៅមុខ អ្នកកើតចំថ្ងៃទី ៣ និងទី ៥ ពួកគេនឹងទទួលបានជោគជ័យគ្រប់ភារកិច្ច ធ្វើអ្វីក៏សម្រេចបានដូចការរំពឹងទុក ហើយនិយាយពីប្រាក់ចំណូលនឹងកើនឡើងគុណ ១ ទ្វេជា ២ ជា ៣ ក៏មាន។
ផ្អៀងទៅទំនាក់ទំនងស្នេហ៍ ក៏អាចជួបរឿងល្អផងដែរ ដោយបុរស នឹងជួបនារីល្អក្នុងជីវិត ដ្បិតអីខាងស្រ្តី ក៏នឹងរំលេចឃើញប្រុសស្មោះ គោះទ្វារបេះដូង ដែលបានស្អំទុក រង់ចាំអស់កាលជាយូរ។ គូគាប់ខាងមុខ គឺជាការភ្ជាប់របស់ទេវតា ចារមកតាំងពីជាតិមុន ឥតគេចផុតឡើយ។
អ្នកកើតនៅថ្ងៃទី ៧ និង ១០
កោះហៅ ឬ Mention ពួកគេចូលមក បើអ្នកបានស្គាល់ម្ចាស់ថ្ងៃកំណើត អ្នកកើតចំថ្ងៃទី ០៧ ឬថ្ងៃទី ១០ នៃខែណាក៏ដោយ។ ពេលវេលាសោយសុខលើផ្នែកទ្រព្យ លើផ្នែកសំណាង នឹងទទួលបានត្រឹមពាក់កណ្តាលឆ្នាំ ២០២៣ តទៅមុខ រហូតដល់ដំណាច់ឆ្នាំឯណោះ។
មិនថាអ្នកជាបុរស ឬស្រ្តី ចូររក្សាអាកប្បកិរិយានឹងធឹង រួចត្រូវបើកចិត្តឲ្យទូលាយ ទទួលយកការពឹងពាក់ពីអ្នកដទៃ។ ទង្វើដែលអ្នកបានជួយអ្នកដែលជួបការលំបាក ប្រៀបដូចការសន្សំបុណ្យ មិនរំំពឹងទេចង់បានផលតបស្នង តែអ្នកក៏មិនអាចគេចនោះដែរ នូវសំណាងរំពឹងទាញត្រលប់មកវិញនៅពេលបន្ទាប់។
អ្នកកើតនៅថ្ងៃទី ១២ និង ១៦
មនុស្សដែលកើតចំថ្ងៃទី ១២ និង ១៦ មិនថាខែណា មនុស្សនេះតែងតែស្វែងរកឱកាសថ្មីក្នុងជីវិតឥតឈប់ ពួកគេមិនចេះនៅមួយកន្លែងនោះទេ បើកន្លែងនោះជោគជ័យ បានសុខស្រួលហើយក៏ដោយ។ នៅពាក់កណ្តាលឆ្នាំតទៅ សម្រាប់ជីវិតរបស់ពួកគេបានជួបប្រទះឧបសគ្គច្រើន ហើយបើទោះខំប្រឹងប្រែងយ៉ាងណា ក៏មិនបានលទ្ធផលជាទីគាប់ចិត្តដែរ។
អរគុណចំពោះការតស៊ូ មិនបោះបង់ ជោគវាសនាមនុស្សកើតចំថ្ងៃកំណើតទាំងពីរខាងលើ នឹងទទួលបានជោគជ័យ លាភសំណាងធំ ដូចគេចារទុកឲ្យធ្លាក់មកក្នុងជីវិត។ បុគ្គលនេះបើមានឱកាសផ្សងសំណាង ក៏នឹងមានភាគរយត្រូវរង្វាន់ធំជាងអ្នកឯទៀត បើនិយាយពីចំណូល និងប្រាក់ចំណេញ ក៏មានការកើនឡើងជាច្រើនដូចគ្នា។
អ្នកកើតនៅថ្ងៃទី ២៤ និង ២៧
មនុស្សដែលកើតនៅថ្ងៃទី ២៤ ឬ ២៧ មិនថាខែមករា ដល់ខែធ្នូ សុបិនរបស់ពួកគេនឹងសម្រេចក្លាយជាការពិតនៅពាក់កណ្តាលឆ្នាំ ២០២៣ តែមិនច្បាស់ថា ក្តីសុបិនតូចធំណាមួយឡើយ។ ឆ្លៀតឱកាសនេះ បើអ្នកចេះចាប់យក ក្តោបក្តាប់ ហើយធ្វើការពង្រីកបន្ថែម នោះចូលដល់ពាក់កណ្តាលឆ្នាំ អ្នកនឹងកាន់តែរស់ស្រួល។
ក្នុងដំណើរជីវិតមនុស្សកើតចំថ្ងៃទាំងពីរខាងលើ ដ្បិតបើជួបរឿងលំបាក ជួបឧបសគ្គនៅផ្លូវខាងមុខជាបន្តបន្ទាប់ ក៏ពួកគេមិនចេះបាក់ទឹកចិត្តដែរ។ ហើយសំណាងមួយដែលពួកគេមាន គឺតែងតែរំលេចវត្តមាន មនុស្សតាមជួយជានិច្ច។
យ៉ាងណាអ្នកត្រូវប្រយ័ត្នបន្តិច ជៀសឲ្យឆ្ងាយពីមនុស្សពូកែក្តិចត្រួយ មនុស្សដែលល្អតែចំពោះមុខ ព្រោះពួកគេអាចនឹងបន្សាបបាត់អស់យីអ៊ុនរបស់អ្នក ដែលបម្រុងនឹងកើត។ ដោយឡែកចូរនៅក្បែរមនុស្សគិតវិជ្ជមានឲ្យបានច្រើន នោះក៏នឹងនាំភាពចម្រុងចម្រើនបន្ថែម មកកាន់ជីវិត៕
ប្រភព៖ បរទេស | ប្រែសម្រួល៖ ក្នុងស្រុក